2 Samueli 16:3 - Baibuli Ekibono kya Katonda 2014

³ Kyabazinga Daudi yaamubuuza ati: “Ate musengwa wo Mefiboshethi mwidhukulu wa Saulo ali gha?” Ziba yaamwiramu ati: “Asigaireyo mu Yerusalemu ng'akoba ati, ‘Olwaleero Abaisiraeli baidha kundhiriza obwakyabazinga obwali obwa dhaadha wange.’ ”

2 Samueli 16:3 ပူးပေါင်းရင်းမြစ်များ

2 Samueli 16:4

Kyabazinga yaakoba Ziba ati: “Byonabyona ebibaire ebya Mefiboshethi, mperaano bifuuse bibyo.” Ziba yaamukoba ati: “Isebantu kyabazinga, nkutaamu ekinhagansi! Era ngwananga naakola ebikusiimya buliidho.”

Zabbuli 101:5

Nja kuzikirizanga omuntu yeenayeena ageya mwine, era tija kuguminkiriza muntu eyeekulumbaza era eyeesaakiriza.

Zabbuli 15:3

Tasiiga liina lya muntu yeenayeena nziro, takola mwine kibi, era taja ng'ageya baliraanwa be.

Zabbuli 88:18

Ondeeteire bakagwa bange abangonza einho okuneesamba, era buti enzikiiza ni munange yenka ye nasigaza.

Okuvaayo 20:16

“Mutaghanga ku muntu budhulizi bwa bulimba.

Ensambo 1:19

Ebyo n'ebituuka ku abo boonaboona abafuna obukombe mu kunhaga; mu bukombe bwene obwo n'omuva ekibaita.

Ensambo 21:28

Omuntu agha obudhulizi obw'obuguya aja kuzikirira, aye ole eyeefumintiriza by'awuliire, by'ayogera babiikiriza.

Mika 7:5

Otaikirizanga muntu muliraanwa wo ky'akoba, era oteesiganga ni bw'aba mukagwa wo. Weegenderezenga inho mu by'oyogera, ni bw'oba ng'oli kwogera ni mukazi wo y'oyenda.

Yuda 1:11

Bakagwireku! Kuba bagema engira nga Kaini ye yagema. Olw'okugonza einho empiiya bagwa mu nsobi ya Balaamu. Era nga Kora bwe yakola, boona badheemera ababafuga, era baazikirizibwa nga bwe yazikirizibwa