2 Samueli 16:22 - Baibuli Ekibono kya Katonda 2014

²² Kale baasimbira Abusalomu eweema ghaigulu ku ngulu kw'endhu ya kyabazinga, yaaja yaaba ni baka lata we ab'embali mu buliri, ng'Abaisiraeli boonaboona babona.

2 Samueli 16:22 ပူးပေါင်းရင်းမြစ်များ

Amainhama 35:22

Agho Isiraeli bweyali ng'akaali mu nsi eyo, Reubeni yaaja, yaaba ni Biliha omukazi wa ise ow'embali. Isiraeli yaakimanha. Batabane ba Yakobo baali ikumi na babiri.

2 Samueli 11:2

Lwali lulala eiguloigulo, Daudi yaasituka yaava ku buliri bwe ng'amaze okulambaala okuwuumulaku, yaatambulatambula ghaigulu ku ngulu okw'endhu ye. Ng'ali eyo ghaigulu yaalengera omukazi ali kunaaba, ng'aboneka bulungi inho.

2 Samueli 15:16

Kale kyabazinga Daudi yaalumuka mu Yerusalemu n'ab'omu ndhu ye boonaboona. Aye yaalekayo bakazi be ab'embali ikumi, baakuuma ekisaagaati kye eky'obwakyabazinga.

2 Samueli 20:3

Daudi bwe yatuuka mu kisaagaati kye eky'obwakyabazinga e Yerusalemu, yaatoola bakazi be bale eikumi ab'embali be yaleka okulabiriranga ekisaagaati ekyo, yaabata mu ndhu ndala ng'agitaireku n'abakuumi. Abakazi abo yaabaghanga bye beetaaganga, aye nga taba nabo mu buliri. Kale yaabasibira mu ndhu eyo okutuusa okufa, nga bali ng'oti banamwandu.

Isaia 3:9

Okuboolagana kwaibwe kwene kubalumiriza omusango; ebibi byaibwe babikolera gheeru ng'oti n'abe Sodoma, tibabigisaaku naire. Bakagwireku! Kuba beereeseeku beene akabi.

Yeremia 3:3

Amaadhi amasambya kye gaviire ni gatagwa, n'amatoigo goona ni gasibibwa. Aye ate mwekazakaza mu maiso nga bamalaaya beene, mwaloba na kuswala.

Yeremia 8:12

Bandibaire baswalanga nga bakoze ebyenhinhalwa! Aye busa naire, tibaswala waire akatono kati. N'ensoni tidhibagemaku naire. Kale ni kyebaliva ni baghangulwa ng'oti n'abandi bwe baaghangulwa, era ni bazikirira lwe ndiidha okubonereza. Nze Musengwa Katonda, ninze nkobye.”

Ezekieli 24:7

Omusaayi ogw'abantu be baatemula gukaali mu kibuga ekyo. Tibaaguyugha mu nkungu n'egughembaku. Aye baaguyugha bwa ku lubaale lwereere.

Okubala 25:6

Mu kiseera ekyo, ng'Abaisiraeli bakaali agho ku mulyango ogw'Eweema ey'Okwagaananirangamu ni Musengwa Katonda, nga bali kulira, ghaabaagho Omuisiraeli eyaleeta omukazi Omumidia mu ndhu ye, nga Musa n'abantu abandi boonaboona babona.

Ab'e Filippi 3:19

Ekirisembayo eky'abantu abo kuliba kuzikirira, kuba katonda ye basinza, n'enda dhaibwe. Beesaaka olw'ebyo ebyandibaswaziiza era balowooza bya ku nsi kuno byonka.