2 Samueli 15:23 - Baibuli Ekibono kya Katonda 2014

²³ Abantu boonaboona baalira nga bawowoola, nga kyabazinga Daudi n'abantu be yaja nabo bali kubita. Kyabazinga n'abantu boonaboona be yali nabo, baaja baasomoka akaiga Kiduroni, beeyongerayo nga boolekeire eirungu.

2 Samueli 15:23 ပူးပေါင်းရင်းမြစ်များ

2 Samueli 15:22

Agho kyabazinga Daudi yaakoba Ittai ati: “Kale bitagho, oje.” Ittai Omugitti yaabitagho n'abasaadha be yali nabo boonaboona, n'abaana baibwe boonaboona be baali nabo.

2 Samueli 15:28

Nze ndidha kusigala nga nteegereire mu kifo omwiga ghe gusomokerwa okuja mu irungu, okutuusa lwe ndifuna obukwenda obuva y'oli okunkobera ebiriyo.”

2 Samueli 16:2

Kyabazinga Daudi yaabuuza Ziba ati: “Bino byonabyona oleese byaki?” Ziba yaamwiramu ati: “Endogoyi dha ba mu ndhu yo iwe Isebantu kyabazinga, batambulirengaku. Emigaati n'ebibala ebisookereza okwenga bya baisuka bo kulya. Omwenge ogw'emizabbibu gw'abo abanaazirikanga mu irungu kunhwangaku.”

1 Bakyabazinga 15:13

Era yaatoola ni ku dhaadha we Maaka ekitiibwa eky'okuba inhina owa kyabazinga, kuba Maaka oyo yali n'ekifaananie ekyenhinhalwa ekyasinzibwanga eky'omusambwa omukazi Ashera. Asa yaatemagho ekifaananie ekyo, yaakyokera ku kaiga Kiduroni.

1 Bakyabazinga 2:37

Kimanhe bumanhe nti k'olivaayo n'osomoka akaiga Kiduroni, oliitibwa bwitibwe. Era oliba nga niiwe mwene weereeteire okufa.”

2 Ebyomubyanda 29:16

Ate bakabona baingira mu kisenge eky'omunda mu isinzizo, baakirongoosa. Baatoolayo ebyo byonabyona bye baayagaanayo ebitali birongoofu, baabireeta mu luya olw'eisinzizo. Abalevi baabifulumya kuliya, baabitwala baabisuula mu kaiga Kiduroni.

Yeremia 31:40

Ekiiko kyonakyona kye baziikamu abafu era kye basuulamu n'ebikaba, n'enimiro dhoonadhoona okutuuka ku kaiga Kiduroni n'okutuuka ku gwetebwa Omulyango ogw'Embalaasi mu buvandhuba, biidha kubanga byange era nga bitukuvu. Ekibuga tikiriiramu kabiri kumenhebwagho waire okuzikirizibwa.”

Matayo 3:1

Mu nnaku edho, Yoanne Omubatiza yaatuuka era yaayegeresa mu irungu ery'e Buyudaaya,

Matayo 3:3

Ono, omulanzi Isaia ye yayogeraku bwe yakoba ati: “Ghaligho amamiro g'oyo alangirira mu irungu ati: ‘Mutegeke Musengwa gh'anaabita, era mutereeze obugira bwe.’ ”

Luka 1:80

Omwana yaakula era yaaba wa maani mu mwoyo, yaabanga eyo mu malungu okutuusa ku lunaku lwe yeeyoleka Isiraeli.

Yoanne 18:1

Yesu bwe yamala okwogera ebyo, yaaja n'Abeegeresebwa be, baasomoka akaiga ka Kiduroni. Eyo yaliyo enimiro mwe yangira n'Abeegeresebwa be.

Ab'e Roma 12:15

Musagambirenga ghalala n'abo abasagamba, munakughalirenga ghalala n'abo abali mu nnaku.