2 Samueli 13:4 - Baibuli Ekibono kya Katonda 2014

⁴ Agho yaakoba Amunoni ati: “Iwe omwana owa kyabazinga, lwaki oba nga agho ng'oli munakughavu buli kaakyeire? Lwaki tonkoberaku kizibu kyo?” Amunoni yaamwiramu ati: “Neegomba inho Tamari mwanhina wa muganda wange Abusalomu.”

2 Samueli 13:4 ပူးပေါင်းရင်းမြစ်များ

2 Samueli 13:3

Aye Amunoni yali ni mukagwa we nga bamweta Yonadabu mutabane wa Shimea, nga Shimea oyo yali muganda wa Daudi. Yonadabu oyo yali musaadha agetageta ebintu einho ng'amagezi tigamuwaaku.

2 Samueli 13:5

Yonadabu yaamukoba ati: “Lambaala ku buliri bwo weefuule okuba omulwaire. Lata waimwe bw'anaidha okukubona, oidha kumukoba oti, ‘Nkusaba, mwanhinaze Tamari aidhe ampe ku mere ndyeku. Nhenda aidhe afumbire ghano ghe ndi nga mmubona, andeetere emere ghano mwene mu ngalo dhe, ndye.’ ”

1 Bakyabazinga 21:5

Mukazi we Yezebeli yaidha y'ali, yaamubuuza ati: “Kiki ekikunakughaiza obwaga agho, n'otuuka n'obutalya mere?”

1 Bakyabazinga 21:7

Mukazi we Yezebeli yaamwiramu ati: “Ti niiwe ofuga Isiraeli? Situka olye emere, era omwoyo ka gukwike. Nze ndidha kukugha eisamba ly'emizabbibu erya Nabothi ow'e Yezireeli.”

Isaia 3:9

Okuboolagana kwaibwe kwene kubalumiriza omusango; ebibi byaibwe babikolera gheeru ng'oti n'abe Sodoma, tibabigisaaku naire. Bakagwireku! Kuba beereeseeku beene akabi.

Yeremia 8:12

Bandibaire baswalanga nga bakoze ebyenhinhalwa! Aye busa naire, tibaswala waire akatono kati. N'ensoni tidhibagemaku naire. Kale ni kyebaliva ni baghangulwa ng'oti n'abandi bwe baaghangulwa, era ni bazikirira lwe ndiidha okubonereza. Nze Musengwa Katonda, ninze nkobye.”

Abalevi 18:9

Otabanga na mwanhoko mu buliri, waire mwanhoko ku lata wo ow'omukazi owundi, oba mwanhoko ku inhoko ow'omusaadha owundi, k'abe nga yakulira ghalala n'iwe ghaka, oba nga yakulira ghandi.

Abalevi 20:17

Omusaadha bw'anaabayizanga mwanhina, waire nga mwanhina ku ise ow'omukazi owundi, oba mwanhina ku inhina ow'omusaadha owundi, banaabanga bakoze kiive. Banaabanga nga tibakaabalirwa mu bantu baibwe. Omusaadha oyo anaabonerezebwanga olw'ekibi kye ekyo, eky'okuba ni mwanhina mu buliri.

Mika 7:3

Abantu banaze okukola ebibi, abafuzi n'abalamuzi balya enguzi. Omukungu bw'abakobera ekibi ky'ayenda okukola, beeyimba naye baayiiya bwe babe bakikole.

Luka 12:32

“Mutatya imwe waire nga muli bwa byayo bitono biti, kuba Lata waimwe kyamusanhusa okubagha Obwakyabazinga.