2 Ebyomubyanda 8:11 - Baibuli Ekibono kya Katonda 2014

¹¹ Agho Solomoni yaatoola mukazi we mu kyetebwa Ekibuga kya Daudi, yaamuta mu kisaagaati ekikye kye yamuzimbira, ng'akoba ati: “Mukazi wange taidha kuba mu kisaagaati kya kyabazinga Daudi owa Isiraeli, kuba ebifo Esanduuku ya Musengwa Katonda bye yatuukamuuku biba bitukuvu.” Mukazi wa Solomoni oyo yali mughala wa kyabazinga w'e Misiri.

2 Ebyomubyanda 8:11 ပူးပေါင်းရင်းမြစ်များ

1 Bakyabazinga 3:1

Agho Solomoni yaaleetagho enkolagana ni kyabazinga w'e Misiri, ng'abayiza mughala wa kyabazinga oyo. Era Solomoni yaaleeta omughala oyo mu kyetebwa Ekibuga kya Daudi, okutuusa lwe yamala okwezimbira endhu n'ekisaagaati kyaku ekikye, n'eisinzizo lya Musengwa Katonda, n'ekimante okwezungulula ekibuga Yerusalemu.

1 Bakyabazinga 7:8

Endhu Solomoni mwene mwe yasulanga, yali mu luya lundi olwali emandhu w'Endhu eyo ey'Okulamuliramu. Enzimba yaayo yali n'endala n'ey'ebizimbe ebindi. Solomoni yaazimbira ni mukazi we, mughala wa kyabazinga w'e Misiri, endhu efaanana ng'oti n'eyo.

1 Bakyabazinga 9:24

Mughala wa kyabazinga w'e Misiri bwe yamala okuva mu kyetebwa Ekibuga kya Daudi n'aira mu kisaagaati ekikye ku bubwe Solomoni kye yamuzimbira, agho Solomoni yaazimba ekifo kye baidhuzaamu eitaka ekyetebwa Millo.

2 Ebyomubyanda 8:10

Ghaaligho abakungu abakologho ebikumi bibiri n'ataanu (250), abaafuganga abantu.

Okuvaayo 29:43

Mu kifo ekyo mwe ndidha okwagaanananga n'Abaisiraeli boonaboona, era ekitiisa kyange kiidha kukifuulanga kitukuvu.

Okuvaayo 3:5

Katonda oyo yaamukoba ati: “Otayongera kuseeta. Toolamu engaito dho, kuba gh'oyemereire kifo kitukuvu.”

Ezekieli 21:2

“Iwe omuntu, amaiso go galingirize ku Yerusalemu. Olange ng'ovumirira ebifo abantu bye basinzizaamu, era ng'olabula ensi Isiraeli.

2 Petero 1:18

Twawulira eiroboozi eryo nga liva mu igulu kuba twali naye ku lusozi olutukuvu.