2 Samueli 15:24 - Baibuli Ekibono kya Katonda 2014

²⁴ Agho Abiathari yaidha, era okuja okubona nga ni Zadoki kabona yeena aidha n'Abalevi boonaboona nga babbeedie Esanduuku ey'Endagaano ya Katonda. Baisa ghansi Esanduuku ey'Endagaano, okutuusa abantu boonaboona bwe baamala okuva mu kibuga.

2 Samueli 15:24 ပူးပေါင်းရင်းမြစ်များ

2 Samueli 15:27

Kyabazinga Daudi era yaakoba Zadoki kabona ati: “Bona eno, irayo mu kibuga n'emiraala, ghalala ni mutabane wo Ahimaazi, ni Yonathani mutabane wa Abiathari.

2 Samueli 15:35

Bakabona Zadoki ni Abiathari baidha kuba eyo n'iwe. Kale kyonakyona ky'onaabanga ng'owuliire mu ndhu ya kyabazinga oidha kukikoberanga abo.

2 Samueli 20:25

Sheva yali mughandiisi ate Zadoki ni Abiathari baaba bakabona.

2 Samueli 6:13

Abaabbeeda Esanduuku ya Musengwa Katonda bwe baali baakatambulaku ebigere omukaaga, Daudi yaatoola ente endaagho n'ente entototo empiite, yaabighaayo ng'omusengo eri Musengwa Katonda.

2 Samueli 8:17

Zadoki mutabane wa Ahitubu ni Ahimeleki mutabane wa Abiathari, baaba bakabona. Seraia yaaba mughandiisi.

1 Bakyabazinga 1:8

Aye Zadoki kabona, ni Benaia mutabane wa Yehoiada, ni Nathani omulanzi, ni Shimei, ni Rei, n'abasaadha ba Daudi ab'amaani, tibaali ku luuyi lwa Adoniya.

1 Bakyabazinga 2:26

Kyabazinga Solomoni yaakoba Abiathari kabona ati: “Ja mu kyalo kyo mu Anathothi. Ogwaniire okwitibwa, aye tiidha kukwita mpegaano, kuba walabiriranga Esanduuku ya Musengwa Katonda ey'Endagaano, bwe wali ni lata wange Daudi, era waabanga ghalala naye mu bizibu bye byonabyona.”

1 Bakyabazinga 2:35

Agho kyabazinga yaataagho Benaia mutabane wa Yehoiada okuba omuduumizi ow'eigye mu kifo kya Yoabu. Era kyabazinga yaataagho Zadoki kabona mu kifo kya Abiathari.

1 Ebyomubyanda 15:2

Agho Daudi yaakoba ati: “Ghazira bantu bandi banaabbeeda Sanduuku ya Katonda okutoolaku Abalevi, kuba Musengwa Katonda abo be yalonda okugibbeedanga n'okugirabiriranga enaku dhoonadhoona.”

Ezekieli 48:11

Era kiriba kya bakabona Abalevi abaatukuzibwa nga ba ku nda ya Zadoki, abaasigala nga bakampeereza mu isinzizo lyange n'obwesigwa, mu kiseera Abaisiraeli abandi boonaboona kye banviiraku ni badaaliima, ng'oti n'Abalevi abandi bwe baakola.

Okubala 4:15

Agho Aaroni ni batabane bwe banaabanga nga bamaze okughemba ku bintu bire ebitukuvu ebikozesebwa mu Kifo Ekitukuvu, olwo nga saawa yeene etuuse ey'okusenguka, abantu abasimuka mu Kohathi banaidhanga baabbeeda ebintu ebyo ebitukuvu. Aye tibaikirizibwa kugema ku bintu ebyo nga ti bighembe byaku. Bwe babigemaku bafa. Ebyo n'ebintu abantu abasimuka mu Kohathi bye bali n'okubbeedanga.

Okubala 7:9

Aye abo abasimuka mu Kohathi Musa ti yabagha bigaali waire okubagha ente, kuba ebintu ebitukuvu bye baagheebwa okulabiriranga, byali nga biri na kubbeedebwa ku mabega gaibwe.

Yoshua 3:3

“Bwe mubona bakabona nga babbeeda Esanduuku y'Endagaano ya Musengwa Katonda waimwe, musansula weema dhaimwe mwaginonereza.

Yoshua 3:6

Era yaakoba bakabona ati: “Mubbeede Sanduuku y'Endagaano, mukulemberemu abantu.” Era boona baabbeeda Sanduuku y'Endagaano baakulemberamu, abantu baabanonereza.

Yoshua 6:4

Bakabona musanvu, nga buli muntu agemye endeka eyakolebwa mu iyiga ery'entaama, baidha kukulemberamu Sanduuku y'Endagaano. Ku lunaku olwomusanvu mulyezungulula ekibuga emikuzi musanvu nga bakabona bafuuwa endeka.

Yoshua 6:6

Yoshua yaayeta bakabona yaabakoba ati: “Mubbeede Sanduuku y'Endagaano, era abantu musanvu ku imwe, buli muntu ageme endeka eyakolebwa mu iyiga ery'entaama, bakulemberemu Sanduuku y'Endagaano eyo.”

1 Samueli 22:20

Aye ku batabane ba Ahimeleki, mutabane wa Ahitubu, kwaliku mulala eyalumuka n'awona nga bamweta Abiathari, yaaja yeeyimba ku Daudi.

1 Samueli 4:11

Esanduuku ey'Endagaano baaginhaga, ni batabane ba Eli bombi, Hofuni ni Finehasi, baabaita.