2 Ebyomubyanda 8:15 - Baibuli Ekibono kya Katonda 2014

¹⁵ Kyabazinga Daudi bye yalagira bakabona n'Abalevi ku bintu ebyaterekebwa ni ku bintu ebindi, baabituukiriza bukalamu.

2 Ebyomubyanda 8:15 ပူးပေါင်းရင်းမြစ်များ

1 Bakyabazinga 7:51

Mu nsambo eyo omulimo gwonagwona kyabazinga Solomoni gwe yakola ku isinzizo gwawa. Era Solomoni oyo yaingiza mu isinzizo eryo ebintu byonabyona lata we Daudi bye yaghaayo okubanga ebya Musengwa Katonda: feeza, ni zaabu, n'ebikozesebwa byonabyona, yaabitereka mu iterekero ery'eisinzizo lya Musengwa Katonda.

1 Ebyomubyanda 9:29

Abandi baabagemya ogw'okulabiriranga ebintu ebindi ebikozesebwa, n'okulabiriranga obuwunga obuseereibwa obukalamu, n'omwenge ogw'emizabbibu, n'omuzigo ogw'ebibala eby'emiti emyoliva, n'obubbaani, n'obuwoowo.

2 Ebyomubyanda 30:12

Era amaani ga Katonda gaakolera mu Bayudaaya, beeyimba kitole nga bamalirivu okujiira ku kiragiro kyabazinga n'abakungu be, kye baabagha nga Musengwa Katonda bwe yalagira.

2 Ebyomubyanda 8:14

Solomoni oyo yaakola nga lata we Daudi bwe yalagira, yaataagho engobo bakabona dhe baakolerangamu omulimo gwaibwe. Yaataagho n'engobo Abalevi dhe baakolerangamu omulimo gwaibwe ogw'okwemba enhembo edhisaaka, n'okugheereza nga bayambaku bakabona, nga bwe kyetaagisanga buli lunaku. Yaataagho n'abakuumi b'emiryango mu ngobo, ku buli mulyango kuba atyo Daudi omuntu wa Katonda bwe yalagira.

2 Ebyomubyanda 8:16

Mu nsambo eyo Solomoni yaamaliriza omulimo gwonagwona, okuviira irala ku lunaku lwe baataagho omusingi gw'eisinzizo, okutuusa lwe lyawa okuzimba. Kale eisinzizo eryo lyamalirizibwa.