2 Petero 2:21 - Baibuli Ekibono kya Katonda 2014

²¹ Ekyandiwuze n'abantu abo okuba nga tibamanhangaku ngira ya butuufu, mu kifo eky'okugimanha memale kabiri ni bakyuka ni bava ku biragiro ebitukuvu ebyabagheebwa.

2 Petero 2:21 ပူးပေါင်းရင်းမြစ်များ

Zabbuli 125:5

Aye abo abaleka ebiragiro byo ni badaaliima, babonereze ghalala n'abakozi ab'ebibi. Emiraala gibe mu Isiraeli.

Zabbuli 85:8

Leka mpulire Musengwa Katonda ky'aja okukoba, kuba ndidhi aja kwogera ebituleetera emiraala ife abantu be abamutya, kasita tuba nga titwizeeyo mu bya kisiru.

Ensambo 12:28

Mu kukola ebituufu n'omuli obulamu, aye mu kukola ebibi mulimu kufa.

Ensambo 16:31

Envu edh'obukaire dhiri ng'oti n'engule ey'ekitiisa, dhifunibwa abo abeebisiisa mu bulamu obutuufu.

Ezekieli 18:24

“Aye omuntu omutuufu bw'akyuka n'alekera okukola ebituufu, naakola ebibi, era n'akola ebyenhinhalwa byonabyona abantu ababi bye bakola, mulowooza muti aliba mulamu? Busa naire! Ghazira naire ekirala ku bikolwa bye eby'obutuufu bye yakola, kiriidhukirwa. Era alifa olw'obutaba mwesigwa, n'olw'ebibi by'akola.

Ezekieli 23:13

Naabona nga yayonooneka, era kyaba nti aboluganda bombi baagema ngira ndala.

Ezekieli 3:20

“Ate omuntu akola ebituufu bw'akyuka n'ava ku kukola ebituufu n'akola ebibi, era zeena ni mmuleka obuleke yeekontole agwe, omuntu oyo bw'otalimulabula aja kufiira mu bibi bye. N'ebikolwa ebirungi by'aliba akoze tija kubiraadha naire. Ate omusango ogw'okufa kwe ndiguta ku iwe.

Ezekieli 33:13

Ni bwensuubiza omuntu omulungi nti bwenebwene aliba mulamu, aye ni yeesigulira ku bulungi bwe obw'eira n'atoolera okukola ebibi, agho ebirungi bye yakola tibiriidhukirwa naire. Era alifiira mu bibi bye ebyo bye yakola.

Zefania 1:6

Era nja kuzikiriza abo boonaboona abatakaidha ye ndi waire okunsaba okubabeera.”

Matayo 21:32

kuba Yoanne yaidha ye muli ng'agemye engira entuufu mwaloba kumwikiriza, aye abaghooza ni bamalaaya baamwikiriza. Aye imwe waire nga mwabona ekyo, era timwenenia ni mu mwikiriza.

Luka 12:47

“Ate omugheereza amanha musengwa we by'ayenda n'atakola ntegeka, oba okukola nga musengwa we bw'ayenda, alikubwa emiigo kamaala.

Yoanne 15:22

Nguli tyaidha ni ndhogera nabo nguli bazira kibi, aye mperaano bazira kya kwegemya.

Yoanne 9:41

Yesu yaabairamu ati: “Nguli mwali batulu timwandibaire na kibi kyaimwe aye nga bwe mukoba muti mubona, ekibi kyaimwe kibasigalaku.

Ab'e Roma 7:12

Kale ni Amateeka ku bwago matukuvu n'ekiragiro kitukuvu kya mazima era kikalamu.

Ab'e Galatia 6:2

Buli muntu ayambenga mwine, olwo mube nga mutuukiriiza eiteeka lya Kurisito.

1 Ab'e Thessalonika 4:2

kuba mwidhi bye twabagalagira ku lwa Musengwa Yesu.

1 Timotheo 6:14

okuumenga ekiragiro kalemberera nga ghazira kibi kyonakyona kikwogerwaku, okutuusa Musengwa waife Yesu Kurisito lw'aliidha.

Abaheburayi 10:26

Bwe twonoona nga tugendereire ng'ate tumaze okukoberwa amazima, ghaba nga tighakaaligho musengo gwa kugheebwayo olw'ebibi.

Yakobo 4:17

Kale ni ole yeenayeena aidhi ekituufu eky'okukola aye n'atakikola aba agwire mu kibi.

2 Petero 3:2

Nhenda okubaidhusa ebibono abalanzi abatukuvu bye baayogera eira, n'ekiragiro kya Musengwa era Omulokozi ekyabagheebwa Abatume.

Yuda 1:3

Bakagwa, mbairenga nhenda inho okubaghandiikira ku kulokolebwa kwaife kwe tugabanaku, aye nkyagaine nga kigwaine okubaghandiikira mbakubirize okulwanirira endhikiriza Katonda ye yagha abatuukirivu omukuzi omulala guti nga gumala.