2 Petero 1:19 - Baibuli Ekibono kya Katonda 2014

¹⁹ Tuja nga tweyongera okukakasa ebibono abalanzi bye baakoba. Mubitengaku omwoyo, kuba biri ng'oti n'eitaala eryaka mu nzikiiza okutuusa obwire lwe bulikya, emuunienie ey'oku nkyo n'evaayo, n'eyakira mu myoyo gyaimwe.

2 Petero 1:19 ပူးပေါင်းရင်းမြစ်များ

Zabbuli 119:105

Ekibono kyo n'eitaala eriimuliikirira ghe mbita, ni mbona engira.

Ensambo 6:23

Kuba ebyo bye bakulagira biri ng'oti itaala eryaka mu nzikiiza, n'ebyo bye bakwegeresa byaba ng'oti butangaavu, ate ebyo bye bakuneniamu byakutuusa ku bulamu.

Isaia 14:12

Iwe emuunienie eyaka einho ku nkyo, oghanwike ku igulu waagwa! Iwe eyaghangulanga amaghanga, buti osuuliibwa ku itaka!

Isaia 41:26

Naani ku imwe eyalangaku nga bukaali ati kino kiribaagho, olwo tusobole okumanha nga yali mutuufu? Ghazira waire omulala ati ku imwe eyakirangiriraku, oba okubaagho omuntu eyawuliraku nga mukyogeraku.

Isaia 8:20

Mubairangamu muti: “Ka twekalangulire ku ebyo Musengwa Katonda bye yatusikirira ni bye yatwegeresa.” Bwenebwene abo abatajiira ku ebyo nga bwe biri, tibalikyesa bwire nga bakaali kufa.

Isaia 9:2

Abantu abaabanga mu nzikiiza, baboine obutangaavu bungi; abo abaabanga mu nzikiiza eri bedimudimu ng'oti n'ey'e magombe, ekimulika kibaakiire.

Matayo 4:16

Abantu abaabanga mu kizikiiza baboine obutangaavu obunene. N'abo ababaire mu nsi ey'olumbe n'ekinsense kyayo, ekimulika kibaakiire.”

Yoanne 5:35

Yoanne yali ng'oti itaala eryaka ni limulisa, aye okumulisa kwe kwabasangaazaaku kaseera buseera.

Yoanne 5:39

“Mwagaaza mu Byaghandiikibwa nga mudhuuba muti mu ebyo mwe munaafunira obulamu obutawaagho, ate nga Ebyaghandiikibwa byene ebyo bindhulira,

Yoanne 8:12

Yesu yaayongera yaakoba abantu ati: “Ninze ekimuliikirira eky'ensi kiisi annonereza taja kutambulira ghali nzikiiza era aja kuba n'obutangaavu obuleeta obulamu.”

Ebikolwa by'Abatume 15:29

Mweghalenga okughangayo emisengo eri ebisinzibwa ebitali Katonda, mweghalenga okulya omusaayi, mweghalenga okulya ebitugiibwa, mweghalenga n'obwenzi. Bwe muneeghala ebintu ebyo munaaba mukoze bukalamu.”

Ebikolwa by'Abatume 17:11

Abayudaaya baayo baali bakalamu okusinga ab'e Thessalonika, kuba baayangugha okwikiriza ekibono kya Katonda. Era buliidho nga beekebeedha Ebyaghandiikibwa okubona oba nga bityo bwe biri.

Abaheburayi 2:2

Kale oba nga obukwenda obwalangirirwa bamalaika bwali bwa mazima, era nga kiisi ataabugonderanga, oba eyabudheemeranga yagheebwanga ekibonerezo ekimujaamu,

Yakobo 2:8

Muba mukoze bukalamu bwe mutuukiriza eiteeka lino eikulu, nga bwe kyaghandiikibwa kiti: “Ogonzanga muntu mwino ng'oti ni bwe weegonza mwene.”

1 Petero 1:10

Abalanzi abalanga ekisa kino Katonda kye yali ow'okubagemerwa, beefumintiriza era baanoonereza ebigema ku kulokolwa kuno.

1 Yoanne 5:10

Kale kiisi aikiriza Omwana wa Katonda aba n'obudhulizi buno mu mwoyo gwe era kiisi ataikiriza, Katonda amufuula muguya; kuba aba taikiriza budhulizi Katonda bwe yagha ku mwana we.

3 Yoanne 1:6

Abo baakakasa ab'omu Kikunsu eky'Abaikiriza mu Kurisito okugonza kwe wabalaga. Era onaaba okoze bukalamu bw'onaabayamba ni beeyongerayo mu lugendo lwaibwe mu nsambo esiimya Katonda;

Okwolekebwa 2:28

Era ndimugha emuunienie ey'oku nkyo.

Okwolekebwa 22:16

“Nze Yesu, ntumye malaika wange okubakobera ebintu bino mu bikunsu eby'abandhikiriza. Ndi wa ku luzi lwa Daudi era nsimuka mu oyo. Ninze emuunienie ey'oku nkyo eyaka einho.”