2 Samueli 1:16 - Baibuli Ekibono kya Katonda 2014

¹⁶ Daudi yaakoba Omuamaleki oyo ati: “Niiwe mwene oweereeteire okufa, kuba omunwa gwo gwene n'ogughaire obudhulizi obukulumiriiza, ng'okoba oti, ‘Naita omuntu wa Musengwa Katonda eyasiigibwa omuzigo.’ ”

2 Samueli 1:16 ပူးပေါင်းရင်းမြစ်များ

2 Samueli 1:10

Kale naaseeta naamwita, kuba bwenebwene nabaire ndidhi ng'olunaagwa ati, aidha kufa bufe. Kale naatoola engule eyabaire ku mutwe gwe n'ekikomo ekyabaire ku mukono gwe, biibino mbikuleeteire iwe musengwa wange.”

2 Samueli 16:8

Musengwa Katonda akwesasuuliizaaku olw'okwita ab'endhu ya Saulo, era n'omunhagaku obwakyabazinga bwe. Buti Musengwa Katonda obwakyabazinga obwo abughaire Abusalomu mutabane wo, era iwe otuuse okuzikirira olw'okuba omutemo.”

1 Bakyabazinga 2:37

Kimanhe bumanhe nti k'olivaayo n'osomoka akaiga Kiduroni, oliitibwa bwitibwe. Era oliba nga niiwe mwene weereeteire okufa.”

Yobu 15:6

Omunwa gwo gwene n'ogukusalira omusango okukusinga, se ti ninze. By'oyogera byene n'ebikulumiriza.

Ensambo 6:2

olwo onaabanga weetaire mwene omugugha mu nkoto olw'ebibono byo, era nga weesibye mwene olw'ebisuubizo byo.

Ezekieli 18:13

era yaawola omuntu lwa kumufunaku magoba olwo mwene yeeyongere okuba omukombe. Bwenebwene omuntu oyo agwaniire okuba omulamu? Busa naire, tibalimulekagho nga mulamu. Alifa olw'okukola ebyenhinhalwa ebyo byonabyona, era aliba nga ni mwene eyeereeteire okufa.

Ezekieli 33:5

kuba yawulira eigwala aye yaaloba kufaayo ku kulabulwa okwo, kale yaafa era omusango ogw'okufa kwe gwamwiriraku mwene. Ngoli yafaayo ku kulabulwa okwo, yandiwoniiza obulamu bwe.

Abalevi 20:16

N'omukazi bw'anaabanga n'ensolo mu nsambo abasaadha ye baba n'abakazi mu buliri, anaitibwanga era n'ensolo eyo yoona yaitibwa mwene era n'ensolo eyo n'abanaabanga nga beereeteire okwitibwa.

Abalevi 20:27

“Omusaadha oba omukazi omusamize, oba omulogo, anaitibwanga. Anaakubwanga amabaale yaitibwa. Mwene n'anaabanga yeereeteire okwitibwa.”

Abalevi 20:9

“Kiisi anaakolimiranga ise oba inhina, anaitibwanga mwene n'anaabanga nga yeereeteire okwitibwa.

Matayo 27:25

Abantu boonaboona baakoba bati: “Omusaayi gwe gube ku ife ni ku baana baife.”

Luka 19:22

Yaamukoba ati, ‘Omugheereza omubi iwe, by'oyogeire kwe nnaasinziira okukusalira omusango. Wamanha oti ndi muzibu, ntwala ebitali byange, naakungula bye ntaasiga

Ebikolwa by'Abatume 18:6

Bwe baamutakania ni bamuvuma, yaakunkumula ebivaalo bye yaakoba ati: “Bwe mulizikirira ogwo musango gwaimwe. Nze nziraku musango. Okuva ni buti ndidha kuja y'abamaghanga agandi.”

Ebikolwa by'Abatume 20:26

Kyenva mbakakasa olwaleero nti bweghabaagho alizikirira, tiguliba musango gwange.

Ab'e Roma 3:19

Twidhi nga buli kyonakyona ekiri mu Mateeka kigema ku abo abafugibwa Amateeka, ghalobe kubaagho eyeewolereza, era abantu ab'omu nsi boonaboona Katonda abasalire omusango.

Amateeka Agokubiri 19:10

Mwidha kukolanga mutyo, olwo abantu abaziraku musango balobenga kwitibwa, era mwena mulobenga kuvunaanibwa lwa kwita bantu baziraku musango, mu nsi yaimwe Musengwa Katonda waimwe y'ali kubagha.

Yoshua 2:19

Omuntu yeenayeena alifuluma okuva mu ndhu yo n'aitirwa eyo mu nguudo edh'ekibuga, omusango guliba gugwe ti gwaife, aye ye baligemaku ng'ali mu ndhu yo muno, ogwo omusango guliba gwaife.

Abalamuzi 9:24

Ekyo kyaligho, Abimeleki n'abantu ab'e Shekemu abaamughaganga okwita batabane ba Gideoni ensanvu, beesasuuzibwe olw'omusango gwaibwe ogwo.

1 Samueli 25:39

Daudi bwe yawulira nga Nabali afiire, yaakoba ati: “Musengwa Katonda asaakibwe, oyo eyeesasuliiza ku Nabali eyanvuma, era asaakibwe olw'okunkuuma nze omugheereza we ni ndoba okugwa mu kibi. Buti Musengwa Katonda oyo abonereiza Nabali olw'ekibi kye.” Agho Daudi yaayetesa Abigaili, ng'amukobya abe mukazi we.

1 Samueli 26:9

Aye Daudi yaakoba Abishai ati: “Busa, otamuzikiriza, kuba naani akola akabi ku oyo Musengwa Katonda ye yasiiga omuzigo, n'atabaaku musango?”