2 Samueli 11:1 - Baibuli Ekibono kya Katonda 2014

¹ Agho ng'omwaka gutoolera, mu biseera bakyabazinga ghe baajiiranga okulwana entalo, Daudi yaatuma Yoabu ng'ali n'abagheereza be ghalala n'Abaisiraeli boonaboona. Baaja baalumba Abammoni, baabaghangula era baazingiza ekibuga Rabba okukyezunguluza. Aye Daudi mwene yaasigala e Yerusalemu.

2 Samueli 11:1 ပူးပေါင်းရင်းမြစ်များ

2 Samueli 10:14

Abammoni bwe baabona ng'Abasiria balumwike, boona baalumuka Abishai bangira mu kibuga. Agho Yoabu yaakyuka yaavaayo y'okulwana n'Abammoni, yaira e Yerusalemu.

1 Bakyabazinga 20:22

Agho omulanzi ole yaaja ye kyabazinga wa Isiraeli, yaamukoba ati: “Ja weenhweze era weetegereze bukalamu ky'onaakola, kuba omwaka bwe gunaaba nga gwinhama, kyabazinga wa Siria aidha kwira akulumbe.”

1 Bakyabazinga 20:26

Omwaka bwe gwali nga guli kwinhama, yaasoloza Abasiria, yaaja nabo mu Afeki okulwanisa Abaisiraeli.

1 Ebyomubyanda 20:1

Agho omwaka nga gutoolera, mu kiseera bakyabazinga kye bajiiramu okulwana entalo, Yoabu yaakulembera eigye yaalumba ensi eya Abammoni. Yaazingiza ekibuga Rabba era yaakizikiriza. Aye kyabazinga Daudi yaasigala e Yerusalemu.

2 Ebyomubyanda 36:10

Agho omwaka nga guli kutoolera, ekiseera ebimera kye bisibukiramu, kyabazinga Nebukadinezzari yaatwala Yehoiakini e Babilonia nga musibe, yaatwala n'ebintu eby'omughendo eby'omu isinzizo. Yaataagho Zedekia muganda wa Yehoiakini oyo, yaamufuula kyabazinga wa Buyudaaya ni Yerusalemu.

Zabbuli 60:9

Naani alintwala mu kibuga ekyezungulwirwa ebimante ebigumu? Naani alinkulembereramu okuntuusa mu Edomu?

Omulangirizi 3:8

Ekiseera eky'okugonzania, n'ekiseera eky'okukyagha. Ekiseera eky'entalo, n'ekiseera eky'emiraala.

Yeremia 49:2

Aye bona, ekiseera kiidha kutuuka, abantu ab'omu Rabba ekibuga ekikulu eky'Abammoni, mbaleetere okuwulira okwasiikana okw'omu lutalo. Abazigu balikireka agho kityo nga kifuuse bifulukwa byereere, era nga bookiikya n'ebyalo byakyo omuliro byawaagho. Olwo Abaisiraeli balyeiriza ekiketezo kyaibwe, baakitoola ku abo abaali bakibatoireku.

Yeremia 49:3

Imwe abantu b'e Heshiboni, muvaale kutiya era muwowoole! Mulumukirerumukire eno n'ere olw'okusoberwa. Omusambwa gwaimwe Milikomu baja kugutwala mu bunhage, ghalala ni bakabona baagwo n'abakungu baagwo.

Ezekieli 21:20

Laga engira kyabazinga mw'anaabisa empiima okutuuka ku kibuga Rabba eky'Abammoni, n'engira mw'anaagibisa okutuuka e Buyudaaya ku kibuga Yerusalemu ekyezungulwirwa ebimante ebigumu.

Amosi 1:14

Kale nja kusindika omuliro gwokye ekimante ekyezungulwire ekibuga Rabba, era gusenkeenhe ebifo byakyo byonabyona eby'okwewogomamu. Ghaja kubaagho okuleekaana ku lunaku olw'olutalo, era okulwana kuja kuwuuma ng'oti ni kiwunga ow'amaani.

Zekaria 14:3

Agho Musengwa Katonda alimala yaalumba amaghanga ago, yaagalwanisa ng'oti bwe yalwana mu ntalo edhaabita.

Amateeka Agokubiri 3:11

Kyabazinga ow'e Bashani oyo, Ogi, n'eyali akaasigairegho ku lulyo olw'Abarefa. Obuliri bwe nga bwa kyuma ekigumu einho. Bwali bugheza mita ina mu buleeyi, n'emita kumpi ibiri mu bugazi, ng'ojiira ku bipimo ebitongole abantu bye baapimisanga. Obuliri obwo bukaaliyo mu Rabba, ekibuga ky'Abamori.

1 Samueli 18:30

Agho abafuzi ab'Abafilisiti baavangayo okulwana n'Abaisiraeli. Aye buli mukuzi gwe baidhanga, nga Daudi aba n'obughanguzi okusinga abagheereza ba Saulo abandi boonaboona. Kale Daudi yaamanhikana inho.