2 Petero 1:21 - Baibuli Ekibono kya Katonda 2014

²¹ kuba ghazira mulanzi yalangaku ku bubwe yenka. Abalanzi baayogeranga ebiva ye Katonda nga Mwoyo Mutukuvu n'aboogeza.

2 Petero 1:21 ပူးပေါင်းရင်းမြစ်များ

2 Samueli 23:2

Daudi oyo yakoba ati: “Omwoyo gwa Musengwa Katonda gwogerera mu nze, antaire ebibono bye mu kanwa.

1 Bakyabazinga 13:1

Agho omulanzi yaava mu Buyudaaya nga Musengwa Katonda n'amulagiire, yaaja e Betheli. Yaayagaana Yeroboamu ng'ayemereire aghali alutaari, okuniokeza obubbaani.

1 Bakyabazinga 17:18

Agho omukazi yaakoba Eliya ati: “Ondiku nzigu yaaki, iwe omuntu wa Katonda? Waidha ghano kwidhusa Katonda bibi byange, na kwitisa mwana wange?”

1 Bakyabazinga 17:24

Agho omukazi yaakoba Eliya ati: “Mpegaano mmanhiire irala ng'oli muntu wa Katonda, era nga bwenebwene Musengwa Katonda ky'ayogera ng'abita mu iwe kiba kya mazima.”

2 Bakyabazinga 4:22

Yaayeta iba ng'akoba ati: “Nsindikira omugheereza mulala n'endogoyi ndala, nje mangu ew'omuntu wa Katonda era mmale ndhire.”

2 Bakyabazinga 4:7

Omukazi yaaja yaakobera Elisha omusaadha wa Katonda. Elisha yaamukoba ati: “Ja otunde omuzigo ogwo, osasule eibandha ly'oli nalyo, ate ogunaafikagho mwidha kugukozesa, iwe ni batabane bo.”

2 Bakyabazinga 4:9

Omukazi oyo yaakoba iba ati: “Bona, mpegaano ntegeire ng'omusaadha oyo atera okubitira ewaife, muntu wa Katonda mutukuvu.

2 Bakyabazinga 6:10

Agho kyabazinga wa Isiraeli yaagheereza obukwenda obwo obulabula eri ab'omu kiketezo ekyo Elisha omuntu wa Katonda kye yamukoberaku. Elisha yalabulanga kyabazinga ku kifo ekyo emikuzi egigheraku, kale mu nsambo eyo kyabazinga yaawonanga akabi okumutuukaku mu kifo ekyo.

2 Bakyabazinga 6:15

Omugheereza wa Elisha omuntu wa Katonda bwe yazuuka enkyo ku nkyo, yaafuluma. Okuja okulinga ati, ng'abona eigye n'embalaasi, n'ebigaali eby'omu lutalo, nga bazingiiza ekibuga okukyezunguluza. Agho yaakoba Elisha ati: “Tukagwireku, musengwa wange! Tunaakola tutya?”

1 Ebyomubyanda 23:14

Aye abaana ba Musa omuntu wa Katonda, baababalira mu Balevi.

2 Ebyomubyanda 8:14

Solomoni oyo yaakola nga lata we Daudi bwe yalagira, yaataagho engobo bakabona dhe baakolerangamu omulimo gwaibwe. Yaataagho n'engobo Abalevi dhe baakolerangamu omulimo gwaibwe ogw'okwemba enhembo edhisaaka, n'okugheereza nga bayambaku bakabona, nga bwe kyetaagisanga buli lunaku. Yaataagho n'abakuumi b'emiryango mu ngobo, ku buli mulyango kuba atyo Daudi omuntu wa Katonda bwe yalagira.

Yeremia 23:26

Abalanzi abo balikomya li okudaaliimya abantu bange, nga babakobera eby'obuguya bye bayiiya obuyiiye?

Ezekieli 1:3

Nga tuli eyo e Babilonia okumpi n'omwiga Kebari, Musengwa Katonda yayogera ninze era naawulira mule ng'amaani ge gandidhieku.

Mika 1:1

Mu biseera bya Yothamu, n'ebya Ahazi, n'ebya Hezekia, abaali ba kyabazinga ba Buyudaaya, Musengwa Katonda yayoleka Mika ow'omu kyalo Moreshetha ebintu bino ebigema ku Samaria ni ku Yerusalemu.

Mika 3:7

Abo abalengera ebiri mu maiso n'abalaguzi boonaboona baja kuswazibwa olw'okulemwa okukoba ebituufu. Baja kwegema mu maiso nga baswaire olwa Katonda okubasiriikirira.

Okubala 16:28

Musa yaakoba abantu ati: “Ku kino kwe munaamanhira nga Musengwa Katonda n'eyantuma okukola ebintu ebyo byonabyona, era nga tibikola ku bwange zenka.

Mariko 12:36

Daudi mwene, ku bwa Mwoyo Mutukuvu yakoba ati, ‘Musengwa yakoba Musengwa wange ati: Tyama ku mukono gwange omusaadha okutuusa bwe ndita abazigu bo ghansi gh'ebigere byo.’

Luka 1:70

Nga bwe yayogerera mu batuukirivu be, abalanzi abaaligho eira,

Ebikolwa by'Abatume 1:16

“Baganda bange, ekyaghandiikibwa, Mwoyo Mutukuvu kye yayogeza Daudi ku Yuda, eyakulemberamu abo abaagema Yesu, kigwaine okutuukirizibwa.

Ebikolwa by'Abatume 28:25

Bwe bataisania beene na beene, baagolola nga Paulo amaze okubakoba ekibono kino ati: “Mwoyo Mutukuvu yali mutuufu bwe yakoba badhaadha baimwe ng'abita mu mulanzi Isaia, eyakoba ati,

Ebikolwa by'Abatume 3:18

Aye Katonda kye yalangirira ng'abita mu balanzi be boonaboona ati Kurisito we, yali waakudaagadaaga, yakituukiriza atyo.

Amateeka Agokubiri 33:1

Dhino n'enkabi, Musa omusaadha wa Katonda dhe yasabira Abaisiraeli ng'akaali kufa.

Abaheburayi 10:15

Era ni Mwoyo Mutukuvu kino akighaaku obudhulizi bw'akoba ati:

Abaheburayi 3:7

Kale ni nga Mwoyo Mutukuvu bw'akoba ati: “Olwaleero bwe muwulira eiroboozi lye,

Abaheburayi 9:8

Mu bino byonabyona Mwoyo Mutukuvu alaga nti engira etuuka mu Kifo Ekitukuvu Einho yali ekaali kwigulwagho kuba ekiketezo eky'eweema ekituukirwamu kyali nga kikaaligho.

Yoshua 14:6

Lulala, abantu ab'ekika ekya Yuda baidha ye Yoshua nga bakaali e Giligali. Owundi ku bantu abo ye baayetanga Kalebu mutabane wa Yefunne ow'oku nda ya Kenizzi yaamukoba ati: “Oidhi Musengwa Katonda kye yakoba Musa omusaadha we, ekigema ku iwe ni ku nze, nga tuli e Kadeshi Barinea.

1 Petero 1:11

Baagezaaku okunoonereza okumanha ekiseera okulokoka okwo kye kuliidhiramu, era n'ensambo ye kuliidhamu, nga bajiira ku Mwoyo wa Kurisito eyabalimu, baalanga okudaagadaaga okwali kuli n'okutuuka ku Kurisito, era n'ekitiisa ekyali kiri n'okukuvaamu.

Okwolekebwa 19:10

Agho neeyala gha bigere bye okumusinza. Aye yankoba ati: “Leka otageza kukola ekyo! Nze ndi mugheereza mwino ghalala ni baganda bo abadhulira Yesu. Katonda y'obe osinze.” Kuba amazima Yesu ge yatwoleka n'agagha abalanzi bye bakoba.