2 Samueli 14:19 - Baibuli Ekibono kya Katonda 2014

¹⁹ Kyabazinga yaamubuuza ati: “Yoabu ti n'eyakughaire amagezi ago goonagoona?” Omukazi yaamwiramu ati: “Bwenebwene nkulayirira iwe Isebantu kyabazinga, nti mu ekyo ky'okobye muziramu kubuusabuusa naire. Omugheereza wo Yoabu n'eyankobye ebyo byonabyona, era yangalagira nze omwiru wo omukazi bwembe mbikukobe.

2 Samueli 14:19 ပူးပေါင်းရင်းမြစ်များ

2 Samueli 11:11

Uria yaamwiramu ati: “Esanduuku y'Endagaano eri mu ntindi, n'abasaadha aba Isiraeli n'aba Yuda boonaboona basula mu ntindi. Era musengwa wange Yoabu n'abagheereza be, basimbye weema dhaibwe mu irungu. Memale nze nnaaja ntya eka, okulya, okunhwa n'okusula ni mukazi wange? Busa naire. Ndayira musengwa wange iwe kyabazinga omulamu nti, tiidha kukola kintu ng'oti n'ekyo.”

2 Samueli 14:18

Agho kyabazinga yaakoba omukazi ati: “Otangisa kintu kyonakyona ku bye nja okukubuuza.” Omukazi yaakoba ati: “Isebantu kyabazinga, mbuuza.”

2 Samueli 14:3

Olwo ni oje ye kyabazinga omukobe oti n'oti.” Agho Yoabu yaakobera omukazi bye yali aja okukoba kyabazinga.

2 Samueli 18:13

Kale nze bwe nandighemukiire kyabazinga ni nkola akabi ku mutabane we, ate nga ghazira kintu kyonakyona kighanga kugisibwa ku kyabazinga, olwo n'iwe mwene wandineefiireku.”

2 Samueli 3:27

Era Abuneri bwe yaira e Heburoni, Yoabu yaamwiza gha mbali gh'omulyango, yaaba ng'oti ali kwenda kwogera naye kyama. Bwe baali nga bali eyo, Yoabu yaamufumita mu mabunda yaafa. Okwo kwali kwesasuuza, kuba Abuneri yaita Asaheli muganda wa Yoabu oyo.

2 Samueli 3:29

Yoabu n'ab'endhu ya ise boonaboona, n'ababe bavunaanibwenga omusango ogwo. Mu buli luse olw'ab'endhu eyo mugwananga mwabaamu ali n'endwaire ey'okutoonha okuva mu bitundu eby'ekyama, oba ali n'endwaire ey'ebigenge, oba omulema azira ky'aghanga, oba aitibwa mu lutalo, oba abulwa emere.”

2 Samueli 3:34

Emikono gyo tigyali misibe, n'ebigere byo tibyaliku ndhegere. Wafa ng'oti n'omuntu aitiibwa abantu ababi!” Agho abantu boonaboona kabiri bairamu okulira Abuneri.

2 Bakyabazinga 2:2

Agho Eliya yaakoba Elisha ati: “Nkweghemba osigale ghano, kuba nze Musengwa Katonda antumye nje ntuuke e Betheli.” Aye Elisha yaakoba ati: “Ndayira mu Musengwa Katonda omulamu era weena nga bw'oli omulamu nti tiidha kukuleka.” Kale baaja e Betheli.

Okuvaayo 4:15

Oidha kwogera naye omukobere eby'okukoba, era nze mwene ndiba n'iwe naakugalagira eby'okukoba. Era yeena ndiba naye naamugalagira yeena eby'okukoba era ndibagalagira mwembi eky'okukola.

Ensambo 25:2

Tugha Katonda ekitiisa olw'ebyo by'atugisa, aye twagha bakyabazinga ekitiisa olw'ebyo bye banoonereza ni bazuula.

Ensambo 4:27

Tambulanga butereevu aghazira kudaaliimira eno n'ere; otaganhanga kigere kyo kuja mu ngira ya kukola bibi.

Okubala 20:17

Tukweghemba otuleke tubiteku mu nsi yo. Titwidha kubita waire mu musiri oba mu isamba ery'emizabbibu, oba okunhwa amaadhi mu nsulo. Twidha kutambulira mu luguudo mwonka aghazira kugonhokeraku ku mukono mugooda oba ku mukono ogulya, okutuusa nga tumaze okuva mu kiketezo kyo.”

Luka 21:15

Kuba ninze ndibagha engeri ey'okwogera n'amagezi, nga ku bazigu baimwe ghazira aghanga kubitakania waire kubiroba.

Amateeka Agokubiri 28:14

Mwegenderezenga mulobe kudaaliima kuva ku ebyo bye ndi kubalagira olwaleero, na kujiira ku bakatonda bandi waire okubasinza.”

Amateeka Agokubiri 5:32

Musa yaayongera okukoba ati: “Mwegenderezenga nga mukola nga Musengwa Katonda waimwe bweyabalagira, aghazira kudaaliimira eno oba ere.

Yoshua 1:7

Iwe ky'oli n'okukola, n'okuba n'obumalirivu era n'obutatya nga weegendereza okugondera amateeka goonagoona, omugheereza wange Musa ge yakugha. Togavangaku waire akatono kati, olwo buli kintu kiidha kukujiiranga bukalamu woonawoona.

1 Samueli 1:26

Hanna yaakoba Eli ati: “Musengwa Katonda ghangaala! Ninze omukazi ole eyali ghano mu maiso go ng'ali kusaba Musengwa Katonda.

1 Samueli 17:55

Saulo bwe yabona Daudi ng'ali kuja okulwanisa Omufilisiti, yaabuuza Abuneri omuduumizi w'eigye ati: “Abuneri, omwisuka oyo mutabane w'ani?” Abuneri yaamwiramu ati: “Isebantu kyabazinga, ndayira mu maiso go nti tiidhi naire.”

1 Samueli 20:3

Aye Daudi yaamukoba ati: “Lata wo akiidhi bukalamu nga iwe ongonza inho, kale yaakoba mule ati, ‘Kino Yonathani atakimanha, alobe kuwulira nnaku ku mwoyo mbitirivu.’ Aye nkulayirira mu Musengwa Katonda omulamu nti nsigaizaayo kaseera buseera nfe.”

1 Samueli 25:26

Agho ni, musengwa wange, Musengwa Katonda n'akulobeire okwiza omusango ogw'okwita n'ogw'okwesasuuliza ku bazigu bo. Kale ni nga Musengwa Katonda bw'ali omulamu era nga weena bw'oli omulamu, abazigu bo n'abo abenda okukukolaku akabi, ka babonerezebwe ng'oti ni Nabali.