2 Samueli 13:22 - Baibuli Ekibono kya Katonda 2014

²² Abusalomu yaakyagha Amunoni olw'okukaka Tamari mwanhina, era nga tayogera kintu ni Amunoni oyo, ka kibe ekirungi oba ekibi.

2 Samueli 13:22 ပူးပေါင်းရင်းမြစ်များ

Amainhama 24:50

Agho Labani ni Bethueli bairamu bati: “Ekyo kiviire wa Musengwa Katonda. Ife titughanga kubaaku ni kye tusalagho.

Amainhama 31:24

Aye Katonda yaidhira Labani Omuaramea obwire mu kirooto, yaamukoba ati: “Weegendereze olobe kubaaku kintu kyonakyona ky'okoba Yakobo, kya kumutiisatiisa.”

Amainhama 31:29

Mbaire nsobola okukukolaku akabi. Aye Katonda wa lata wo yankobye obwire ati, ‘Weegendereze, olobe kubaaku kintu kyonakyona ky'okoba Yakobo, kya kumutiisatiisa.’

2 Samueli 13:21

Kyabazinga Daudi bwe yawulira ebintu ebyo byonabyona, yaasungughala ebitaloodheka.

Ensambo 10:18

Ole agisa obukyayi obumuli ku mwoyo aba muguya, ate ole asalagania ebibono ku bandi aba musiru.

Ensambo 25:9

Bw'obanga n'ensonga ku mwino mugyogerengaku nga muli mwenka, era buli muntu ataghembulanga byama bya mwine.

Ensambo 26:24

Omuguya agisa obukyayi bw'ali nabwo ku mwoyo, ng'ayogera ebiwooyawooya.

Ensambo 26:26

Era ni bw'aghemba atya ku bukyayi bw'ali nabwo, obubi bwe buja kumanhibwa abantu boonaboona.

Omulangirizi 7:9

Otayanguyirizanga kusungughala, kuba mu mwoyo ogw'omusiru mwidhula busungu bwereere.

Matayo 18:15

“Muganda wo bw'akukola ekibi, ja omunenie nga muli bwa babiri mwenka. Bw'akuwulirisa, ng'olwo muganda wo oyo omuwoniiza.

Ab'Efeso 4:26

Bwe musungughala, obusungu butabasindikanga mu kwona. Mutagwisanga ndhuba nga mukaasibye obusungu ku mwoyo,

Ab'Efeso 4:31

Mulekeyo enge, ekiruyi, obusungu, okwereega, okuvumagana n'okukyaghagana kwonakwona.

1 Yoanne 2:11

Aye oyo akyagha muganda we aba mu nzikiiza era atambulira mu nzikiiza, era tamanha y'alaga; kuba enzikiiza eba emuzibye amaiso.

1 Yoanne 2:9

Ole akoba ati ali mu butangaavu aye ng'akyagha muganda we oyo aba akaali mu nzikiiza.

1 Yoanne 3:10

Ku kino kw'omanhira abaana ba Katonda n'aba Sitaani. Kiisi atakola bya butuufu oba n'atagonza muganda we oyo aba ti wa Katonda.

1 Yoanne 3:12

Tulobe kuba oti ni Kaini eyali owa Sitaani n'atemula muganda we. Ye lwaki yamutemula? Lwa kuba mwene bye yakolanga byalinga bibi ate nga ebya muganda we byali bituufu.

1 Yoanne 3:15

Kiisi akyagha muganda we aba mutemo, ate mwidhi nga mu mutemo timuba bulamu butawaagho.