2 Samueli 15:8 - Baibuli Ekibono kya Katonda 2014

⁸ Nze omugheereza wo bwe nali nga nkaali e Geshuri mu Aramu, neeyama nti, ‘Bwenebwene Musengwa Katonda bw'alindhizaayo e Yerusalemu, ndimusinziza mu Heburoni.’ ”

2 Samueli 15:8 ပူးပေါင်းရင်းမြစ်များ

2 Samueli 14:23

Kale Yoabu yaasitukiramu yaaja e Geshuri, yaiza Abusalomu e Yerusalemu.

2 Samueli 14:32

Abusalomu yaamwiramu ati: “Bona eno, nakugheereza obukwenda obukoba buti, ‘Idha onjiiregho ye kyabazinga, omubuuze ensonga lwaki nava e Geshuri. Kasinga nandisigaire eyo n'okutuusa mpegaano. Kale ni buti ka nje ye kyabazinga. Bwemba nga ndi n'omusango, kyabazinga k'andhite.’ ”

2 Samueli 15:9

Kyabazinga Daudi yaamukoba ati: “Ja miraala.” Kale Abusalomu yaasitula yaaja e Heburoni.

2 Samueli 3:3

Owokubiri yaaba Kileabu, inhina nga ni Abigaili namwandu wa Nabali ow'e Karumeli. Owokusatu yaaba Abusalomu, inhina nga ni Maaka, mughala wa Talumai eyali kyabazinga wa Geshuri.

Zabbuli 56:12

Wo Katonda wange, nteekwa okutuukiriza obweyamo bwange; ndidha kughaayo omusengo olw'okukusiima,

Omulangirizi 5:4

Bw'obanga weeyamye ekintu eri Katonda, otalwangagho kukituukiriza, kuba Katonda tasanhukira basiru. Tuukirizanga kye weeyamye okukola.

Isaia 28:15

Musengwa Katonda akoba ati: “Mwesuuta mbu mwakola endagaano n'okufa, era mbu mwataagho entegeeragana ghagati ghaimwe n'amagombe. Era mukoba muti akabi namuzisa bwe kaliidha, imwe tikalibatuukaku, kuba obulimba n'obuguya bye mufiire obulumukiro bwaimwe obubawonia.”

Yeremia 42:20

munaaba mukoze ekisobyo ekija okubaitisa kuba mwantuma okubasabira ye Musengwa Katonda waife, nga mukoba muti, ‘Tusabire ye Musengwa Katonda waife, era buli ky'anairamu okitukobere ife. Era twidha kukikola.’

Yoshua 24:15

Aye oba nga timuli beetegefu kugheereza Musengwa Katonda, musalegho olwaleero luno ye munaagheerezanga: oba musalagho kugheereza bakatonda badhaadha baimwe be baasinzanga nga bakaali eruuyi ere ng'osomoike omwiga, oba bakatonda ab'Abamori abaali beene kiketezo kino buti ghe muli. Aye nze ku lwange n'ab'endhu yange twidha kugheerezanga Musengwa Katonda.”

1 Samueli 1:11

Yeeyama ng'akoba ati: “Wo Musengwa Katonda Afuga Amagye, bw'onaalingirira okudaazibwadaazibwa kwange nze omwiru wo omukazi, n'ondidhukira n'otaneerabira, n'ompa omwana omulenzi, nja kumukugha iwe Musengwa Katonda enaku dhoonadhoona edh'obulamu bwe, era taasalengaku nviiri.”

1 Samueli 16:2

Samueli yaakoba ati: “Nsobola ntya okuja eyo? Saulo bw'alikiwulira aja kundhita!” Musengwa Katonda yaamukoba ati: “Ja n'ente ento, olikoba oti, ‘Ndidhie kughaayo musengo eri Musengwa Katonda.’