2 Samueli 17:8 - Baibuli Ekibono kya Katonda 2014

⁸ Hushai era yaayongeraku ati: “Okiidhi nga lata wo n'abasaadha be ba maani agataloodheka, ate nga bali n'obusungu ng'oti n'ekisolo ekikambwe ekitooleibwaku ebyana byakyo. N'ekindi lata wo eby'entalo abiidhi inho, taidha kutenduka ghalala na bantu.

2 Samueli 17:8 ပူးပေါင်းရင်းမြစ်များ

2 Samueli 15:18

Abagheereza be boonaboona baamubitaku. N'abaamukuumanga Abakerethi n'Abapelethi boonaboona baamubitaku. N'abalwani boonaboona olukaaga (600) Abagitti, abaamunonereza ng'ava e Gathi, boona baamubitaku.

2 Samueli 17:9

Bona eno, ni saawa eno yeene aghanga okuba nga yeegisiisa mu biina oba okwegisa aghantu aghandi. Era ku bantu abaife bwe kunaabaaku abafa mu lulumba olusooka, kiisi anaakiwulira aidha kukoba ati, ‘Abantu ab'oku luuyi lwa Abusalomu baitiibwa inho.’

2 Samueli 23:16

Agho abalwani bale abasatu ab'amaani baaja baaghaguza mu kifo Abafilisiti ghe baasimba weema dhaibwe, baasena amaadhi mu nsulo eyo, baagaleetera Daudi. Aye yaaloba kuganhwaku naire, yaagafukira Musengwa Katonda

2 Samueli 23:18

Abishai muganda wa Yoabu era nga inhina ni Zeruia, n'eyali akulira abalwani amakumi asatu ab'amaani. Abishai oyo yaalwanisa abantu ebikumi bisatu n'eifumo lye yaabaita, yeekolera eriina mu balwani amakumi asatu abo.

2 Bakyabazinga 2:24

Elisha yaakyuka, yaalinga einhuma yaababona, era yaabakolimira mu liina lya Musengwa Katonda. Agho ebisolo ebikambwe bibiri ebikazi byava mu kibira, byayuzayuza abaana amakumi ana n'ababiri (42) ku abo.

Ensambo 17:12

Omuntu amala gaagaanana na nsolo nkambwe enhagiibwaku abaana baayo, atayagaanaine na musiru ng'ali kukola obusiru bwe.

Ensambo 28:15

Ng'empologoma oba ekisolo ekikambwe ekindi, bwe biba eby'akabi eri kye byenda okugema, n'omufuzi omubi yeena atyo bwaba ow'akabi eri abaavu.

Ezekieli 19:2

nga nkoba nti: Inhoko yali ng'oti mpologoma nkazi, yaatyama yaayonsa ebyana byayo nga n'empologoma enume enkambwe dhiri agho!

Danieli 7:5

Kabiri naja okulinga nti nga mbona ekisolo ekyokubiri ekikambwe. Kyali kisitwikeku oluuyi olundi aye ng'olundi luli ku itaka. Era nga kiri n'embavu isatu mukanwa dhe kigemereire n'amaino gaakyo. Baakikoba bati: “Situka olye emamba nhingi.”

Hosea 13:8

Ndibatuumiraku ng'oti n'ekisolo ekikambwe kye banhazeeku obwana bwakyo, naabayuzaamu ghabiri. Ndibakankamira nga muli gheene agho ng'oti mpologoma yeene, naabayuzayuzaamu bukutukutu ng'oti nsolo ya mu nsiko.

Abalamuzi 18:25

Ab'omu kika kya Dani baakoba bati: “Ekisinga, otayongera kwogera, okutoolaku ng'oyenda abasaadha bano abakambwe bakulumbe, bakwite iwe n'ab'omu ndhu yo.”

1 Samueli 16:18

Ghaabaagho omwisuka yaakoba ati: “Bona eno, nze nabona eyo mutabane wa Yesse Omubethelehemu ng'aidhi inho okugikuba. Omusaadha oyo mulwani wa ntalo aziramu ntete, mwogezi mulungi, mulungi mu mboneka ye, era Musengwa Katonda ali naye.”

1 Samueli 17:50

Kale Daudi yaaghangula Omufilisiti ng'akozesa nsuumulo na ibaale. Yaakuba Omufilisiti oyo yaamwita nga takozeisa mpiima naire.

1 Samueli 23:23

Kale ni muje mubonere irala ebifo mw'abwama ni yeegisa, memale mwire nga muli n'amawulire amakakafu. Olwo ndidha kuja n'imwe, era bw'anaaba ng'ali mu kiketezo ekyo, ndidha kumwagaaza mu nkumi n'enkumi edh'Abayudaaya.”