2 Samueli 12:25 - Baibuli Ekibono kya Katonda 2014

²⁵ era yaatuma Nathani omulanzi yaagha omwana oyo eriina Yedidia, kuba Musengwa Katonda oyo yamugonzanga inho.

2 Samueli 12:25 ပူးပေါင်းရင်းမြစ်များ

2 Samueli 12:24

Agho Daudi yaagumya mukazi we Bathisheba, yaaba naye mu buliri yaatoola enda, yaazaala omwana mulenzi. Daudi yaatuuma omwana oyo eriina Solomoni. Musengwa Katonda yaagonzanga inho omwana oyo,

2 Samueli 12:26

Agho Yoabu yaalumba ekibuga Rabba eky'Abammoni, yaakigema.

2 Samueli 7:4

Aye obwire bwene obwo Musengwa Katonda yaakoba Nathani ati:

1 Bakyabazinga 1:11

Agho Nathani omulanzi yaaja, yaakoba Bathisheba inhina wa Solomoni ati: “Iwe okaali kuwulira ng'Adoniya mutabane wa mughalikwa wo Haggithi yafuuse kyabazinga, era nga musengwa waife Daudi taidhi?

1 Bakyabazinga 1:23

Baakobera kyabazinga bati: “Nathani omulanzi wuuno aidhie.” Era Nathani oyo bwe yaingira aghali kyabazinga yaakuba amakiryaivu, yaakutama n'ekyeni kyatuuka ku itaka.

1 Bakyabazinga 1:8

Aye Zadoki kabona, ni Benaia mutabane wa Yehoiada, ni Nathani omulanzi, ni Shimei, ni Rei, n'abasaadha ba Daudi ab'amaani, tibaali ku luuyi lwa Adoniya.

1 Bakyabazinga 4:5

Azaria mutabane wa Nathani n'eyali akulira abakungu. Zabudi mutabane wa Nathani, yali kabona era nga mukagwa wa kyabazinga.

1 Ebyomubyanda 22:9

Aye olizaala omwana mulenzi yaaba muntu wa miraala, kuba ndimugha emiraala yaaloba kulumbibwa bazigu be ku ndhuyi dhoonadhoona. Olimutuuma eriina Solomoni, kuba mu bufuzi bwe ndigha ensi Isiraeli okuba emiraala n'okutebenkera.

1 Ebyomubyanda 3:5

Era bano n'abaana be yazaala ng'ali eyo: Shimea, Shobabu, Nathani, Solomoni. Abo bana, inhaibwe nga ni Bathishua mughala wa Ammieli.

Nehemia 13:26

Naabakoba nti: “Timwidhi nga Solomoni kyabazinga wa Isiraeli, abakazi ng'oti n'abo n'abaamuleetera okwonoona? Mu maghanga goonagoona tiyabaayooku kyabazinga eyali ng'oti ni ye, era Katonda we yamwenda inho yaamufuula kyabazinga wa Isiraeli yoonayoona. Aye ate abakazi abamaghanga agandi baamuleetera yeena okwonoona.

Matayo 17:5

Yali akaayogera, ekireri ekimesunkana kyabakingiriza era eiroboozi lyava mu kireri lyakoba liti: “Ono ni mutabane wange omugonzi, aneesiimisa, mumuwulirenga.”

Matayo 3:17

N'eiroboozi lyava mu igulu lyakoba liti: “Ono ni mutabane wange omugonzi, mwe neesiimira einho.”

Amateeka Agokubiri 33:12

Yaasabira Ababenjamini ati: “Bano n'abantu Musengwa Katonda b'agonza. Baidha kubanga mu miraala gh'ali. Aidha kubakuumanga ekiseera kyonakyona, era aidha kubabangamu.”