2 Samueli 13:29 - Baibuli Ekibono kya Katonda 2014

²⁹ Kale abagheereza ba Abusalomu baakola nga bwe yabalagira, baita Amunoni. Agho batabane ba kyabazinga abandi baasitukiramu, buli muntu yaaniina enhumbu ye yaalumukagho.

2 Samueli 13:29 ပူးပေါင်းရင်းမြစ်များ

Amainhama 36:24

Abaana ba Zibeoni ni bano: Aya ni Ana. Ana oyo n'eyazuula ensulo ey'amaadhi amasu mu irungu, bweyali ng'ali kwaya endogoyi dha ise.

2 Samueli 12:10

Kale ni mu b'endhu yo timuja kulekera kubangamu aitibwa, kuba onnhoomye nze waatwala muka Uria Omuhitti waamufuula mukazi wo.’

2 Samueli 13:30

Bwe baali bakaali mu ngira, olubono lwatuuka ku Daudi nga lukoba luti: “Abusalomu aise batabane bo boonaboona, era ghazira awoniegho!”

2 Samueli 14:6

Era nze omwiru wo omukazi nali ni batabane bange babiri, baasoolera eyo mu nsiko nga ghazira anaabagaya, owundi yaakuba mwine yaamwita.

2 Samueli 18:9

Agho Abusalomu yaayagaanana n'abasaadha ba Daudi nga takyetegekeire. Yali ali kuvuga enhumbu ye. Enhumbu eyo yaabita ghansi agh'ensaga enzibirivu edh'omuti omukologho einho, omutwe gwe gwalaalira mu nsaga edho. Yaasigala agho ng'ali kulengeedhera mu ibbanga, aye ng'enhumbu ye yali ali kuvuga ekaaja bwa buje.

1 Bakyabazinga 1:33

kyabazinga yaabakoba ati: “Muje n'abakungu bange, mutyamye mutabane wange Solomoni ku nhumbu yange yeene, y'abe avuge. Olwo muserengete e Gihoni,

1 Bakyabazinga 1:38

Agho Zadoki kabona, ni Nathani omulanzi, ni Benaia mutabane wa Yehoiada, ni bale abaakuumanga kyabazinga Abakerethi n'Abapelethi, baatyamya Solomoni ku nhumbu ya kyabazinga Daudi, yaagivuga era baaja naye e Gihoni.

Ensambo 29:12

Omufuzi awulirisa einho eby'obuguya, abakungu be boonaboona baba babi.

Abalevi 19:19

“Mugemenga ebiragiro byange. Otaganhanga nsolo dho kuzaalagana na dha kika kindi. Otasiganga mu nimiro yo nsigo dha bika bibiri. Otavaalanga kivaalo kya ngoye dha bika bibiri ebirukiirwa aghalala.

Mika 7:3

Abantu banaze okukola ebibi, abafuzi n'abalamuzi balya enguzi. Omukungu bw'abakobera ekibi ky'ayenda okukola, beeyimba naye baayiiya bwe babe bakikole.