2 Samueli 14:14 - Baibuli Ekibono kya Katonda 2014

¹⁴ Twenatwena tuja kufa, era tuli ng'oti maadhi agayuyiike ku itaka omuntu g'atasobola kuyoolagho kabiri. Aye Katonda taja kutwala bulamu bwa muntu ali kusala amagezi ag'okwiza oyo ye baabinga ali kudaagiradaagira eyo.

2 Samueli 14:14 ပူးပေါင်းရင်းမြစ်များ

2 Samueli 11:25

Daudi yaakoba omukwenda ati: “Ja okobe Yoabu oti, ‘Ebyo ebibairegho bitakumalamu maani, kuba ghazira aghanga kumanha oyo anaafiira mu lutalo. Kale ni weeyongere bwa kulumba ekibuga ekyo n'amaani, okigeme.’ Era weena omwizeemu amaani.”

2 Samueli 14:15

Kale ni, Isebantu kyabazinga, nze omwiru wo omukazi ndidhie okukukobera ebintu ebyo, kuba abantu bantiisiisatiisiisa. Naakoba mule nti, ‘Ka nje ndhogere ni kyabazinga. Kisoboka okuba nga kyabazinga anaakola nze kye nnaamusaba.

1 Bakyabazinga 11:39

Era ndibonereza baidhukulu ba Daudi olw'ebibi bya Solomoni, aye tiribabonereza byanda na byanda.’ ”

Yobu 14:14

Omuntu bw'afa amala yairamu obulamu? Aye nze nandiguminkiriiza mu bizibu bino, okutuusa lwe nandirekwirwa.

Yobu 30:23

Bwenebwene ndidhi nti oli kuntwala magombe, mu kifo erija abalamu boonaboona.

Yobu 34:15

kiisi kiramu kyandizikiriire, abantu baira mu nkungu.”

Yobu 34:19

Katonda tiyeekubira ku luuyi lwa bafuzi, abisa bulala abakombe n'abaavu; kuba boonaboona bitonde bye.

Zabbuli 22:14

Zeenazeena mpoiremu ndi kiwooboloolo, buli igumba liviire ku buyungiro bwalyo, omwoyo gunseeneine.

Zabbuli 22:15

Amaani gankaze ng'oti n'olujo olukalanga, olulimi lwaneesibira ku kibuno naasigala agho mu nkungu ng'omufu.

Zabbuli 58:7

Leka babulegho ng'oti n'amaadhi agakuuluula; batyankirire babe ng'oti isubi baniale.

Zabbuli 77:8

Yalekera agho okutugonza? Ekisuubizo kye tikikaaligho?

Zabbuli 79:3

Bayuye omusaayi gw'abantu bo ng'oti n'abayugha amaadhi obuudhi, gwakuuluula ng'oti maadhi mu Yerusalemu mwonamwona, ghaaloba kusigalagho waire omuntu omulala aziika abafu.

Zabbuli 90:10

Emyaka gyaife egy'obughangaazi giri nsanvu, oba kinaana, bwe tuba abagumu. Aye ng'ate giidhwire okufaabiikana n'ebizibu kamaala, era giwaaku mangu twabulagho.

Zabbuli 90:3

Iwe oizaayo omuntu mu nkungu mwe yakolebwa, ng'olagira oti: “Omwana w'omuntu irayo ye wava.”

Okuvaayo 21:13

Aye bw'anaabanga nga tiyamweteega mu bugenderevu, aye nga nze Katonda ninze nasalagho afe mu nsambo eyo, agho ndidha kutangagho ekifo mw'anaalumukiranga, n'awona omusango ogwo.

Omulangirizi 9:5

Bwenebwene abantu abalamu bamanha nga baja kufa, aye abafu baba bazira kye baidhi era nga bazira kye bakaasuubira kufuna, kuba baba tibakaidhukirwa naire.

Okulira 3:31

Musengwa talekulira agho muntu n'amwerabirira irala.

Ezekieli 18:23

Mulowooza muti nze nhumirwa okubona omwonooni ng'afiire? Busa naire! Nhenda bwende akyuke aleke ebibi bye, abe mulamu.” Musengwa Katonda atyo bw'akobye.

Abalevi 26:40

“Aye baidhukulu baimwe bwe balyatula ebibi byaibwe n'ebibi bya badhaadha baibwe abaakola empwitu ni bandheemera,

Okubala 35:15

Omuisiraeli yeenayeena, oba omuntu ow'endha, oba omusenze, bw'anaitanga omuntu nga tagendereire, aidha kubanga wa idembe okulumukira mu bibuga ebyo omukaaga olw'okwewonia.

Okubala 35:25

Era abantu abeesoloiza baidha kuwonianga oyo eyaita omuntu nga tagendereire, bamutoole mu ngalo dh'ole ali n'oluganda ku mufu ayenda okwesasuuza, bamwizeeyo mu kibuga omuntu mw'asobola kulumukira kye yali alumukiiremu. Olwo abenga eyo okutuusa Omukulu wa Bakabona aliku lw'anaafanga.

Okubala 35:28

Oyo taabengaku musango, kuba ole eyaita omuntu ali n'okusigalira irala mu kibuga ekyo eky'okulumukiramu okutuusa Omukulu wa Bakabona lw'afa, memale yaikirizibwa okwirayo ku butaka bwe.

Matayo 22:16

Baamutumira abeegeresebwa baibwe, ni baine ba Herode, baakoba bati: “Mwegeresa twidhi oli wa mazima era oyegeresa mu mazima engira ya Katonda, ozira ye weeguya, kuba tojiira ku mboneka ya bantu.

Ebikolwa by'Abatume 10:34

Agho Petero yaatoolera okwogera, yaakoba ati: “Bwenebwene mperaano ntegeereire irala nga Katonda taboola mu bantu.

Ab'e Roma 2:11

kuba Katonda taboola bantu.

Amateeka Agokubiri 10:17

kuba Musengwa Katonda waimwe, ni Katonda afuga bakatonda boonaboona, era ni Musengwa Katonda afuga basengwa boonaboona. Musengwa Katonda oyo, n'omukologho era ow'amaani ali n'okutiibwa. Tasaliriza era talya nguzi.

Abaheburayi 9:27

Era nga buli muntu bw'ali n'okufa omukuzi omulala, era ng'amaze okufa n'asalirwa omusango,

1 Petero 1:17

Katonda mumweta Lata nga musaba era tasaliriza bw'asalira omuntu yeenayeena omusango, ajiira ku ebyo kiisi muntu by'akola. Kale ni mumutyenga enaku dhoonadhoona edh'obulamu bwaimwe nga muli mu nsi eno etali yaimwe.