2 Samueli 15:3 - Baibuli Ekibono kya Katonda 2014

³ nga Abusalomu amukoba ati: “Ensonga dho nungi era ntuufu, aye ghazira muntu kyabazinga ye yataagho kudhiwulira.”

2 Samueli 15:3 ပူးပေါင်းရင်းမြစ်များ

2 Samueli 15:4

Abusalomu oyo era yaayongeraku ati: “Kale nguli nali mulamuzi mu nsi yaife! Olwo buli muntu eyandibairenga n'omusango oba ensonga yoonayoona, yandiidhienga ye ndi, naamusaliranga mu mazima.”

2 Samueli 8:15

Kale atyo Daudi yaafuga Isiraeli yoonayoona, yaakoleranga abantu be ebintu mu butuufu ni mu mazima.

Zabbuli 12:2

Buli muntu aguya mwine, yaasuutiriza mwine ku munwa, aye nga mu mwoyo muguya.

Okuvaayo 20:12

“Balata baimwe ni bainhaimwe mubaghenga ekitiibwa, olwo mughangaale enaku kamaala mu nsi nze Musengwa Katonda waimwe ye ndi kubagha.

Okuvaayo 21:17

“Omuntu yeenayeena anaakolimiranga ise oba inhina, wa kwitibwanga.

Ensambo 12:2

Omuntu omulungi asiimibwa Musengwa Katonda, aye ole ali n'entegeka edh'okukola ebibi amusalira omusango gwamusinga.

Ensambo 30:11

Ghaligho abantu abakolimira baiseibwe, era abatasabira bainhaibwe nkabi.

Ensambo 30:17

Amaiso g'oyo anhooma ise oba ag'oyo atagondera inhina, galimodhebwamu amakoova ag'omu nsiko, era gaaliibwa ensega.

Ezekieli 22:7

Abazaire mu iwe batwalibwa ng'ekitagasa, ebintu by'abasenze byakupankupanizibwa, banamwandu ni bamulekwa baatulugunhizibwa.

Danieli 11:21

Agho malaika yaayongera okwinhonhola ati: “Kyabazinga wa Siria aliiragho mu kifo ky'oyo, aliba muntu anhoomebwa era atagwanira kuba kyabazinga naire. Alirebereza abantu, yaabalimbalimba, yaabaikirizisa nga tibaidhi, baaja okweidhuukiriza ng'afuuse kyabazinga.

Okubala 16:3

Beesoloza, baaja baadheemera Musa ni Aaroni, baabakoba bati: “Mubitiriiza okwekuluntaza! Abantu boonaboona ab'eighanga lino ba Musengwa Katonda era Musengwa Katonda aba mu ife. Kale lwaki mwetwala nga muli ba ghaigulu inho okusinga abantu ba Musengwa Katonda abo?”

Matayo 15:4

Ate nga Katonda yakoba ati, ‘Lata wo ni inhoko obatangamu ekitiisa,’ era ati, ‘Oyo avuma Ise oba inhina aitibwenga bwitibwe.’

Ebikolwa by'Abatume 23:5

Paulo yairamu ati: “Baganda bange, mbaire timanhie nga n'Omukulu wa Bakabona, kuba kyaghandiikibwa kiti, ‘Toyogeranga bubi ku mukulu wa ighanga lyo.’ ”

1 Petero 2:17

Buli muntu mumutengamu ekinhagansi. Mugonzenga aboluganda. Mutyenga Katonda, era ni Kyabazinga mumutengamu ekinhagansi.

2 Petero 2:10

Era Katonda abonereza okusingira irala abo abajiira ku mairu amabi ag'omubiri, ni banhooma obufuzi. Abeegeresa abo abaguya bakanu, era beidhi bonka tibatya na kuvuma ba kitiisa.