2 Samueli 13:28 - Baibuli Ekibono kya Katonda 2014

²⁸ Agho Abusalomu yaalagira abagheereza be ati: “Mugenderere Amunoni gh'anaabeera ng'atamiire omwenge, nze ndidha kubalagira nti, ‘Mumufumite’, ng'olwo mumwita. Mutatya, kuba ninze naaba mbalagiire. Mugume emyoyo, mutabaamu ntete naire.”

2 Samueli 13:28 ပူးပေါင်းရင်းမြစ်များ

Amainhama 9:21

Bwe yanhwa ku mwenge ogw'emizabbibu, yaatamiira, yaatoolamu engoye yaasigala madu mu weema ye.

2 Samueli 11:13

Daudi yaamweta yaalya naye era yaanhwa naye, yaamutamiiza. Aye era Uria yaaloba kuja wuwe. Yaasula ghalala n'abagheereza ba musengwa we Daudi oyo.

2 Samueli 11:15

Mu mbaluwa omwo yaghandiikamu ati: “Ta Uria emberi mu lutalo aghasinga kuba ghabi, memale imwe mumuleke eyo mwire einhuma, abazigu bamufumite bamwite.”

2 Samueli 12:10

Kale ni mu b'endhu yo timuja kulekera kubangamu aitibwa, kuba onnhoomye nze waatwala muka Uria Omuhitti waamufuula mukazi wo.’

2 Samueli 13:27

Aye Abusalomu yeegayirira kyabazinga okutuusa bwe yaleka Amunoni ni batabane ba kyabazinga abandi boonaboona okuja ni Abusalomu.

2 Samueli 14:6

Era nze omwiru wo omukazi nali ni batabane bange babiri, baasoolera eyo mu nsiko nga ghazira anaabagaya, owundi yaakuba mwine yaamwita.

1 Bakyabazinga 20:16

Baalumba mu kasana ghagati, nga Benihadadi ni bakyabazinga amakumi asatu n'ababiri abaidha okumuyambaku mu lutalo, nga bali mu ntindi bali bwa kunhwa kutamiira!

Zabbuli 104:15

Afune n'omwenge ogw'emizabbibu ogumusangaaza, n'omuzigo ogw'ebibala eby'emiti emyoliva ogumusanhusa, era afune n'emere emugha amaani mu mubiri.

Okuvaayo 1:18

Kyabazinga n'okubeeta n'ababuuza ati: “Lwaki mukoze ekyo ni muleka abaana abalenzi boona nga balamu?”

Omulangirizi 10:19

Okulya emere kuleetera abantu okusanhuka, n'okunhwa omwenge kwaleetera obulamu okusangaala, aye empiiya n'edhigula buli kintu.

Omulangirizi 9:7

Kale ja olye emere yo ekuwoomere, onhwe omwenge gwo ogw'emizabbibu osangaale, kuba Katonda ekyo kye yakutegekera.

Danieli 5:30

Obwire bwene obwo Beleshazzari oyo, kyabazinga Omubabilonia, yaitibwa.

Nahumu 1:10

Waire muli ng'oti n'amawa amakaadaanie, era mwaba ng'oti n'abanhwi b'omwenge abatamiire, muja kusaanagho ng'eisubi eikalu bwe limamuka n'omuliro.

Luka 21:34

“Mwekuume, ti kulwa nga mwemalira bwa mu binhumo, kutamiira na kweraliikirira bya bulamu buno, olunaku lule lwabagwaku nga timwidhi.

Ebikolwa by'Abatume 5:29

Petero n'Abatume bairamu bati: “Tuli na kuwulira Katonda, ti bantu.

Yoshua 1:9

Oteerabira kye nkulagiire nti: Banga mumalirivu era atatya, otatiribiranga oba okuwaamu amaani, kuba Nze Musengwa Katonda wo ndidha kubanga n'iwe buli gh'oja.”

Abalamuzi 19:22

Bwe baali nga bakaasanhuka, abasaadha ab'omu kibuga abadankaanu baazingiza endhu eyo okugyezunguluza. Baakonta ku lwigi, baakoba omusaadha omukaire mwene ndhu bati: “Fulumya omusaadha oyo aingiire mu ndhu yo, tube naye mu nsambo abasaadha ye babaamu n'abakazi mu buliri!”

Abalamuzi 19:6

Agho baatyama, baalya era baanhwa bombi ghalala. Lata w'omughala yaakoba mukoirume we ati: “Nkweghembye ganha osule, osanhukeku.”

Abalamuzi 19:9

Omusaadha ni mukazi we, n'omugheereza we, bwe baasituka okugolola, lata w'omughala yaakoba ati: “Bona, mpegaano ebiseera biibino bijiire inho. Mbeeghemba musule. Obwire buja kuziba. Mube ghano musanhukeku. Enkyo munaawuuna buwuune, mwagolola eka.”

Ruthi 3:7

Boazi bwe yamala okulya n'okunhwa yaawulira emiraala n'eisanhu. Kale yaabona agho emungo ya sayiri, yaaja yaalambaala agho. Agho Ruthi yaadhooma mpola, yaaja yaaghembula gha bigere bye, yaalambaala agho.

1 Samueli 18:22

Era Saulo yaalagira abagheereza be ati: “Mwogere ni Daudi eyo nga muli mu kyama, mumukobe muti, ‘Bona eno, kyabazinga akusiima, n'abagheereza be boonaboona bakugonza. Kale ni kola obe mukoirume wa kyabazinga.’ ”

1 Samueli 28:10

Aye Saulo yaamulayirira mu Musengwa Katonda, ng'akoba ati: “Nga Musengwa Katonda bw'ali omulamu ezira kibonerezo kija kukutuukaku olw'okukola kye ndi kukukoba.”

1 Samueli 28:13

Aye kyabazinga yaamukoba ati: “Otatya! Kiki ky'oli kubona?” Omukazi yaamwiramu ati: “Ndi kubona omuzimu nga guva mu itaka.”