2 Samueli 16:1 - Baibuli Ekibono kya Katonda 2014

¹ Kyabazinga Daudi bweyali ng'amaze okubitaku akabanga katono ku mutwe gw'olusozi, yayagaanana ni Ziba omugheereza wa Mefiboshethi. Yali n'endogoyi ibiri edhiriku ebintu ebityamibwaku, nga dheetwise emigaati ebikumi bibiri, n'obufaaganda kikumi obw'emizabbibu emikaze, n'ebifaaganda kikumi eby'ebibala ebisookereza okwenga, n'ensagho ey'oluwu ey'omwenge ogw'emizabbibu.

2 Samueli 16:1 ပူးပေါင်းရင်းမြစ်များ

2 Samueli 15:30

Daudi yaaja ng'ali kulira amaziga, yaaniinaniina Olusozi olw'Emiti Emyoliva nga yeeghembereire omutwe olw'okunakughala, era ng'ali mu bigere byereere. Ni be yali nabo boonaboona baaja nga bali kulira amaziga, baaniinaniina nga beeghembereire emitwe.

2 Samueli 15:32

Daudi bwe yatuuka ku ngulu ku lusozi kwe baasinzizanga Katonda, yaja okulinga ati ng'abona Hushai Omuaraki ng'ali kwidha y'ali. Yali akanwiremu ekivaalo kye era ng'omutwe gwe agusiize eitaka.

2 Samueli 19:17

Yaidha n'abantu lukumi (1,000) Ababenjamini. Ni Ziba omugheereza w'endhu ya Saulo yeena yaidha, ni batabane be ikumi na bataanu, n'abagheereza be amakumi abiri, baayangughaku okuja ku mwiga Yorudani okusangaaza kyabazinga Daudi.

2 Samueli 19:32

Barazillai oyo yali musaadha mukaire inho, ng'agheza emyaka kinaana egy'obukulu. Yali mukombe inho, nga n'agha kyabazinga emere ekiseera kyonakyona kyabazinga oyo kye yamala e Mahanaimu.

1 Ebyomubyanda 12:40

Abantu baaviira irala ghala mu bika: ekya Issakari, n'ekya Zebuluni, n'ekya Nafutali, baaleetera emere ku ndogoyi, ni ku ngamiya, ni ku nhumbu ni ku nte, nga n'omuli: obuwunga obuseereibwa obukalamu, ebitole eby'ebibala ebikalu eby'emitiini, obufaaganda obw'emizabbibu emikalu, omwenge ogw'emizabbibu, n'omuzigo ogw'ebibala eby'emiti emyoliva. Baaleeta n'ente, n'entaama kamaala edh'okwita okulya, kuba mu Isiraeli mwonamwona mwalimu eisanhu.

Ensambo 18:16

Omuntu ali n'ekirabo ky'aleeta bamusegulira yaabita, yaatuuka ni mu maiso ag'abantu abakologho.

Yeremia 40:10

Nze mwene ndidha kuba e Mizipa nsobole okuboogereragho imwe nga Abababilonia baidhie ye tuli. Aye imwe muje mube mu byalo byaimwe, musoloze era mutereke omwenge ogw'emizabbibu, n'ebibala eby'ekyengera, n'omuzigo ogw'ebibala eby'emiti emyoliva.”

Yeremia 40:12

Kale baava eyo yoonayoona ye baali basansaaniire, baira mu Buyudaaya. Baaja e Mizipa ye Gedalia era baasoloza omwenge ogw'emizabbibu n'ebibala eby'ekyengera kamaala.

Amosi 8:1

Kabiri Musengwa Katonda yandholeka bino: naja okulinga nti nga mbona ekiibo eky'ebibala ebituuse okulya.

Mika 7:1

Nkagwireku nze! Ndi oti n'omuntu ali endhala aja ku muti ogw'ebibala n'ayagaana nga baagumalaku, era n'aja ku mizabbibu nga kwona baaginogaku. Olwo yaaba ng'asubiibwa obuwoomi bw'emizabbibu n'obw'ebibala eby'emitiini ebisookereza okwenga!

1 Samueli 10:3

Agho oidha kuvaagho, weeyongereyo otuuke ku muti omukologho oguli e Tabori, y'onaayagaana abantu basatu nga bali kuja e Betheli okusinza Katonda. Omulala ku abo aidha kuba ng'ali kutwala embuzi entototo isatu, owundi ng'ali kutwala emigaati esatu, n'owundi ng'ali kutwala ensawo ey'omwenge gw'emizabbibu ey'oluwu.

1 Samueli 16:20

Yesse yaatoola endogoyi yaagitwika emigaati n'ensawo ey'oluwu erimu omwenge ogw'emizabbibu, era yaatoola n'embuzi entototo, ebyo byonabyona yaabigha mutabane we Daudi abitwalire Saulo.

1 Samueli 25:18

Agho Abigaili yaayangugha, yaatoola emigaati ebikumi bibiri, n'ensawo ibiri edh'amawu edhirimu omwenge ogw'emizabbibu, n'entaama itaanu enfumbire irala, n'ebiibo bitaanu eby'emere ey'empeke enkalange, n'obufaaganda kikumi obw'emizabbibu emikaze, n'ebitole ebikumi bibiri eby'ebibala eby'emiti emitiini ebikaziibwa. Ebyo byonabyona yaabitwika ku ndogoyi.