2 Ebyomubyanda 6:21 - Baibuli Ekibono kya Katonda 2014

²¹ Wulirisanga bye nnaakusabanga nze omugheereza wo, era n'abantu bo Abaisiraeli bye banaakusabanga nga balingiriire ekifo kino. Bwenebwene tuwulirisenga ng'oli mu igulu eyo y'oba, era otusonighenga ng'otuwuliire.

2 Ebyomubyanda 6:21 ပူးပေါင်းရင်းမြစ်များ

2 Ebyomubyanda 30:27

Agho bakabona n'Abalevi baasituka, baasabira abantu enkabi. Katonda yaawulira amamiro gaibwe, yaasiima okusaba kwaibwe mu kifo kye ekitukuvu y'aba mu igulu.

2 Ebyomubyanda 6:22

“Omuntu bw'anaakolanga mwine ekibi ni bamukoba alayire, era n'aidha gh'alutaari yo mu isinzizo lino n'alayira,

2 Ebyomubyanda 6:39

Wuliranga bye bakusaba nga bakweghemba eyo y'oli mu igulu, era obaghenga bye bakusaba. Sonighanga abantu bo abo olw'okukola ebibi y'oli ni bakusungughaza.

Zabbuli 123:1

Wo Musengwa Katonda, ningiriire ku iwe eyo mu igulu, y'oli ku kityamo eky'obwakyabazinga.

Omulangirizi 5:2

Toyanguyirizanga kwogera n'osuubiza Katonda kintu, kuba Katonda ali mu igulu ate iwe oli ku nsi. Kale oyogeranga bitono

Isaia 18:4

Musengwa Katonda ankobye ati aliba mu kifo kye mw'aba, yaalingirira kisiriikiriza ng'oti n'olwota bwe lukunkunira mu kasana akali kwememula, era yaaba ng'oti n'omusulo ogutoonhera mu lwota olw'obwire mu biseera by'amakungula.

Isaia 43:25

Aye era nze, ninze mwene nsonigha ebibi byaimwe nze ku bwange, era tija kabiri kubibavunaana.

Isaia 44:22

Ndheyiiyaagho ebibi byo byavaagho ng'oti kire, ebyonoono byo ebyo byabulagho ng'oti lufu. Kyuka oire ye ndi, kuba ninze nakununula.”

Isaia 57:15

“Ninze Katonda Omutukuvu aligho ebyanda n'ebyanda, aswikiriire ebintu byonabyona. Mba mu kifo ekiri ghaigulu era ekitukuvu. Aye era mba ni mu bantu abawombeefu era abeenenia, nsobole okubaizaamu omwoyo n'eisuubi.

Danieli 9:19

Wo Musengwa Katonda, ganha owulire. Wo Musengwa, ganha osonighe. Wo Musengwa Katonda, taayo inho omwoyo okoleregho. Otalwa naire. Tubeere olw'ekitiisa kyo, kuba ekibuga kino kikyo, n'abantu bano babo.”

Mika 7:18

Ezirayo katonda ali ng'oti niiwe, Musengwa Katonda. Osonigha ebibi eby'abantu bo abawoniegho. Tosungughala bujiiririire, aye osangaala okutwoleka okugonza kwo okutakoma.

Matayo 6:12

Tusonighe ebibi byaife, nga bwe tusonigha abatukola ebibi.

Matayo 6:9

Agho ni musabanga muti: ‘Iseife ali mu igulu, eriina lyo litiibwe.