2 Samueli 16:10 - Baibuli Ekibono kya Katonda 2014

¹⁰ Aye kyabazinga Daudi yaakoba Abishai ati: “Mundeke, imwe batabane ba Zeruia. Musengwa Katonda bw'aba nga n'amukobye ati, ‘Vuma Daudi’, naani aghanga okumubuuza ati, ‘Lwaki okoze otyo?’ ”

2 Samueli 16:10 ပူးပေါင်းရင်းမြစ်များ

Amainhama 50:20

Imwe mwayenda okunkola ekibi, aye Katonda yaayenda kiveemu ekirungi olw'okuwonia obulamu obw'abantu kamaala. Abantu abo bakaali balamu mpegaano, olw'ekyo ekyabaagho.

2 Samueli 19:22

Aye kyabazinga Daudi yaamukoba ati: “Ye mumbeereire ki imwe abaana ba Zeruia? Lwaki mwenda okundeetaku obuzibu olwaleero? Mudhuuba muti ghaligho anaitibwa mu Isiraeli olwaleero luno? Nkiidhi bukalamu nti mperaano ninze kyabazinga wa Isiraeli.”

2 Samueli 19:23

Agho kyabazinga yaalayirira Shimei ati: “Nkukakasa nti toidha kwitibwa.”

2 Samueli 3:39

Olwaleero luno mpulira nga nziramu maani, waire nga ninze kyabazinga eyasiigibwa omuzigo. Batabane ba Zeruia bano, banfuukire ekizibu. Oyo eyakola ekibi ekyo, Musengwa Katonda agwananga yaamwesasuulizaaku mu nsambo emugwaniire olw'obubi bwe.”

1 Bakyabazinga 17:18

Agho omukazi yaakoba Eliya ati: “Ondiku nzigu yaaki, iwe omuntu wa Katonda? Waidha ghano kwidhusa Katonda bibi byange, na kwitisa mwana wange?”

1 Bakyabazinga 2:5

“Ate era oidhi Yoabu mutabane wa Zeruia kye yankola, bwe yatemula abaduumizi b'eigye lya Isiraeli ababiri Abuneri mutabane wa Neri, ni Amasa mutabane wa Yetheri. Yabatemulira mu biseera eby'emiraala, ng'abeesasuulizaaku olw'abantu abaitibwa mu ntalo. Mu nsambo eyo yandeetera okuvunaanibwa ogw'okwita abantu abaziraku musango.

2 Bakyabazinga 18:25

Mulowooza muti nalumba ekifo kino okukizikiriza nga Musengwa Katonda tali ghalala ninze? Musengwa Katonda mwene n'eyankoba ati, ‘Lumba ensi eyo ogizikirize.’ ”

Yobu 9:12

Bw'atwala ekintu kyonakyona ky'ayenda, naani asobola okumulobera? Naani akana okumubuuza ati, ‘Oli kukola ki ekyo?’

Zabbuli 39:9

Ka nsirike, tiidha kwogera kibono kyonakyona, kuba okudaagadaaga kwange kuva y'oli.

Omulangirizi 8:4

Era bw'alagira ghazira airamu, oba okumubuuza ati: “Oli kukola ki ekyo?”

Okulira 3:37

Naani asobola okulagira ekintu ni kibaagho okutoolaku nga Musengwa n'asazeegho kibeegho?

Danieli 4:35

Abona abantu ab'oku nsi boonaboona ng'oti n'ebintuntu ebitagasa naire. Akola kyonakyona ky'aba eyenze ku ebyo ebiba ku igulu, era yaakola kyonakyona ky'ayenda ku bantu boonaboona ababa ku nsi. Ghazira asobola kumutakania, oba okumubuuza ky'akoze.

Matayo 16:23

Aye Yesu yaakyuka yaakoba Petero ati: “Nva mu maiso Sitaani, oli kitimuguunha mu ngira yange kuba ebya Katonda tobitegeera, otegeera bya bantu.”

Matayo 8:29

Olwamubona baawowoigana nga bakoba bati: “Otwendeza ki iwe Omwana wa Katonda? Oidhie ghano okutudaazadaaza ng'obwire bukaali kutuuka?”

Yoanne 18:11

Aye Yesu yaakoba Petero ati: “Empiima yo giize mu kiruutu kyayo. Ekikopo Lata ky'ampaire nnaaloba okukinhwa?”

Ab'e Roma 9:20

Aye iwe omuntu niiwe ani atakania Katonda? Ekiwumbe kisobola okukoba eyakiwumba kiti: “Lwaki wampumba oti?”

1 Petero 2:23

Bwe yavumibwa, mwene tiyavuma. Bwe yadaazibwadaazibwa, tiyeesoomera abo abaamudaazadaaza. Aye yata obwesige mu Katonda oyo asala omusango nga tasaliriza.

1 Samueli 26:19

Isebantu kyabazinga, mperaano ni nkweghemba owulire bye nja okukoba, nze omugheereza wo: Bw'aba nga Musengwa Katonda n'akuleeteire okundhiigania, ka mmusabe aganhe okumugha ekigheebwayo. Aye bwe baba nga bantu, abo Musengwa Katonda abakolimire kuba mperaano baaminze mu nsi ya Musengwa Katonda ey'ensikirano, bansindika mu nsi ey'endha okugheereza emisambwa!