2 Samueli 14:17 - Baibuli Ekibono kya Katonda 2014

¹⁷ Era nze omwiru wo omukazi, naakoba mule nti, ‘Ekibono musengwa wange kyabazinga ky'anankoba, kiidha kundeetera okuguma omwoyo’ kuba iwe musengwa wange kyabazinga oli nga malaika wa Katonda, okwawula ekirungi n'ekibi. Musengwa Katonda wo abenga n'iwe.”

2 Samueli 14:17 ပူးပေါင်းရင်းမြစ်များ

2 Samueli 14:18

Agho kyabazinga yaakoba omukazi ati: “Otangisa kintu kyonakyona ku bye nja okukubuuza.” Omukazi yaakoba ati: “Isebantu kyabazinga, mbuuza.”

2 Samueli 14:20

Omugheereza wo Yoabu yakoze atyo olw'okwenda okukyusaamu mu ebyo ebirigho mpegaano. Aye iwe Isebantu kyabazinga oli n'amagezi ng'oti ga malaika wa Katonda, okumanha ebintu byonabyona ebiri ku nsi.”

2 Samueli 19:27

Era yaidha yandhogeraku nze omugheereza wo, yaakoba ebintu bitali bituufu eri iwe musengwa wange kyabazinga. Aye iwe Isebantu kyabazinga, oli ng'oti malaika wa Katonda. Kale kola kyonakyona ky'onaabona nga n'ekirungi,

2 Samueli 19:28

Ab'endhu ya lata wange twenatwena twali tugwaniire bwa kwitibwa iwe Isebantu kyabazinga, aye nze omugheereza wo wanta mu abo abalya ku kiiwulo kyo. Kabiri obukumu mbutoola gha okusaba Isebantu kyabazinga okunkolera ekisinga agho?”

1 Bakyabazinga 3:28

Abaisiraeli boonaboona bwe baawulira kyabazinga Solomoni bw'asaze omusango ogwo, baamwewuunhia inho, kuba baabona ng'amagezi ga Katonda gamulimu, asobole okusalanga mu butuufu.

1 Bakyabazinga 3:9

Kale ni mpa nze omugheereza wo amagezi, nsobole okufuganga abantu bo, n'okwawulangagho ekirungi n'ekibi kuba naani aghanga okufuga eighanga lyo lino eikologho liti, aghazira ekyo?”

Yobu 6:30

Ghaligho ekikyamu kye ndhogeire? Mudhuuba muti tisobola kwawulagho kirungi na kibi?”

Ensambo 27:21

Ng'omuliro bwe gukozesebwa okukenenula feeza ni zaabu okubona obulungi bwabyo, n'omuntu atyo bwe bamulamula nga bajiira ku birungi ebimwogerwaku.

Ensambo 29:5

Omuntu asuutasuuta mwine, aba ali kumutega mutego.

Abaheburayi 5:14

Aye emere yeene n'ey'abantu abakulu abamaze okwega olw'ebyo bye babitamu, era ni basobola okwawulagho ekirungi n'ekibi.

Yoshua 1:17

Era twidha kukugonderanga buliidho nga bwe twagonderanga Musa. Tusaba bwa Musengwa Katonda wo, abenga n'iwe nga bweyalinga ni Musa.

1 Samueli 29:9

Akishi yaamwiramu ati: “Ndidhi nti mu maiso gange oziraku musango gwonagwona ng'oti malaika wa Katonda. Aye abaduumizi b'Abafilisiti bakobye bati, ‘Taidha kuja n'ife mu lutalo’.