2 Samueli 10:18 - Baibuli Ekibono kya Katonda 2014

¹⁸ Abasiria baalumuka Abaisiraeli. Daudi yaita abalwani Abasiria ab'oku bigaali eby'omu lutalo lusanvu, n'ab'oku mbalaasi emitwalo ena (40,000). Era baafumita Shobaki omuduumizi ow'eigye ly'Abasiria, yaafiira mu lutalo.

2 Samueli 10:18 ပူးပေါင်းရင်းမြစ်များ

2 Samueli 10:17

Ekyo bwe baakikobera Daudi, yeena yaasoloza Abaisiraeli boonaboona ghalala, baasomoka omwiga Yorudani baatuuka e Helamu. Abasiria baasimba enhiriri nga boolekeire Daudi, baalwana naye.

2 Samueli 8:4

Daudi yaamunhagaku abalwani ab'oku mbalaasi lukumi na lusanvu (1,700), n'ab'oku bigere emitwalo ebiri (20,000). Yaasala eminho egy'embalaasi dhoonadhoona, aye yaalekagho edhimala okughaluza ebigaali eby'omu lutalo ekikumi dhonka.

1 Bakyabazinga 11:24

Daudi bwe yamala okwita ab'e Zoba, Rezori oyo yaasoloza abasaadha, yaaba mukulu waibwe. Baaja e Damasiko baaba eyo, era baamufuulira eyo kyabazinga waayo.

1 Ebyomubyanda 19:18

Abasiria baalumuka Abaisiraeli. Daudi yaita abalwani Abasiria ab'oku bigaali eby'omu lutalo kasanvu (7,000), n'ab'oku bigere emitwalo ena (40,000). Era yaita ni Shofaki omuduumizi ow'eigye ly'Abasiria.

Zabbuli 18:38

Nabafumitafumita baaba nga tibasobola kusituka, baagwa ku itaka naabaniinaniinaku.

Zabbuli 46:11

Musengwa Katonda afuga amagye ali n'ife; Katonda wa Yakobo n'omukuumi waife.

Zabbuli 68:2

Ng'empewo bw'efuuwa omwosi ni guvaagho, weena otyo bw'obe obafuumuule embiro baje. Ng'omuzigo bwe gusaanuuka nga guli gha muliro, n'ababi boona batyo bwe babe bazikirire, baweegho mu maiso ga Katonda.

Abalamuzi 4:2

Agho yaabaleka baaghangulwa kyabazinga Yabini ow'e Kanaani, eyafugiranga mu kibuga Hazori. Omuduumizi w'eigye lye yali nga ni Sisera, ng'aba mu Haroshethi Hagoyiimu.

Abalamuzi 4:22

Baraki bwe yaidha ng'ali kubingirira Sisera, Yaeli yaafuluma okumusangaaza. Yaamukoba ati: “Idha nkulage omusaadha y'oli kunoonia.” Agho Baraki yaingira naye, yaayagaana Sisera ng'agalaamiriire ku itaka, mufu, era nga bamukomereire enkondo mu kyeni.

Abalamuzi 5:26

Yaagema ekikondo ky'eweema mu mukono gwe ogundi, yaagema n'enhundo mu mukono gwe gundi. Yaakomerera Sisera enkondo yaamutulisa omutwe enkondo yaafuwula mu kyeni kya Sisera oyo.