2 Samueli 13:39 - Baibuli Ekibono kya Katonda 2014

³⁹ Aye kyabazinga Daudi bwe yamala okwenaliza olw'okufiirwa Amunoni, omwoyo gwamulumira mutabane we Abusalomu.

2 Samueli 13:39 ပူးပေါင်းရင်းမြစ်များ

Amainhama 24:67

Agho Isaaka yaatwala Rebekka mu weema eyali eya Sara inhina, yaamufuula mukazi we era yaamugonza. Ekyo kyaleetera Isaaka okuguma mu nnaku ey'okufiirwa inhina.

Amainhama 31:30

Ndidhi nti wayendanga inho okuja, kuba ng'olumirwa inho endhu ya lata wo. Aye lwaki waiba emisambwa gyange egy'omu maka?”

Amainhama 37:35

Batabane ni baghala be boonaboona baidha okumugumya, aye yaaloba kubawulirisa. Yaakoba ati: “Ndiika e magombe eri omwana wange nga nkaalira.” Yeeyongera okulira amaziga olw'omwana we.

Amainhama 38:12

Ekiseera bwekyabitagho, muka Yuda eyali mughala wa Shua yaafa. Ebiseera oby'okulira omufu bwe byawaaku, Yuda ni mukagwa we Hira Omuadullamu, baaja e Timuna eyali abasaadha be, abaali balikusala ku ntaama obuviiri.

2 Samueli 14:1

Agho Yoabu mutabane wa Zeruia yaakitegeera nga kyabazinga Daudi omwoyo gumulumira mutabane we Abusalomu.

Zabbuli 119:20

Omwoyo gunsiriira olw'okwegomba einho okumanha buli kiseera ensala yo entuufu.

Zabbuli 84:2

Neegomba inho okuba mu isinzizo lya Musengwa Katonda! Zeenazeena ndidhwire eisanhu, nga nhembera Katonda omulamu.

Amateeka Agokubiri 28:32

Batabane baimwe ni baghala baimwe ndidha kubagabiranga abamaghanga agandi nga mubona. Buli lunaku munaakandanga kumoga nga mwenda baire, aye nga muzira kye musobola kukolagho.

Ab'e Filippi 2:26

Kuba omwoyo gubaire gumuluma inho okubabonaku mwenamwena, era abairenga n'enaku ku mwoyo olw'okuba mwawulira bwe yalwala.