2 Samueli 15:28 - Baibuli Ekibono kya Katonda 2014

²⁸ Nze ndidha kusigala nga nteegereire mu kifo omwiga ghe gusomokerwa okuja mu irungu, okutuusa lwe ndifuna obukwenda obuva y'oli okunkobera ebiriyo.”

2 Samueli 15:28 ပူးပေါင်းရင်းမြစ်များ

2 Samueli 15:23

Abantu boonaboona baalira nga bawowoola, nga kyabazinga Daudi n'abantu be yaja nabo bali kubita. Kyabazinga n'abantu boonaboona be yali nabo, baaja baasomoka akaiga Kiduroni, beeyongerayo nga boolekeire eirungu.

2 Samueli 15:29

Kale Zadoki ni Abiathari baatwala Esanduuku ey'Endagaano ya Katonda e Yerusalemu, era baasigala eyo.

2 Samueli 16:2

Kyabazinga Daudi yaabuuza Ziba ati: “Bino byonabyona oleese byaki?” Ziba yaamwiramu ati: “Endogoyi dha ba mu ndhu yo iwe Isebantu kyabazinga, batambulirengaku. Emigaati n'ebibala ebisookereza okwenga bya baisuka bo kulya. Omwenge ogw'emizabbibu gw'abo abanaazirikanga mu irungu kunhwangaku.”

2 Samueli 17:1

Ebyo nga bikaali agho, Ahithofeli yaakoba Abusalomu ati: “Ka nondeyo abantu omutwalo mulala n'enkumi ibiri (12,000), nje nabo tubingirire Daudi obwire buno.

2 Samueli 17:16

Hushai oyo yaayongeraku ati: “Buti ni mwangughe mugheereze Daudi obukwenda nga mumukoba muti, ‘Obwire bwaleero mutasula mu bifo eby'omu irungu omwiga ghe gusomokerwa, aye musomoke mweyongereyo, kuba iwe Isebantu kyabazinga n'abantu boonaboona b'oli nabo, abazigu basobola okubalumba baabasaaniagho.’ ”

Yoshua 5:10

Abaisiraeli bwe baali nga bakaagumbye agho e Giligali mu biketezo by'e Yeriko eby'omuseetwe, olw'eigulo baakola Ekibinuko eky'Okwidhukiriraku Okubitizibwa, ng'enaku edh'omwezi ikumi na ina.