2 Ebyomubyanda 6:41 - Baibuli Ekibono kya Katonda 2014

⁴¹ Wo Musengwa Katonda waife, situkiramu otyame mu kifo kyo, obeemu n'Esanduuku yo ey'Endagaano eyoleka obukumu bwo. Bakabona bo baleetere okukolanga ebituufu buliidho, ekyo kibenga ng'ekivaalo ekitabavaaku; era abo abakutya baleetere okukubanga emizira olw'eisanhu.

2 Ebyomubyanda 6:41 ပူးပေါင်းရင်းမြစ်များ

1 Ebyomubyanda 28:2

Agho kyabazinga Daudi yaayemerera, yaakoba ati: “Muwulire bye nkoba, imwe baganda bange era bantu bange. Nayenda inho okuzimbira Esanduuku y'Endagaano ya Musengwa Katonda endhu mw'enaabanga, kibenga ekifo Katonda waife mw'afugira. Era nali ntegeike okuzimba,

Nehemia 9:25

Abaidhukulu abo baanhaga ebibuga ebyezungulwirwa ebimante ebigumu baatoola eitaka eigimu n'endhu edhiidhwire ebintu ebirungi; baatoola ensulo ensime, amasamba ag'emizabbibu, n'ag'emiti emyoliva, n'ag'emiti egindi egy'ebibala kamaala. Kale baalyanga baigutanga era baageedha, beesanhukiza ku birungi ebingi bye wabagha.

Zabbuli 110:2

Musengwa Katonda era abunisa obufuzi bwo woonawoona ng'aviira mu Sioni. Fuga abazigu bo abakwezungulwire.

Zabbuli 132:16

Bakabona baamu ndidha kubagha enkabi mu bye bakola byonabyona, n'abantu baamu abatya Katonda mbaleetere okukuba emizira olw'eisanhu.

Zabbuli 65:11

Ogha abantu bo okukungula ebingi kuba oli mulungi. Buli ghantu ghaligho ebirungi kamaala.

Zabbuli 65:4

Wa nkabi oyo y'olonda n'omuseesa okumpi n'iwe, abenga mu kifo kyo ekitukuvu. Bwe tufuna ebirungi eby'omu ndhu yo, ni tufuna n'enkabi edhiva mu isinzizo lyo eitukuvu, titudhulirira kindi.

Isaia 61:10

Ekibuga Yerusalemu kikoba kiti: “Ndisagamba inho olwa Musengwa Katonda era naasangaala olwa Katonda wange oyo; kuba anvaaziiza obulokozi n'obutuufu ng'oti bivaalo. Ndi ng'oti n'omugole omusaadha ye bavaaziiza engule ku mutwe, era ng'oti n'omugole omukazi ye badholiige n'ebyamadholobera.”

Isaia 61:3

Era yantuma eri abo abali mu Sioni, mbavaaze engule ku mitwe gyaibwe mu kifo ky'eivu lye beebbaase. Era mbaleetere okusangaala mu kifo eky'okunakughala, mbaleetere n'olwembo olw'okusaaka mu kifo eky'okuba mu bughafu. Olwo babe ng'oti n'emiti emikologho Musengwa Katonda mwene gye yeesimbira; era bakolenga ebituufu ebireetera Musengwa Katonda oyo okugheebwa ekitiisa.

Isaia 61:6

Aye imwe, abantu balibeetanga bakabona ba Musengwa Katonda, era abagheereza ba Katonda waife. Mulikozesanga obukombe bw'amaghanga, bwabaleeteranga imwe okuteebwamu ekinhagansi.

Isaia 66:1

Musengwa Katonda akoba ati: “Eigulu n'ekityamo kyange eky'obwakyabazinga, ate ensi, kwe nta ebigere byange. Kale mulinzimbira ndhu nabaki? Era kifo ki mwe ndiwuumulira?

Zekaria 9:17

Bwenebwene ensi eriba nungi era ng'esikiriza! Abalenzi n'abaghala tibalibulirirwa ngaano ya kulya, waire okubulirirwa omwenge ogw'emizabbibu ogw'okunhwa, basobole okuba obukalamu.

Ab'e Roma 1:16

Amawulire Amalungi tigangemya nsoni, kuba n'amaani ga Katonda agalokola buli aikiriza, okusookera ku Bayudaaya memale oizeeku abamaghanga agandi.

Ab'e Roma 13:14

Aye tugeme eby'okulwanisa bya Musengwa waife Yesu Kurisito. Mutaganhanga mubiri kukola kye gwenda.

Ab'e Galatia 3:27

Kuba mwenamwena abaabatizibwa mu Kurisito, Kurisito oyo mwamuvaala oti kivaalo.

Ab'e Filippi 3:3

Kuba niife abaafuna okukeketebwa okutuufu, abasinza Katonda nga Mwoyo we bw'atugalagira, abasagambira mu kwisa ekirala mu Kurisito Yesu, era abatata bwesige mu bya mubiri.

Ab'e Filippi 4:4

Buliidho musagambirenga mu Musengwa. Era kabiri nkiiramu nti Musagambe!

Yoshua 3:13

Bakabona ababbeedie Sanduuku y'Endagaano eyo bwebanaaniina ebigere byaibwe mu mwiga Yorudani, amaadhi gaidha kulekera agho okutambula, agabaire nga gava eitale gaidha kwebunga mu kifo kirala.”

Okwolekebwa 19:14

Amagye ag'omu igulu gaamunonereza, ng'abaisirukale bali kuvuga embalaasi endheru era nga bavaire ebivaalo ebyeru, ebyamule, era ebighegheevu.

Okwolekebwa 19:8

Omugole oyo aikiriziibwa okuvaala ebivaalo ebighegheevu, ebyamule era ebimirimiinha.” Ebivaalo ebighegheevu n'ebikolwa ebirungi eby'abatuukirivu.