2 Samueli 14:4 - Baibuli Ekibono kya Katonda 2014

⁴ Kale omukazi oyo yaaja yaatuuka ye kyabazinga, yaakuba amakiryaivu era yaakutama n'ekyeni kyatuuka ku itaka. Yaakoba kyabazinga ati: “Isebantu kyabazinga, mbeera.”

2 Samueli 14:4 ပူးပေါင်းရင်းမြစ်များ

2 Samueli 1:2

Ku lunaku olwokusatu yaja okubona ng'omwisuka atuuka, ng'ava mu kifo Saulo ghe yasimba weema dhe. Omwisuka oyo yali akanwiremu ebivaalo bye nga n'omutwe gwe gwidhwire nkungu olw'enaku. Bwe yatuuka eri Daudi yaakuba amakiryaivu era yaakutama n'ekyeni kyatuuka ku itaka.

2 Samueli 14:22

Yoabu yaakuba amakiryaivu era yaakutama n'ekyeni kyatuuka ku itaka, yaasabira kyabazinga enkabi. Agho yaakoba ati: “Olwaleero nze omugheereza wo ntegeire nga iwe Isebantu kyabazinga osiima bye nkola, kuba iwe musengwa wange oikiriiza okukola nze omugheereza wo kye nkusabye.”

2 Samueli 14:5

Kyabazinga yaamubuuza ati: “Kiki ky'oyenda nkukolere?” Omukazi yaamwiramu ati: “Wo, nze ndi namwandu, baze yafa.

2 Samueli 18:28

Ahimaazi olwatuuka ati, yaakoba kyabazinga mu mamiro ag'amaani ati: “Byonabyona biri miraala.” Bwe yamala yaakubira kyabazinga amakiryaivu era yaakutama n'ekyeni kyatuuka ku itaka. Yaakoba ati: “Musengwa Katonda wo asaakibwe, akughaire okughangula abantu abaakudheemera iwe Isebantu kyabazinga.”

1 Samueli 20:41

Omwisuka olwamala okuja ati, Daudi yaasituka okuva einhuma w'emungo ey'amabaale. Yaakutama n'ekyeni kyatuuka ku itaka emikuzi esatu, ng'ali ku makiryaivu. Agho baanhwegeragana bombi nga bwe balira, okutuusa Daudi bwe yamala n'aguma.

1 Samueli 25:23

Abigaili bwe yabona Daudi yaayangugha, yaava ku ndogoyi, yaakuba amakiryaivu era yaakutama n'ekyeni kyatuuka ku itaka.