2 Samueli 15:21 - Baibuli Ekibono kya Katonda 2014

²¹ Aye Ittai yairamu kyabazinga Daudi ati: “Ndayira mu Musengwa Katonda omulamu, era naakulayirira Isebantu kyabazinga, nti buli y'onaajanga zeena yeenaajanga, ni bwe kinaabanga nga kyetaagisa kufa.”

2 Samueli 15:21 ပူးပေါင်းရင်းမြစ်များ

2 Samueli 15:22

Agho kyabazinga Daudi yaakoba Ittai ati: “Kale bitagho, oje.” Ittai Omugitti yaabitagho n'abasaadha be yali nabo boonaboona, n'abaana baibwe boonaboona be baali nabo.

2 Bakyabazinga 2:2

Agho Eliya yaakoba Elisha ati: “Nkweghemba osigale ghano, kuba nze Musengwa Katonda antumye nje ntuuke e Betheli.” Aye Elisha yaakoba ati: “Ndayira mu Musengwa Katonda omulamu era weena nga bw'oli omulamu nti tiidha kukuleka.” Kale baaja e Betheli.

2 Bakyabazinga 2:4

Agho Eliya yaakoba Elisha ati: “Elisha, nkweghemba osigale ghano, kuba nze Musengwa Katonda antumye e Yeriko.” Aye Elisha yaakoba ati: “Ndayira mu Musengwa Katonda omulamu era weena nga bw'oli omulamu nti tiidha kukuleka.” Kale baaja e Yeriko.

2 Bakyabazinga 2:6

Agho Eliya yaakoba Elisha ati: “Nkweghemba osigale ghano, kuba nze Musengwa Katonda antumye nje ku mwiga Yorudani.” Aye Elisha yaakoba ati: “Ndayira mu Musengwa Katonda omulamu era weena nga bw'oli omulamu nti tiidha kukuleka.” Kale bombi beeyongerayo,

2 Bakyabazinga 4:30

Inhina w'omwana yaakoba ati: “Ndayira mu Musengwa Katonda omulamu, era nga weena bw'oli omulamu, nti tiidha kukuleka.” Kale, Elisha yaasituka, yaaja naye.

Ensambo 17:17

Ab'omukago bagonzania enaku dhoonadhoona, n'aboluganda baabaagho okuyambagana mu bizibu.

Ensambo 18:24

Ab'emikwano abandi baba ba kiseera buseera, aye ghaligho abagumya omukwano okuwula n'owoluganda.

Ebikolwa by'Abatume 11:23

Bwe yatuukayo n'abona Katonda bw'aghaire abantu abo enkabi, yaasangaala. Yaabakubiriza boonaboona bakalangukire ku Musengwa n'omwoyo mulala.

Ebikolwa by'Abatume 21:13

Aye Paulo yairamu ati: “Mukola ki ekyo okulira n'okunafuya omwoyo gwange? Nze tiri mwetegefu kusibwa kyonka aye era n'okufiira mu Yerusalemu olw'eriina lya Musengwa Yesu.”

2 Ab'e Korintho 7:3

Tyogera ntyo lwa kubanenia aye nga bwe nabakoberaku eira muli bagonzi ye tuli, era buliidho tuli ghalala n'imwe, oba mu bulamu oba mu kufa.

1 Samueli 20:3

Aye Daudi yaamukoba ati: “Lata wo akiidhi bukalamu nga iwe ongonza inho, kale yaakoba mule ati, ‘Kino Yonathani atakimanha, alobe kuwulira nnaku ku mwoyo mbitirivu.’ Aye nkulayirira mu Musengwa Katonda omulamu nti nsigaizaayo kaseera buseera nfe.”

1 Samueli 25:26

Agho ni, musengwa wange, Musengwa Katonda n'akulobeire okwiza omusango ogw'okwita n'ogw'okwesasuuliza ku bazigu bo. Kale ni nga Musengwa Katonda bw'ali omulamu era nga weena bw'oli omulamu, abazigu bo n'abo abenda okukukolaku akabi, ka babonerezebwe ng'oti ni Nabali.