2 Samueli 14:22 - Baibuli Ekibono kya Katonda 2014

²² Yoabu yaakuba amakiryaivu era yaakutama n'ekyeni kyatuuka ku itaka, yaasabira kyabazinga enkabi. Agho yaakoba ati: “Olwaleero nze omugheereza wo ntegeire nga iwe Isebantu kyabazinga osiima bye nkola, kuba iwe musengwa wange oikiriiza okukola nze omugheereza wo kye nkusabye.”

2 Samueli 14:22 ပူးပေါင်းရင်းမြစ်များ

Amainhama 47:7

Agho Yosefu yaaleeta Yakobo ise, yaamwandhula eri kyabazinga. Yakobo yayendeza kyabazinga enkabi.

Amainhama 6:8

Aye ate Musengwa Katonda yaasiima Noa.

2 Samueli 14:21

Ebyo nga biwoire, kyabazinga Daudi yaayeta Yoabu, yaamukoba ati: “Bona eno, buti ndhikiriiza. Ja oleete omwisuka oyo Abusalomu omwize eka.”

2 Samueli 14:23

Kale Yoabu yaasitukiramu yaaja e Geshuri, yaiza Abusalomu e Yerusalemu.

2 Samueli 14:4

Kale omukazi oyo yaaja yaatuuka ye kyabazinga, yaakuba amakiryaivu era yaakutama n'ekyeni kyatuuka ku itaka. Yaakoba kyabazinga ati: “Isebantu kyabazinga, mbeera.”

2 Samueli 19:39

Agho abantu boonaboona baasomoka Yorudani, ni kyabazinga Daudi yeena yaasomoka. Kyabazinga yaanhwegera Barazillai, yaamusabira enkabi. Barazillai yairayo eka ewuwe.

Nehemia 11:2

Era abantu nga basanhukira inho omuntu asalagho ku lulwe okuja okubanga mu Yerusalemu.

Yobu 29:11

“Abaawuliranga bye ndhogera n'abambonanga, nga baneesiimisa era nga bandhogeraku bikalamu byereere;

Yobu 31:20

nga mmugha ekivaalo ekikoleibwa mu buviiri bw'entaama edhange. Agho yaba musiimu ye ndi.

Ensambo 31:28

Abaana be bamutendereza, n'iba yaamusaaka nga akoba ati:

Ruthi 2:2

Lulala, Ruthi Omumoabu yakoba Naomi ati: “Njeeku mu misiri eyo nonderonde ku sayiri aja ng'akunkumuka ku bakungula? Nkakasa nga ndidha kwagaanayo ananganha okukola ekyo.” Naomi yaamwiramu ati: “Kola oje mwana wange.”

1 Samueli 20:3

Aye Daudi yaamukoba ati: “Lata wo akiidhi bukalamu nga iwe ongonza inho, kale yaakoba mule ati, ‘Kino Yonathani atakimanha, alobe kuwulira nnaku ku mwoyo mbitirivu.’ Aye nkulayirira mu Musengwa Katonda omulamu nti nsigaizaayo kaseera buseera nfe.”