2 Samueli 15:18 - Baibuli Ekibono kya Katonda 2014

¹⁸ Abagheereza be boonaboona baamubitaku. N'abaamukuumanga Abakerethi n'Abapelethi boonaboona baamubitaku. N'abalwani boonaboona olukaaga (600) Abagitti, abaamunonereza ng'ava e Gathi, boona baamubitaku.

2 Samueli 15:18 ပူးပေါင်းရင်းမြစ်များ

2 Samueli 15:17

Kyabazinga yaava mu kibuga ng'abantu boonaboona bali kumunonereza, yaaja yaatuuka ku ndhu esembayo, yaayemerera.

2 Samueli 18:2

Yagabaniamu eigye mu bikunsu bisatu nga byagayaga: ekikunsu ekirala ku ebyo nga kiduumirwa Yoabu, ekindi kyaduumirwa Abishai mutabane wa Zeruia era muganda wa Yoabu, ate ekindi kyaduumirwa Ittai Omugitti. Era kyabazinga Daudi yaakoba abantu ati: “Ninze mwene zeena ndidha kuja n'imwe.”

2 Samueli 20:23

Yoabu n'eyali omuduumizi ow'eigye lyonalyona erya Isiraeli, ate Benaia mutabane wa Yehoiada yaaduumira abaakuumanga kyabazinga Abakerethi n'Abapelethi.

2 Samueli 20:7

Abishai bwe yamala okuja, kwairaku Yoabu n'abasaadha be, n'abaakuumanga kyabazinga Abakerethi n'Abapelethi, n'abasaadha ab'amaani boonaboona. Baava mu Yerusalemu, baaja okubingirira Sheba mutabane wa Bikiri.

2 Samueli 6:10

Kale Daudi yaaloba kuganha kutwala Sanduuku ya Musengwa Katonda mu kibuga kye ekyetebwa ekya Daudi. Aye baagonhoka, baagitwala mu ndhu ya Obedi Edomu ow'e Gathi.

2 Samueli 8:18

Benaia mutabane wa Yehoiada yaakulira Abakerethi n'Abapelethi. Ate batabane ba Daudi baaba bakabona.

1 Bakyabazinga 1:38

Agho Zadoki kabona, ni Nathani omulanzi, ni Benaia mutabane wa Yehoiada, ni bale abaakuumanga kyabazinga Abakerethi n'Abapelethi, baatyamya Solomoni ku nhumbu ya kyabazinga Daudi, yaagivuga era baaja naye e Gihoni.

1 Ebyomubyanda 18:17

Benaia mutabane wa Yehoiada yaakulira Abakerethi n'Abapelethi. Ate batabane ba Daudi baaba bakungu abakulira emirimo gya kyabazinga.

1 Samueli 23:13

Agho Daudi n'abasaadha be abaali baghera ng'oti lukaaga, baasitukiramu baava e Keila, baaja kiisi ye baasobolanga okuja. Saulo bwe baamukobera bati Daudi alumwike e Keila, yaaleka kye yali ategeike okukola.

1 Samueli 25:13

Daudi yaakoba abasaadha be ati: “Buli muntu yeesibe empiima ye.” Agho buli muntu yeesiba empiima ye. Daudi yeena yeesiba eyiye. Abantu ng'oti ebikumi bina baanonereza Daudi oyo, ate ebikumi ebibiri baasigala okukuuma ebintu ebikozesebwa.

1 Samueli 27:3

Daudi n'abasaadha be baasenga ewa kyabazinga Akishi oyo ow'e Gathi, buli mulala ng'ali n'ab'omu maka ge. Daudi yali ni bakazi be bombi: Ahinoamu ow'e Yezireeli, ni Abigaili namwandu wa Nabali ow'e Karumeli.

1 Samueli 27:4

Bwe baakobera Saulo bati Daudi alumukiire e Gathi, yaalekera agho okumunoonia.

1 Samueli 30:1

Agho Daudi n'abasaadha be baatuuka e Zikulaga ku lunaku olwokusatu. Baayagaana nga Abamaleki balumbye ekiketezo kya Buyudaaya ekikalukalu ku luuyi olw'omukono omusaadha olw'e buvandhuba, era nga balumbye n'ekibuga Zikulaga baakighangula, baakyokya omuliro.

1 Samueli 30:14

Twalumba ekiketezo ekikalukalu eky'Abakerethi, n'ekya Buyudaaya ku luuyi olw'omukono omusaadha olw'e buvandhuba, n'ekya Kalebu, era twayokya ekibuga Zikulaga omuliro.”

1 Samueli 30:9

Kale Daudi n'abasaadha olukaaga (600) abaali naye, baaja. Bwe baatuuka ku kaiga Besori, abandi baasigala agho.