2 Samueli 11:2 - Baibuli Ekibono kya Katonda 2014

² Lwali lulala eiguloigulo, Daudi yaasituka yaava ku buliri bwe ng'amaze okulambaala okuwuumulaku, yaatambulatambula ghaigulu ku ngulu okw'endhu ye. Ng'ali eyo ghaigulu yaalengera omukazi ali kunaaba, ng'aboneka bulungi inho.

2 Samueli 11:2 ပူးပေါင်းရင်းမြစ်များ

Amainhama 12:11

Bwe yali ng'ali kumpi okwingira mu Misiri, yaakoba mukazi we Sarai ati: “Bona, ndidhi ng'oli mukazi aboneka obulungi einho.

Amainhama 3:6

Omukazi yaabona ng'omuti gusanhusa amaiso era nga mulungi okulyaku, era yaagwegomba olw'amagezi ge gwali guja okubaleetera. Agho yaanoga ku bibala byagwo yaalya, era yaagha ni ku musaadha we, yeena yaalya.

Amainhama 34:2

Shekemu, mutabane wa Hamori Omuhivi omufuzi mu nsi eyo bweyamubona, yaamugema era yaamukaka yaaba naye mu buliri.

Amainhama 39:6

Kale Potifari yaalekera Yosefu ebibye byonabyona okubirabiriranga, nga takeeraliikirira kintu kyonakyona okutoolaku emere ye yalyanga. Ekikula kya Yosefu kyali nga kisanhusa okubona.

Amainhama 6:2

Abaana ab'omu igulu bwe baalinga bati ku baana abaghala abo ab'abantu, baabona nga balungi. Kale baababayiza nga bwebaayendanga.

2 Samueli 13:1

Abusalomu mutabane wa Daudi yali ni mwanhina aboneka obulungi einho, ng'ayetebwa Tamari. Bwe ghaabitaghooku ekiseera, Amunoni mutabane wa Daudi owundi yeegomba Tamari oyo.

2 Samueli 14:27

Abusalomu yazaala abaana abalenzi basatu n'omughala mulala, ye yatuuma eriina Tamari. Tamari oyo yali aboneka bulungi inho.

2 Samueli 4:5

Agho Rekabu ni Baana, batabane ba Rimmoni Omubeerothi, baja ewa Ishiboshethi. Baatuukayo mu kasana ghagati ku saawa ng'oti mukaaga edh'omusana, nga Ishiboshethi ali kuwuumulaku.

2 Samueli 4:7

Baayagaana nga Ishiboshethi alambaire ku buliri bwe mu kisenge kye, baamufumita baamwita, era baamutemaku omutwe baaja nagwo. Baatambula obwire bwonabwona nga bagemye engira ebita mu kiiko ekirimu omwiga Yorudani ekyetebwa Araba.

Yobu 31:1

“Neeyama ira okwekuumanga amaiso gange, kabiri ate nandisoboire ntya okulingirira omughala omuguna nga ndi kumwegomba?

Zabbuli 119:37

Nkyusa nve ku bintu ebiziramu muganhulo; ombeere okwebisa nga bw'oyenda.

Ensambo 19:15

Omuntu omugayaavu afuluuta bwa ndoolo ekiseera kyonakyona, era omuntu atayenda kukola yeereetera mwene endhala.

Ensambo 31:30

Amaiso agasikiriza galimbalimba ababoni, n'obulungi bw'omuntu buwaagho aye omukazi atya Musengwa Katonda agwaniire okusaakibwa.

Ensambo 6:25

Otamwegwanizanga mu mwoyo gwo olw'obulungi obw'emboneka ye, era otatwalirizibwanga lwa mmoga ye.

Ensambo 7:8

Yali ali kutambulatambula mu nguudo, mu ikoona aghali endhu ey'omukazi, era ng'ali kuja ku ndhu eyo.

Yeremia 19:13

Endhu edh'omu Yerusalemu, n'edha bakyabazinga ab'omu Buyudaaya, ghalala n'edho dhoonadhoona abantu dhe baaniokezangaku obubbaani ghaigulu ku busolya bwadho nga babuniokereza emuunienie edh'oku igulu, era mwe baafukiranga ebigheebwayo eby'okunhwa eri bakatonda abandi, dhoonadhoona dhiriba nga ti nongoofu ng'oti n'ekifo ky'e Tofethi.”

Matayo 10:27

Kye mbakobera mu kizikiiza, mukyogeranga mu musana ate kye muwulira mu kyama, mukirangiriranga ghaigulu ku mayumba.

Matayo 24:17

Oyo aliba ghaigulu ku ndhu ataikanga kutoola mu ndhu ye bibye.

Matayo 5:28

Aye nze mbakoba nti, buli alingirira omukazi olw'okumwegomba, aba amwenzeeku mule mu mwoyo.

Ebikolwa by'Abatume 10:9

Ku lunaku olwairirira, bwe baali nga bakaali mu ngira era nga banaatera okutuuka mu kibuga, ku saawa nga mukaaga edh'omusana, Petero yaaniina ghaigulu ku nhumba okusaba Katonda.

Amateeka Agokubiri 22:8

“Bw'onaazimbanga endhu ey'akasolya abantu kwe basobola okutyama, akasolya ako oidha kukeezunguluzanga olukomera. Olwo olobe kubangaku musango gwa kwita, bwe ghanaabangagho aghanukayo n'agwa.

Amateeka Agokubiri 5:21

“ ‘Muteegwanizanga baka beene. Muteegwanizanga ndhu dha bantu bandi, waire enimiro dhaibwe, waire abairu baibwe abasaadha oba abakazi, waire ente dhaibwe, oba endogoyi, oba ekintu ekindi kyonakyona eky'omuntu owundi.”

1 Petero 4:7

Enkomerero ey'ebintu byonabyona eri kumpi. Agho ni mubenga beetegefu era musabenga.

1 Yoanne 2:16

Kuba ebintu byonabyona ebiri mu nsi ng'okwegomba okw'omubiri, okwegomba okw'amaiso n'okwekuza okw'omu bulamu buno, ti biva wa Lata aye bya nsi.

1 Samueli 9:25

Mu nsambo eyo Saulo yaaliira ghalala ni Samueli ku lunaku olwo. Bwe baava agho mu kifo ekigulumivu eky'okusinzizaamu, baaja mu kibuga. Baayalira Saulo obuliri ku ngulu kw'endhu, yaalambaala okwo.