2 Samueli 14:11 - Baibuli Ekibono kya Katonda 2014

¹¹ Omukazi yaakoba ati: “Nkweghemba Isebantu kyabazinga, osabe Musengwa Katonda wo, alobere oyo ayenda okwesasuuza olw'ole ye baita, alobe kweyongera kwita. Olwo mutabane wange awone okuzikirizibwa.” Kyabazinga yaamukoba ati: “Ndayira Musengwa Katonda omulamu, nti mutabane wo tibaidha kumutuusaaku kabi waire akatono kati.”

2 Samueli 14:11 ပူးပေါင်းရင်းမြစ်များ

Amainhama 14:22

Aye Aburamu yairamu kyabazinga oyo ati: “Ndayira mu maiso ga Musengwa Katonda, oyo Katonda Ali Ghaigulu Yeene, eyakola eigulu n'ensi,

Amainhama 31:50

Bw'onaadaazadaazanga baghala bange oba n'obayiza abakazi abandi, waire tighaliba muntu wundi ali n'ife, idhukira nga Katonda n'omudhulizi ghagati wo ninze.”

2 Samueli 14:10

Kyabazinga yaamukoba ati: “Omuntu yeenayeena bw'akutiisatiisa mundeetere ghano, taidha kwirayo kukudaaza kabiri.”

2 Samueli 14:12

Omukazi yaakoba kyabazinga ati: “Nkusaba nze omwiru wo omukazi, ndhogereyo ekibono ekindi eri iwe Isebantu kyabazinga.” Kyabazinga yaamukoba ati: “Yogera.”

2 Samueli 14:21

Ebyo nga biwoire, kyabazinga Daudi yaayeta Yoabu, yaamukoba ati: “Bona eno, buti ndhikiriiza. Ja oleete omwisuka oyo Abusalomu omwize eka.”

1 Bakyabazinga 1:52

Solomoni yairamu ati: “Bw'aneebisa obukalamu, ghazira luviiri waire olulala lwe baidha kwigha mu mutwe gwe. Aye bwe balimuzuula nga yeebisa bubi, balimwita.”

Yeremia 4:2

era ni muba abatuufu nga mulayira mu mazima era nga muli beesimbu, muti, ‘Nga Musengwa Katonda bw'ali omulamu.’ Olwo amaghanga gaidha kunsabanga ngaghe enkabi, era gampenga ekitiibwa.”

Okubala 35:19

Ali n'oluganda ku muntu oyo ye baise, n'aidhanga okwita omutemo oyo. Kasita anaamwagaananga ng'amwita.

Okubala 35:21

oba n'amukuba ebifunsi n'afa, oyo amukubye aba mutemo era aidhanga kwitibwa. Ali n'oluganda ku muntu oyo ye baise, aidhanga kwita omutemo oyo kasita anaamwagaananga.

Okubala 35:27

memale ali n'oluganda ku mufu ayenda okwesasuuza n'amwagaana kuliya okw'ekibuga ekyo era n'amwita, olwo ali n'oluganda ku mufu oyo taabengaku musango gwa butemo.

Matayo 10:30

Aye imwe n'enviiri edh'oku mitwe gyaimwe dhoonadhoona mbale.

Ebikolwa by'Abatume 27:34

Mbeeghembye, mulye ku mere mulobe kufa ndhala, kuba ghazira kabi kanaabatuukaku.”

1 Samueli 14:45

Aye abantu baakoba Saulo bati: “Obwo bwenebwene Yonathani agwaniire okufa, ate nga aleeteire Isiraeli obughanguzi obwaga agho? Busa naire! Nga Musengwa Katonda bw'ali omulamu, tighaidha kuba luviiri naire olulala luti olunaava ku mutwe gwe ni lugwa ku itaka kuba akoleire ghalala ni Katonda olwaleero.” Kale, abantu batyo baawonia Yonathani yaaloba kwitibwa.

1 Samueli 20:42

Yonathani yaakoba Daudi ati: “Ja miraala. Twembi ka tusigale nga bwe tulayiire mu liina lya Musengwa Katonda, nga tukoba tuti, ‘Musengwa Katonda aidha kubanga ghagati ghange n'iwe, era abenga ghagati gh'eizaire lyange n'eriryo ebyanda n'ebyanda.’ ” Agho Daudi yaasituka yaaja, ate Yonathani yairayo mu kibuga.

1 Samueli 28:10

Aye Saulo yaamulayirira mu Musengwa Katonda, ng'akoba ati: “Nga Musengwa Katonda bw'ali omulamu ezira kibonerezo kija kukutuukaku olw'okukola kye ndi kukukoba.”