2 Samueli 17:12 - Baibuli Ekibono kya Katonda 2014

¹² Twidha kumutuukaku woonawoona gh'anaaba, tumugweku ng'oti n'omusulo bwe gugwa ku isubi. Era agho mwene, n'abantu boonaboona b'ali nabo twidha kubaita aghazira kulekagho waire omulala ati.

2 Samueli 17:12 ပူးပေါင်းရင်းမြစ်များ

1 Bakyabazinga 20:10

Agho Benihadadi yaamusindikira obukwenda, ng'akoba ati: “Ndidha kuleeta abasaadha bange bazikirize Samaria, bakifuule ng'oti nkungu bukungu, ate era enkungu eyo erobe na kubabuna buli mulala okuyoolaku omuganda. Ekyo bwe ntaakituukirize, emisambwa gimbonerezanga n'obukambwe.”

2 Bakyabazinga 18:23

Mpegaano ni, ka mbasonsoonie mu liina lya musengwa wange kyabazinga w'e Assiria: ndidha kubagha imwe embalaasi enkumi ebiri (2,000), bwe munaasobola okufunayo abanaadhivuga!

2 Bakyabazinga 19:24

Weesuuta nga bwe wasima ensulo, n'onhwa amaadhi mu nsi edh'abagwira, era ng'ebigere eby'abaisirukale bo bwe byakaza emiiga gyonagyona egy'e Misiri.

Zabbuli 110:3

Ku lunaku lw'olija n'eigye lyo okulwana, abantu bo baja kweghaayo kyeyendere aghazira kukakibwa. Abavubuka bo baja kwidha y'oli ku nsozi entukuvu ng'oti musulo gwa nkyo.

Obadia 1:3

Okwekuluntaza kwo kukulimbye, kuba odhuuba oti ekifo ky'olimu kyesigika inho ng'oti n'ekifo ekigumu eky'okwewogomamu ekyabaadhibwa mu ibaale. Era olw'okuba amaka go gali ghaigulu mu nsozi, okoba oti, ‘Naani alisobola okumpanula eno n'andhisa ghansi?’

Mika 5:7

Olwo Abaisiraeli abaliwonagho eyo ye baliba mu maghanga mu bunhage, baliba ng'oti n'omusulo oguva ye Musengwa Katonda, era baaba ng'oti n'amaadhi agagwa agakuza ebisimbe. Baja kwesiga maani ga Katonda gonka, se ti ga bantu.

1 Samueli 23:23

Kale ni muje mubonere irala ebifo mw'abwama ni yeegisa, memale mwire nga muli n'amawulire amakakafu. Olwo ndidha kuja n'imwe, era bw'anaaba ng'ali mu kiketezo ekyo, ndidha kumwagaaza mu nkumi n'enkumi edh'Abayudaaya.”