2 Ebyomubyanda 6:34 - Baibuli Ekibono kya Katonda 2014

³⁴ “Abantu bo bwe banaajanga y'onaabanga ng'obatumye okulwanisa abazigu baibwe, memale ni bakusaba nga balingiriire ekibuga kino kye walonda, era nga balingiriire eisinzizo lino lye nkuzimbiire,

2 Ebyomubyanda 6:34 ပူးပေါင်းရင်းမြစ်များ

1 Bakyabazinga 8:13

Mpegaano nkuzimbiire eisinzizo ery'ekitiibwa, ekifo mw'onaabanga enaku dhoonadhoona.”

2 Ebyomubyanda 18:31

Agho abaduumizi b'ebigaali eby'omu lutalo abo bwe baabona kyabazinga Yehoshafati, baadhuuba bati ni kyabazinga wa Isiraeli, era baakyuka okumulwanisa. Aye Yehoshafati oyo bwe yayana einho, Musengwa Katonda yaamubeera, yaamubawonia.

2 Ebyomubyanda 20:4

Abantu baava mu bibuga bya Buyudaaya byonabyona, beesoloza okusaba Musengwa Katonda abayambe.

2 Ebyomubyanda 6:33

wuliranga by'akusaba eyo y'oli mu kifo kyo mu igulu. Olwo abantu boonaboona mu nsi basobole okukumanha era n'okukutya ng'oti n'abantu bo Abaisiraeli bwe bakuwulira. Era bamanhe bati eisinzizo lino lye nzimbye, n'ekifo eky'okukusinzizangamu.

2 Ebyomubyanda 6:35

wuliranga okusaba kwaibwe nga bakweghemba eyo y'oli mu igulu, era obaghenga bye bakusaba.

2 Ebyomubyanda 6:6

Aye mpegaano nonzeegho Yerusalemu kibe ekifo mwe banansinzizanga, era naataagho iwe Daudi okulemberenga abantu bange Abaisiraeli.’ ”

Isaia 14:32

Kale abakwenda b'eighanga ly'Abafilisiti abaliidha ye tuli tulibairamu tutya? Tulibairamu tuti, ‘Musengwa Katonda yataagho Sioni, era mu Sioni omwo abantu be abadaazibwadaazibwa mwe balirumukira.’ ”

Danieli 6:10

Danieli bwe yamanha ng'ekighandiiko eky'ekiragiro ekyo kiteirebwaku ekinkumu, yairayo eka ewuwe mu ndhu ye. Amadinisa ag'endhu eyo ag'omu kisenge ekya ghaigulu, gaali nti bwe gaigulwanga nga galingirira okwolekera Yerusalemu. Kale bwe yatuuka eyo yaakuba amakiryaivu, yaasaba era yeebaza Katonda we nga bwe yakolanga okuva eira, emikuzi esatu buli lunaku.

1 Samueli 15:18

Yaakutuma okukola omulimo ng'akoba ati, ‘Ja ozikirize abakozi ab'ebibi abo, Abamaleki, ng'obalwanisa okutuusa lw'olibaita n'obamalagho.’

1 Samueli 15:3

Mpegaano ja oite Abamaleki, era ozikirize ni bye bali nabyo byonabyona. Ghatabaagho y'osaasira, aye baite boonaboona: abasaadha n'abakazi, abaana abato n'abayonka, era oite n'ente, n'entaama, n'engamiya, n'endogoyi.’ ”