2 Samueli 1:20 - Baibuli Ekibono kya Katonda 2014

²⁰ Mutakikoberaku bantu b'e Gathi, waire okukisansaania mu nguudo edh'e Ashikeloni; kuba mwidha kuleetera baghala b'Abafilisiti okusagamba, olwo muleetere baghala b'abantu abo abatali bakekete okutuumira ghaigulu olw'eisanhu.

2 Samueli 1:20 ပူးပေါင်းရင်းမြစ်များ

Ezekieli 16:27

“Kale buti ngalwire omukono gwange okubabonereza. Era nja kukendeeza ku mugabo gwo, nkugheeyo y'abazigu bo Abafilisiti abakweguguna obwegugune, era abeesinwa eira ebikolwa byo eby'obwenzi.

Ezekieli 16:57

era nga n'ebibi byo bikaali kumanhika? Aye mpegaano weena Abaedomu, n'Abafilisiti, n'abo boonaboona abakukyagha abakwezungulwire, bali kukunhooma.

Mika 1:10

Aye mutakobera bazigu baife abali mu Gathi, era mutabaganha kubabona nga mulira. Imwe abantu ab'e Betha Leafura mwegalangule mu nkungu okwoleka obubi obw'embeera ye tulimu.

Abalamuzi 11:34

Yefutha bwe yairayo eka mu Mizipa, yaja okulinga ati ng'abona mughala we ali kwidha okumusangaaza ng'akina era ng'akuba obugoma n'ensaasi. Oyo yali nga n'omwana wa Yefutha yenka ati. Yali azirayo mwana wundi k'abe wa bulenzi oba wa bughala, okutoolaku oyo yenka.

Abalamuzi 14:19

Agho omwoyo gwa Musengwa Katonda gwamwidhaku n'amaani, yaaserengeta mu Ashikeloni, yaitayo abasaadha amakumi asatu, yaabanhagaku ebintu byaibwe, ebivaalo byaibwe eby'oku mbaga yaabitwalira abasaadha abaita ekikoiko kye. Olwo yairayo mu maka ga ise ng'aliku obusungu obubitirivu.

1 Samueli 14:6

Yonathani yaakoba omwisuka eyamugemeranga eby'okulwanisa ati: “Idha tuje mu nkambi y'abalwani bano abatali bakekete. Tomanha Musengwa Katonda bw'atuyamba, kuba ghaziragho kighanga kulobera Musengwa Katonda okununula ng'akozesa abangi oba abatono.”

1 Samueli 17:26

Daudi yaabuuza abantu abaali beemereire okumpi naye, ati: “Kiki kye baja okukolera omuntu anaita Omufilisiti oyo, n'atoola ku Isiraeli ekyobeera ekyo? Obwo katyo Omufilisiti oyo atali mukekete naani, yeena okunhooma eigye lya Katonda omulamu?”

1 Samueli 17:36

Nze omugheereza wo, nga bwembairenga nga ndhita empologoma n'ensolo enkambwe, era ntyo bwe ndidha okwita n'Omufilisiti oyo atali mukekete, anhoomye amagye ga Katonda omulamu.”

1 Samueli 18:6

Agho bwe baali nga bali kwira eka, nga Daudi yeena ali kwira ng'amaze okwita Omufilisiti, abakazi baava mu bibuga byonabyona ebya Isiraeli, baaja okweisuusaayo kyabazinga Saulo. Baaja nga bemba enhembo edh'eisanhu nga bwe bakina. Era baakuba obugoma n'ebivuga ebindi bye bakubiraku enhembo.

1 Samueli 31:4

Agho Saulo yaakoba eyamugemeranga eby'okulwanisa ati: “Sowolayo empiima yo onfumite, abo abatali bakekete balobe kwidha kunfumita na kuneesanhukizaaku.” Aye eyamugemeranga eby'okulwanisa yaaloba kumufumita olw'okutya einho. Kale Saulo mwene yaasowolayo empiima eyiye, yaagyetungaku.

1 Samueli 6:17

Bino n'ebiwumbe ebyakolebwa nga bifaanana ng'oti bizimba, Abafilisiti bye baagheereza Musengwa Katonda bibe ekigheebwayo ng'omutango: ekirala olw'ekibuga Ashidodi, ekindi olw'ekibuga Gaza, n'ekindi olw'ekibuga Ashikeloni, n'ekindi olw'ekibuga Gathi, era n'ekindi olw'ekibuga Ekuroni.