2 Ebyomubyanda 6:17 - Baibuli Ekibono kya Katonda 2014

¹⁷ Wo Musengwa Katonda, iwe Katonda wa Isiraeli, nkweghembye ni, ganha ekyo kye wasuubiza omugheereza wo Daudi kituukirire.

2 Ebyomubyanda 6:17 ပူးပေါင်းရင်းမြစ်များ

2 Ebyomubyanda 6:14

Yaakoba ati: “Wo Musengwa Katonda, iwe Katonda wa Isiraeli, ezirayo katonda ali ng'oti niiwe, k'ebe mu igulu oba ku nsi; kuba iwe okuuma endagaano y'okola n'abantu bo era waabagonza obutalekera, kasita bagumira ku iwe n'omwoyo gwaibwe gwonagwona.

2 Ebyomubyanda 6:16

Wo Musengwa Katonda, iwe Katonda wa Isiraeli, mpegaano ni kuuma kye wasuubiza omugheereza wo lata wange Daudi oyo, bwe wakoba oti, ‘Mu b'eizaire lyo toobulengamu muntu ye ntaagho okutyama ku kityamo kyo eky'obwakyabazinga bwa Isiraeli, kasita banaawuliranga bye nkoba, ni bagumira ku nze nga iwe bwe wakola.’

2 Ebyomubyanda 6:18

“Aye obwo bwenebwene iwe Katonda osobola okuba aghalala n'abantu ab'oku nsi? Ate oba waire mu igulu lyene, erisingayo okuba ghaigulu tosugamu, memale onaasuga otya mu isinzizo lino lye nzimbye!

2 Ebyomubyanda 6:4

Yaabakoba ati: “Tumusaake Musengwa Katonda, oyo Katonda wa Isiraeli, atuukiriiza kye yasuubiza lata wange Daudi, bwe yakoba ati,

Okuvaayo 24:10

baabona Katonda wa Isiraeli. Ghansi gh'ebigere bye nga ghali ng'oti ni ghe baayaliira amabaale ag'omughendo ageetebwa saffiro, aga langi ya bbululu omutangaavu obukalamu ng'eigulu.

Isaia 41:17

Abantu bange abaavu n'abali mu bwetaavu, bwe balinoonia amaadhi ni gababula, amamiro ni gatuuka n'okubakala olw'endiwo, nze Musengwa Katonda ndiiramu okusaba kwaibwe nze Katonda wa Isiraeli tiribalekulira agho.

Isaia 45:3

Ndikugha obukombe bwe baakweka mu bifo ebyekusifu, olwo omanhe nga nze Musengwa Katonda, Katonda wa Isiraeli, ninze nkwese eriina lyo obe wange.

Yeremia 11:5

Memale ntuukirizenga ekisuubizo kye nasuubiza badhaadha baibwe, nti ndibagha ensi engimu erimu ebirungi kamaala, era mwe bali buti.” Nze nairamu nti: “Wo Musengwa Katonda, ndidha kubakobera nga bw'okobye.”

Abalamuzi 13:11

Manoa yaasituka, yaanonereza mukazi we. Yaaja y'omuntu ole, yaamubuuza ati: “Niiwe omuntu ole eyayogera ni mukazi wange?” Ole yairamu ati: “Ninze.”