2 Ebyomubyanda 9:24 - Baibuli Ekibono kya Katonda 2014

²⁴ Buli eyaidhanga, ng'aleeta ekirabo: ebintu bya feeza n'ebya zaabu, ebivaalo, obuwoowo, embalaasi, n'enhumbu. Baaleetanga ebintu ebyo mu bungi buli mwaka.

2 Ebyomubyanda 9:24 ပူးပေါင်းရင်းမြစ်များ

1 Bakyabazinga 10:10

Agho yaatonera kyabazinga zaabu agheza kilo ng'oti enkumi ina (4,000), n'obuwoowo kamaala inho, n'amabaale ag'omughendo. Era tighaidhangaghooku kabiri bya buwoowo byaga agho bungi ng'oti n'ebyo kyabazinga omukazi ow'e Sheba bye yatonera kyabazinga Solomoni.

1 Bakyabazinga 10:25

Buli muntu eyaidhanga, ng'aleeta ekirabo: ebintu bya feeza n'ebya zaabu, ebivaalo, eby'okulwanisa, obuwoowo, embalaasi n'enhumbu. Abantu baaleetanga ebintu ebyo buli mwaka.

1 Bakyabazinga 9:14

Hiramu oyo, zaabu ye yagheereza kyabazinga Solomoni, yagheramu kilo ng'oti enkumi ina (4,000).

2 Ebyomubyanda 17:11

Abandi ku Bafilisiti baaleetera Yehoshafati ebirabo era baamugha ni feeza ng'omusolo. Abawarabu boona baamugha entaama enume kasanvu na lusanvu (7,700), n'embuzi enume dhoona kasanvu na lusanvu (7,700).

2 Ebyomubyanda 9:23

Bakyabazinga ab'omu nsi yoonayoona baayendanga okwidha aghali Solomoni oyo, okuwulira ebibono eby'amagezi ge, Katonda ge yamugha.

2 Ebyomubyanda 9:9

Agho yaatonera kyabazinga zaabu agheza kilo ng'oti enkumi ina (4,000), n'eby'obuwoowo kamaala inho, n'amabaale ag'omughendo. Era ghaali tighabangaghooku buwoowo ng'oti n'obwo kyabazinga omukazi ow'e Sheba bwe yatonera kyabazinga Solomoni.

Yobu 42:11

Agho baganda ba Yobu ni baanhina, ni boonaboona abaali bamwidhi baidha, baaliira ghalala naye ekiiwulo mu nnaku ye. Era baamusaasira olw'ebizibu byonabyona Musengwa Katonda bye yamutuusaaku. Buli muntu yaamugha ekitundu kya feeza n'empeta eya zaabu.

Zabbuli 68:30

Kaabukira ensolo edho edh'omu nsiko edhisula mu bigada; okaabukire abantu abo abaayira enume n'obuyana aghalala, era obatyankirire okutuusa lwe banaakuba amakiryaivu ni bakutonera feeza. Sansaania abantu abo abenda einho okutanula entalo.

Zabbuli 72:10

Bakyabazinga ab'e Tarushishi n'ab'omu bizinga bamutonere ebirabo; ni bakyabazinga ow'e Sheba n'ow'e Seba, boona bamughe ebirabo.

Abalamuzi 3:15

Aye Abaisiraeli bwe baalirira Musengwa Katonda, Musengwa Katonda oyo yaabateeragho omuntu eyabanunula, nga ni Ehudi mutabane wa Gera, ow'omu kika kya Benjamini. Ehudi oyo yali wa igooda. Agho Abaisiraeli baatuma Ehudi oyo okutwala ebirabo ye kyabazinga Eguloni ow'e Moabu.

1 Samueli 10:27

Aye ghaabaagho abantu abazira kye bagasa, abaakoba bati: “Omusaadha oyo alituwonia atya?” Kale baamunhooma, baaloba kumutwalira birabo. Aye mwene yaabaleka buleke.