2 Samueli 14:26 - Baibuli Ekibono kya Katonda 2014

²⁶ Buli ku nkomerero y'omwaka, Abusalomu ng'asala enviiri ku mutwe gwe, kuba dhaamuzitooghereranga. Bwe yamalanga okudhisala n'adhipimamu, nga dhizitogha kilo edhisingaku eibiri, ng'ojiira ku mbala entongole eya kyabazinga.

2 Samueli 14:26 ပူးပေါင်းရင်းမြစ်များ

Amainhama 23:16

Aburahamu yaaganha Efuroni kye yakoba. Agho yaapimira Efuroni oyo feeza ye yakoba, ng'Abahitti bawulira ebitundu ebikumi ebina, ng'akozesa ekipimo eky'abasuubuzi.

2 Samueli 18:9

Agho Abusalomu yaayagaanana n'abasaadha ba Daudi nga takyetegekeire. Yali ali kuvuga enhumbu ye. Enhumbu eyo yaabita ghansi agh'ensaga enzibirivu edh'omuti omukologho einho, omutwe gwe gwalaalira mu nsaga edho. Yaasigala agho ng'ali kulengeedhera mu ibbanga, aye ng'enhumbu ye yali ali kuvuga ekaaja bwa buje.

Isaia 3:24

Mu kifo eky'okuwunha akawoowo, baliwunha kivundu; mu kifo eky'okwesiba ensibiro, balyesiba migugha; mu kifo eky'okuba n'enviiri ensunsule obukalamu, baliba na mpaata; mu kifo eky'okuvaala engoye enungi, balivaala kutiya; era obulungi bwaibwe bulifuukamu nsoni.

Ezekieli 44:20

“Bakabona tibaidhanga kumwa nviiri ku mitwe gyaibwe kudhimaliriraku, waire okudhirekanga okuleegha inho, aye baidha kudhisalangaku busale dhibenga nhimpiyimpi.

Abalevi 19:36

Mukozesenga minzaani entuufu nga n'ebipimo byonabyona bituufu. Ninze Musengwa Katonda waimwe, eyabatoola mu nsi Misiri.

1 Ab'e Korintho 11:14

Obutonde bwonka tibubalaga ng'omusaadha okupiita enviiri kimuswaza,