2 Samueli 17:14 - Baibuli Ekibono kya Katonda 2014

¹⁴ Agho Abusalomu n'Abaisiraeli boonaboona baakoba bati: “Amagezi ga Hushai Omuaraki malungi okusinga aga Ahithofeli.” Musengwa Katonda yali asazeegho ng'aja kubaleetera balobe kukolera ku magezi amalungi Ahithofeli ge yagha, mu nsambo eyo aleete akabi ku Abusalomu.

2 Samueli 17:14 ပူးပေါင်းရင်းမြစ်များ

Amainhama 32:28

Omusaadha yaakoba ati: “Tokaayetebwanga Yakobo, aye onaayetebwanga Isiraeli, kuba otuulaine ni Katonda era n'abantu, waaghangula.”

2 Samueli 15:31

Agho ghaabaagho abaakobera Daudi bati: “Ahithofeli ali mu abo abakudheemeire abali ni Abusalomu.” Daudi bwe baamukobera, yaasaba ati: “Wo Musengwa Katonda, nkweghembye fafaagania amagezi Ahithofeli g'anaagha Abusalomu, gafuukemu busiru.”

2 Samueli 15:34

Aye bw'onairayo mu kibuga n'okoba Abusalomu oti, ‘Isebantu kyabazinga, ndidha kuba mugheereza wo nga bwe mbairenga omugheereza wa lata wo mu biseera ebibise, era ntyo bwe ndidha okuba omugheereza wo mperaano,’ olwo oidha kuunhamba okutakania amagezi Ahithofeli g'agha.

2 Samueli 16:23

Mu biseera ebyo amagezi goonagoona Ahithofeli ge yaghanga ng'abantu bagatwala ng'oti n'ole ge yeebuuziiza ku Katonda. Daudi ni Abusalomu boona batyo bwe baagatwalanga okuba.

2 Ebyomubyanda 10:15

Kale atyo kyabazinga yaaloba kuwulirisa bantu. Musengwa Katonda n'eyaleetera ebintu okuja bityo, olwo atuukirize kye yakoba Yeroboamu mutabane wa Nebati ng'abita mu Ahiya ow'e Shilo.

2 Ebyomubyanda 10:8

Aye kyabazinga Rehoboamu yaava ku magezi g'abantu abakulu ge baamugha, yeebuuza ku baisuka abaakula naye era abaali nga n'abamugheereza mu kiseera ekyo.

2 Ebyomubyanda 25:16

Aye yali akaayogera, kyabazinga yaamukoba ati: “Twakulonda li okuba omuwi ow'amagezi wa kyabazinga? Sirika, okutoolaku ng'oli kunoonia kukwita!” Omulanzi yaasirika, aye era ng'amaze okumukoba ati: “Ndidhi nga Katonda mumalirivu okukuzikiriza, kuba okoze ekyo era waaloba kuwulirisa magezi ge nkughaire.”

2 Ebyomubyanda 25:20

Aye Amazia yaaloba okuwulirisa, kuba Katonda yayenda okubaghaayo baghangulwe abazigu baibwe, olw'okusinza emisambwa egya Abaedomu.

Nehemia 4:15

Abazigu baife baawulira nga twamanha olukwe lwaibwe, era nga Katonda n'eyatabulatabula entegeka dhaibwe. Agho twenatwena twairayo ku mulimo ogw'okuzimba ekimante.

Yobu 12:17

Abafuzi b'ensi abamalamu amagezi, abalamuzi yaabafuula abasirusiru.

Zabbuli 9:15

Abatatya Katonda baagwa mu biina bye baasima okutega abantu abandi era baagwa mu ntuula beene dhe baatega.

Zabbuli 9:16

Musengwa Katonda yeeyoleike ng'asala omusango mu butuufu, era abakozi b'ebibi beetegamu beene n'ebikolwa byaibwe byene.

Okuvaayo 9:16

Aye ekyakulesaagho ng'oli mulamu lwa kwenda nkwoleke amaani gange, eriina lyange lisaakibwe mu nsi yoonayoona.

Ensambo 19:21

Omuntu ategeka by'anaakola mu mwoyo gwe, aye Musengwa Katonda ky'asalagho n'ekibaagho.

Ensambo 21:30

Amagezi, n'okutegeera era n'okugalagirwa, byonabyona tibisobola kutakania Musengwa Katonda ni bimusinga.

Isaia 8:10

Mukolere ghalala entegeka dhaimwe, aye tidhirituukirizibwa; mwisanie ku kye munaakola, aye tikiidha kutuukirira; kuba Katonda ali ghalala n'ife.

Okulira 3:37

Naani asobola okulagira ekintu ni kibaagho okutoolaku nga Musengwa n'asazeegho kibeegho?

Amosi 9:3

Ni bwe balyegisa ghaigulu ku lusozi Karumeli, era nja kubaagala mbatuukeku mbatooleyo. Ni bwe balyegisa ghansi ku ntobo ey'enhandha, era nja kulagira ogusota gwamu gubalume.

Luka 16:8

“Kale musengwa yaasaaka omughanika oyo atali mwesimbu olw'amagezi ge yasala kuba abaana ab'ensi eno bagezigezi mu ngeri ye bakolaganamu n'ab'oluse lwaibwe okusinga abaana ab'omusana.

1 Ab'e Korintho 3:19

kuba ensi ky'edhuuba okuba amagezi, kiba busiru mu maiso ga Katonda. Era kuba kyaghandiikibwa kiti: “Atega abagezi ng'abita mu magezi gaibwe geene”

Amateeka Agokubiri 2:30

“Aye kyabazinga w'e Heshiboni, ayetebwa Sihoni, yaaloba kutuganha kubita mu nsi ye, kuba Musengwa Katonda waimwe yamukalangusa omwoyo. Yaamuleetera okudheema, olwo tughange okumughangula, n'okutwala ensi ye, mwe tukaali ni mpegaano.

Yoshua 11:20

Musengwa Katonda n'eyaleeteranga abantu abo, okukanaghala ni balwana n'Abaisiraeli. Olwo basalirwe omusango gubasinge, era bazikirizibwe aghazira kusaasirwa, nga Musengwa Katonda bwe yalagira Musa.