2 Samueli 16:4 - Baibuli Ekibono kya Katonda 2014

⁴ Kyabazinga yaakoba Ziba ati: “Byonabyona ebibaire ebya Mefiboshethi, mperaano bifuuse bibyo.” Ziba yaamukoba ati: “Isebantu kyabazinga, nkutaamu ekinhagansi! Era ngwananga naakola ebikusiimya buliidho.”

2 Samueli 16:4 ပူးပေါင်းရင်းမြစ်များ

2 Samueli 14:22

Yoabu yaakuba amakiryaivu era yaakutama n'ekyeni kyatuuka ku itaka, yaasabira kyabazinga enkabi. Agho yaakoba ati: “Olwaleero nze omugheereza wo ntegeire nga iwe Isebantu kyabazinga osiima bye nkola, kuba iwe musengwa wange oikiriiza okukola nze omugheereza wo kye nkusabye.”

2 Samueli 14:4

Kale omukazi oyo yaaja yaatuuka ye kyabazinga, yaakuba amakiryaivu era yaakutama n'ekyeni kyatuuka ku itaka. Yaakoba kyabazinga ati: “Isebantu kyabazinga, mbeera.”

2 Samueli 14:8

Kyabazinga yaakoba omukazi ati: “Irayo ewuwo ndidha kulagira ensonga dho badhikoleku.”

2 Samueli 16:3

Kyabazinga Daudi yaamubuuza ati: “Ate musengwa wo Mefiboshethi mwidhukulu wa Saulo ali gha?” Ziba yaamwiramu ati: “Asigaireyo mu Yerusalemu ng'akoba ati, ‘Olwaleero Abaisiraeli baidha kundhiriza obwakyabazinga obwali obwa dhaadha wange.’ ”

2 Samueli 16:5

Kyabazinga Daudi bwe yatuuka e Bahurimu, ghaabaagho omusaadha ow'oku lulyo lwa Saulo nga bamweta Shimei mutabane wa Gera. Omusaadha yaidha nga bw'avuma kyabazinga Daudi oyo aghazira kusalaku.

2 Samueli 19:27

Era yaidha yandhogeraku nze omugheereza wo, yaakoba ebintu bitali bituufu eri iwe musengwa wange kyabazinga. Aye iwe Isebantu kyabazinga, oli ng'oti malaika wa Katonda. Kale kola kyonakyona ky'onaabona nga n'ekirungi,

2 Samueli 9:6

Agho Mefiboshethi mutabane wa Yonathani era mwidhukulu wa Saulo, yaidha ye Daudi, yaakutama n'ekyeni kyatuuka ku itaka. Daudi yaamweta ati: “Mefiboshethi.” Mefiboshethi yaavugira ati: “Isebo, ndi ghano nze omugheereza wo.”

2 Samueli 9:9

Agho kyabazinga yaayeta Ziba eyali omugheereza wa Saulo, yaamukoba ati: “Ebintu byonabyona ebyali ebya Saulo n'ebyali eby'ab'omu ndhu ye, mbighaire mwidhukulu wa musengwa wo oyo Saulo.

Okuvaayo 23:8

“Otalyanga nguzi, kuba enguzi eziba abantu amaiso era yaafuulaniafuulania ensonga dh'oyo omutuufu.

Ensambo 18:13

Omuntu airamu ekintu nga tamaze kuwulirisa bukalamu, aba musiru era aswala.

Ensambo 18:17

Omuntu asooka okuwoza mu musango aboneka ng'oti n'omutuufu, okutuusa owundi lw'aidha naamulumiriza.

Ensambo 19:2

Ti kirungi muntu kukola kintu nga tasoose kulowooza, era ole agwidhubana n'ebintu talwa kugwa mu nsobi.

Amateeka Agokubiri 19:15

Musa yaakoba Abaisiraeli ati: “Omudhulizi omulala yenka taasingisenga muntu musango, olw'ekibi oba ekintu ekikyamu kyonakyona omuntu oyo ky'anaabanga ng'akoze. Omuntu anaakakasibwanga okuba ng'aliku omusango lwa budhulizi bwa bantu babiri oba basatu.