2 Ebyomubyanda 6:40 - Baibuli Ekibono kya Katonda 2014

⁴⁰ “Wo Musengwa Katonda, mpegaano ni tulingeku n'amaiso go era otege kutu wo, owulire bye tukusaba mu kifo kino.

2 Ebyomubyanda 6:40 ပူးပေါင်းရင်းမြစ်များ

1 Bakyabazinga 8:52

“Wo Musengwa Katonda wange, buliidho mpulirisanga nze omugheereza wo, era owulirisenga n'abantu bo Abaisiraeli bye bakusaba nga bakweghemba,

1 Bakyabazinga 9:3

Yaamukoba ati: “Mpuliire by'onsabye ng'oneeghemba agho mu maiso gange. Ntukwiza eisinzizo lino ly'onzimbiire, libe ery'okunsinzizangamu enaku dhoonadhoona. Ndidha kulikuumanga obutatemya enaku dhoonadhoona.

2 Bakyabazinga 19:16

Wo Musengwa Katonda lingirira obone ebitutuuseeku, era otege kutu owulire ebibono Sennakeribu by'agheereiza okukuvuma, iwe Katonda omulamu.

2 Ebyomubyanda 16:9

Musengwa Katonda abona mu nsi mwonamwona buli kiseera, asobole okugha amaani abo ab'emyoyo egimwesiga. Kale kino ky'okoze kya kisiru. Okuva n'olwaleero oidha kubanga mu kulwana ntalo.”

2 Ebyomubyanda 6:20

Kuumanga eisinzizo lino omusana n'obwire, kuba kino n'ekifo kye wakoba oti mwe banaakusinzizanga. Nkweghembye wulirisanga bye nnaakusabanga nze omugheereza wo, nga ningiriire eisinzizo lino.

2 Ebyomubyanda 6:39

Wuliranga bye bakusaba nga bakweghemba eyo y'oli mu igulu, era obaghenga bye bakusaba. Sonighanga abantu bo abo olw'okukola ebibi y'oli ni bakusungughaza.

2 Ebyomubyanda 7:15

Ndidha kulabiriranga eisinzizo lino era ntegenga amatu okuwulira byonabyona bye banansabanga nga bali omwo

Nehemia 1:11

Wo Musengwa Katonda, tega kutu wo owulire nze omugheereza wo bye nkusaba, owulire n'eby'abagheereza bo abandi, abasanhukira einho okutya eriina lyo. Nze omugheereza wo nkusaba ompe obughanguzi olwaleero luno, oleetere omusaadha ono okunsaasira.” Mu kiseera ekyo, ninze nagheerezanga kyabazinga eby'okunhwa.

Nehemia 1:6

Lingirira nze omugheereza wo, otege kutu wo owulire bye nkusaba omusana n'obwire ku lw'abagheereza bo Abaisiraeli. Ndhatula nti bwenebwene ife Abaisiraeli twayonoona.

Zabbuli 116:2

Era olw'okuba ampulirisa, ndidha kumuliriranga okutuusa lwe ndiva ku nsi.

Zabbuli 13:3

Wo Musengwa Katonda wange, mbeera otansiriikirira, ndhiriza amaani gange ndobe kufa.

Zabbuli 130:2

Wo Musengwa Katonda, wulirisa okweghemba kwange, otege kutu owulire okusaba kwange, ombeere.

Zabbuli 17:1

Wo Musengwa Katonda, wulira okulira kwange nga nkusaba oyoleke obutuufu bwo. Ntegera kutu owulirise okusaba kwange okuziramu kuguya.

Zabbuli 31:2

Tega kutu ompulirise, yangughaku omponie, onfuukire olubaale olw'okwewogomamu era ekimante ekigumu ekineezungulwire eky'okumponia.

Zabbuli 34:15

Amaiso ga Musengwa Katonda tigava ku batuufu, era talekera kuwulirisa kusaba kwaibwe.

Zabbuli 7:3

Wo Musengwa Katonda wange: Ghaligho omuntu yeenayeena ye nakola ekibi? Ghaligho ow'omukago ye natuusaaku akabi? Ghaligho omuzigu ye ntaakolera nga bwe kigwaine? Oba nga ghaligho ku ebyo kye nakola,

Zabbuli 88:1

Wo Musengwa Katonda wange, omusana nkulirira n'obwire naakweghemba oidhe ondokole.

Isaia 37:17

Wo Musengwa Katonda lingirira obone ebitutuuseeku, era otege kutu owulire ebibono Sennakeribu by'agheereiza okukuvuma, iwe Katonda omulamu.