2 Samueli 12:7 - Baibuli Ekibono kya Katonda 2014

⁷ Agho Nathani yaakoba Daudi ati: “Niiwe omuntu oyo. Era Musengwa Katonda wa Isiraeli akoba ati, ‘Nakusiiga omuzigo obe kyabazinga wa Isiraeli, naakuwonia omuzigu wo Saulo.

2 Samueli 12:7 ပူးပေါင်းရင်းမြစ်များ

2 Samueli 14:13

Omukazi yaakoba ati: “Kale lwaki otegeike okukola abantu ba Katonda ekibi ekyo? Mu ekyo ky'ova okusalagho, Isebantu kyabazinga, oba oli kwesalira mwene omusango okukusinga, bw'oloba okweta mutabane wo ye wali obinze, aire eka.

2 Samueli 22:1

Agho Daudi yaayembera Musengwa Katonda olwembo luno, ku lunaku Musengwa Katonda oyo lwe yamuwonia omuzigu we Saulo n'abazigu be abandi boonaboona:

2 Samueli 22:49

yamponia abazigu bange. Bwenebwene ombeedie, abaanumbagana baasigala ghansi; omponiiza abo abakola eby'obukambwe.

2 Samueli 7:8

“Kale ni oidha kukoba omugheereza wange Daudi oti nze Musengwa Katonda Afuga Amagye nkoba nti, ‘Nakutoola ku gw'okwayanga entaama mu byayiro, naakufuula omukulembeze ow'abantu bange Abaisiraeli.

1 Bakyabazinga 14:7

Ja okobere Yeroboamu oti Musengwa Katonda, Katonda wa Isiraeli akoba ati, ‘Nakugulumiza, naakulondamu mu bantu, naakufuula omufuzi w'abantu bange Abaisiraeli.

1 Bakyabazinga 18:18

Eliya yaamwiramu ati: “Nze ti ninze atabulatabula Isiraeli, aye niiwe n'ab'endhu ya lata wo, kuba mwava ku biragiro bya Musengwa Katonda mwasinza emisambwa Baali.

1 Bakyabazinga 20:40

Kale, nze omugheereza wo bwe nali nga ndi kukola ebintu kamaala eno n'ere, omusaadha yeiba.” Kyabazinga wa Isiraeli yaamukoba ati: “Omusango n'iwe mwene ogwesaliire.”

1 Bakyabazinga 20:42

Omulanzi yaakoba kyabazinga ati: “Musengwa Katonda akoba ati, ‘Nga bwe walekula omusaadha ye nalagira okwita, n'omuleka n'aja, obulamu bwo bw'oidha okusasuzaamu obubwe, n'abantu bo b'oidha okusasuzaamu ababe.’ ”

Zabbuli 18:1

Wo Musengwa Katonda, nkugonza inho. Niiwe omukuumi wange.

Yeremia 34:6

Kale nze naaja, naakobera kyabazinga Zedekia obukwenda obwo ng'ali mu Yerusalemu.

Danieli 4:22

“Isebantu kyabazinga, niiwe omuti ogwo. Wakula era waaba wa maani, ekitiibwa kyo kyeyongera kyatuuka ku igulu, n'obufuzi bwo bwatuuka ensi y'ekanga.

Matayo 14:14

Yesu bwe yava mu lyato yaabona olukunkumuli olw'abantu yaabagemerwa ekisa era yaawonia abalwaire baibwe.

1 Samueli 13:13

Samueli yaakoba Saulo ati: “Ekyo okoze kya busiru. Togemye kiragiro kya Musengwa Katonda wo kye yakugha. Ngoli okigemye, Musengwa Katonda yandibaire mpegaano nga yamala ira okuleetera obwakyabazinga bwo okukakata, bwabanga bwa nsikirano mu Isiraeli enaku dhoonadhoona.

1 Samueli 15:17

Samueli yaamukoba ati: “Waire iwe mwene weebona nga toli wa ndhawulo ku bantu bandi, aye ti niiwe akulira ebika byonabyona mu Isiraeli? Musengwa Katonda yakusiiga omuzigo obe kyabazinga wa Isiraeli.

1 Samueli 16:13

Samueli yaatoola eiyiga eryalimu omuzigo, yaamusiiga omuzigo nga baganda be babona. Omwoyo gwa Musengwa Katonda gwaidha ku Daudi n'amaani okuva ku lunaku olwo n'okweyongerayo. Samueli yaasituka yaaja e Rama.

1 Samueli 18:11

Agho Saulo oyo yaakonhoogerera Daudi eifumo emikuzi ebiri ng'akoba mule ati: “Ka mmufumite eifumo limutunge ni ku kimante.” Aye Daudi yaalyewoma ku mikuzi egyo gyombi.

1 Samueli 18:21

Saulo yaakoba mule ati: “Ka mmumughe, mmweyambise ng'omutego, era neeyambise n'Abafilisiti balwanise Daudi oyo.” Kale Saulo yaakoba Daudi omukuzi ogwokubiri ati: “Oidha kuba mukoirume wange.”

1 Samueli 23:14

Daudi yaabanga eyo nga yeegisiisa mu kiketezo eky'oku nsozi, mu irungu ery'e Zifu. Era Saulo yaamuyiiganga buli lunaku, aye Katonda yaaloba kumughaayo mu ngalo dhe.

1 Samueli 23:7

Agho baakobera Saulo bati: “Daudi aidhie mu kibuga Keila.” Saulo yaakoba mule ati: “Katonda amungabwire, kuba yeigaliiza mwene bw'aingiire mu kibuga ekiriku endhigi edhiriku ebisiba.”