2 Samueli 15:32 - Baibuli Ekibono kya Katonda 2014

³² Daudi bwe yatuuka ku ngulu ku lusozi kwe baasinzizanga Katonda, yaja okulinga ati ng'abona Hushai Omuaraki ng'ali kwidha y'ali. Yali akanwiremu ekivaalo kye era ng'omutwe gwe agusiize eitaka.

2 Samueli 15:32 ပူးပေါင်းရင်းမြစ်များ

2 Samueli 1:2

Ku lunaku olwokusatu yaja okubona ng'omwisuka atuuka, ng'ava mu kifo Saulo ghe yasimba weema dhe. Omwisuka oyo yali akanwiremu ebivaalo bye nga n'omutwe gwe gwidhwire nkungu olw'enaku. Bwe yatuuka eri Daudi yaakuba amakiryaivu era yaakutama n'ekyeni kyatuuka ku itaka.

2 Samueli 13:19

Tamari yeemansira eivu mu mutwe, yaakanulamu ekivaalo kye ekireeyi kye yali avaire, yeetwika emikono gye yaaja ng'ali kuwowoola.

2 Samueli 15:30

Daudi yaaja ng'ali kulira amaziga, yaaniinaniina Olusozi olw'Emiti Emyoliva nga yeeghembereire omutwe olw'okunakughala, era ng'ali mu bigere byereere. Ni be yali nabo boonaboona baaja nga bali kulira amaziga, baaniinaniina nga beeghembereire emitwe.

2 Samueli 16:1

Kyabazinga Daudi bweyali ng'amaze okubitaku akabanga katono ku mutwe gw'olusozi, yayagaanana ni Ziba omugheereza wa Mefiboshethi. Yali n'endogoyi ibiri edhiriku ebintu ebityamibwaku, nga dheetwise emigaati ebikumi bibiri, n'obufaaganda kikumi obw'emizabbibu emikaze, n'ebifaaganda kikumi eby'ebibala ebisookereza okwenga, n'ensagho ey'oluwu ey'omwenge ogw'emizabbibu.

2 Samueli 16:15

Agho Abusalomu ng'ali ni Ahithofeli era n'Abaisiraeli be yali nabo, baaja e Yerusalemu.

2 Samueli 17:5

Abusalomu yaakoba ati: “Mundhetere Hushai Omuaraki, tuwulire yeena ky'akoba.”

1 Bakyabazinga 11:7

Agho yaazimba ku lusozi oluli ku luuyi olw'e buvandhuba wa Yerusalemu, ekifo ekigulumivu eky'okusinzizaamu omusambwa Kemoshi ogw'Abamoabu ogwenhinhalwa, n'eky'okusinzizaamu omusambwa Moleki ogw'Abammoni, gwona era ogwenhinhalwa.

1 Bakyabazinga 4:16

Baana mutabane wa Hushai yaalabirira ekiketezo kya Asheri n'ekibuga Bealothi;

1 Ebyomubyanda 27:33

Ahithofeli yali muwi wa magezi wa kyabazinga, ate Hushai Omuaraki yaaba mukagwa wa kyabazinga.

Zabbuli 3:7

Wo Musengwa Katonda, idha omponie, iwe Katonda wange! Abazigu bange boonaboona bakube empi ku matama, omulungule amaino g'aboonooni abo.

Zabbuli 50:15

Munsabenga nga muli mu bizibu, ndidhanga kubawonia, imwe muntengamu ekitiisa.”

Zabbuli 91:15

Bw'anandhetanga ndidha kumuvugiranga; ndidha kubanga ghalala naye mu buli kizibu. Mmuwonienga ebimunhigiriza, era mmugheesenga ekitiisa.

Luka 19:29

Bwe yatuuka okumpi ni Bethifage ni Bethania, agho nga ku Lusozi olw'Emiti Emyoliva, yaatuma babiri ku Beegeresebwa be,

Yoshua 16:2

Yaava e Betheli yaaja e Luzi, era yeeyongerayo okutuuka e Atarothi Addari, ekiketezo eky'Abaraki.

1 Samueli 4:12

Agho omuntu ow'omu kika kya Benjamini, yaalumuka ng'ava mu lutalo, yaaja yaatuuka e Shilo ku lunaku lwene olwo, ng'akanwiremu ebivaalo bye, era ng'asiize eitaka mu mutwe gwe, olw'enaku.