2 Samueli 12:11 - Baibuli Ekibono kya Katonda 2014

¹¹ Musengwa Katonda oyo era akoba ati, ‘Bona eno, ndidha kuleetera omuntu ow'omu ndhu yo mwene, akutuuseeku akabi. Ndidha kutoola bakazi bo ng'obona, mbaghe musaadha mwino, abe nabo mu buliri, omusana gwene.

2 Samueli 12:11 ပူးပေါင်းရင်းမြစ်များ

2 Samueli 15:10

Aye yaagheereza abakwenda mu ngiso mu bika bya Isiraeli byonabyona, ng'akoba ati: “Kasita muwulira nga bali kufuuwa amagwala, nga mukoba muti, ‘Abusalomu ni kyabazinga mu Heburoni.’ ”

2 Samueli 15:14

Agho Daudi yaakoba abagheereza be boonaboona be yali nabo e Yerusalemu ati: “Musitukiremu mukole tulumuke, tiikulwa nga tubulwa engeri ey'okuwonamu Abusalomu. Mwangughe tuveegho, atatwagaana n'atukolaku kabi, n'aita na bantu ba mu kibuga boonaboona.”

2 Samueli 15:6

Abusalomu yaakolanga atyo ku buli Muisiraeli yeenayeena eyaidhanga ye kyabazinga okumumalira ensonga dhe. Mu nsambo eyo yaaleetera Abaisiraeli okukyuka, baamwikiririzaamu.

2 Samueli 16:11

Agho Daudi yaakoba Abishai oyo n'abagheereza be boonaboona ati: “Bona eno, ate oba mutabane wange mwene ayenda kundhita, me kitasi Omubenjamini oyo! Mumuleke avume, kuba Musengwa Katonda n'amulagiire.

Yobu 31:10

kale mukazi wange k'afumbirwe omusaadha owundi, era abandi basule naye.

Ezekieli 14:9

“Omulanzi bw'alimbibwa n'abaaku ni by'ayogera eby'obulimba, nze Musengwa Katonda mwene ninze mba mmulimbye, era ndigolola omukono gwange naamubonereza naamutoolayo mu bantu bange Abaisiraeli.

Amateeka Agokubiri 17:17

Kyabazinga alobenga kubayiza bakazi kamaala, olwo omwoyo gwe lwe gunaalobanga okutwalirizibwa einho. Era alobenga kwebbuutaku bukombe bungi obwa feeza ni zaabu.

Amateeka Agokubiri 28:30

“Mwidha kwandhulanga abakazi, aye abasaadha abandi n'abaidhanga okubatwala babe nabo. Mwidha kuzimbanga endhu, aye mulobe kudhibangamu. Era mwidha kusimbanga amasamba g'emizabbibu, aye mulobe kukungulanga ku bibala byago.