2 Ebyomubyanda 9:20 - Baibuli Ekibono kya Katonda 2014

²⁰ Ebintu byonabyona ebya kyabazinga Solomoni bye yakozesanga ku by'okunhwa, byali bya zaabu. Era ebintu byonabyona ebyakozesebwanga ku by'okulya mu ndhu eyayetebwanga Ekibira kya Lebanoni, byali bya zaabu mukenenule. Mu biseera bya Solomoni, feeza tiyatwalibwanga ng'ekintu eky'omughendo.

2 Ebyomubyanda 9:20 ပူးပေါင်းရင်းမြစ်များ

1 Bakyabazinga 10:21

Ebintu byonabyona ebya kyabazinga Solomoni bye yakozesanga ku by'okunhwa, byali bya zaabu. Era ebintu byonabyona ebyakozesebwanga ku by'okulya mu ndhu eyayetebwanga Ekibira kya Lebanoni, byali bya zaabu mukenenule. Tighaaligho kintu kyonakyona kya feeza, kuba mu biseera bya Solomoni, feeza tiyatwalibwanga ng'ekintu eky'omughendo.

2 Ebyomubyanda 9:19

Ghaaligho n'ebifaananie ebindi eby'empologoma ikumi na bibiri, nga dheemereire ndala ndala ku luuyi ni ku luuyi okwa buli idaala, ku madaala gale omukaaga. Tighaalighooku kityamo kya bwakyabazinga kyakolebwa kabiri mu bwakyabazinga bundi, nga kifaanana n'ekyo.

2 Ebyomubyanda 9:21

Kyabazinga yali n'olugololiro olw'amaato agaajanga e Tarushishi ku nhandha enene nga gali ghalala n'olugololiro olw'amaato ga Hiramu. Buli ku nkomerero ya myaka esatu, olugololiro lw'amaato olwo lwairanga okuva e Tarushishi nga luleese zaabu, ni feeza, n'amasanka, n'ensude, n'enkembo.

2 Ebyomubyanda 9:27

Mu biseera bye, feeza yayala mu Yerusalemu, yaaba mungi ng'oti bwa mabaale. N'emivule gyaba mingi ng'oti miti emisikamore egy'omu biketezo bya Buyudaaya eby'omu biiko.

Isaia 2:22

Muve ku kwesiganga abantu, kuba, okutoolaku omuuka ogw'omu nhindo gwe bagheera, kiki ekindi eky'omughendo kye bali nakyo?

Yeremia 31:5

Muliiramu kabiri okusimba amasamba ag'emizabbibu ku nsozi dh'e Samaria, era abo abaligasimba balirya ku bibala ebigavaamu.

Matayo 6:29

Aye ka mbakobere, waire Solomoni mu kitiisa kye kyonakyona tiyavaalanga ng'ekirala ku ebyo.