2 Ebyomubyanda 6:13 - Baibuli Ekibono kya Katonda 2014

¹³ Solomoni oyo yali amaze okukola ekituuti mu kyuma eky'ekikomo, ng'endhuyi dhaakyo dhoonadhoona eina dhaagayaga, buli lulala lwa mita ibiri n'obutundu bubiri. Ate obugungumavu bw'ekituuti ekyo nga bwa mita ndala n'obutundu busatu. Era ng'amaze n'okukita ghagati mu luya. Agho yaaniina ghaigulu ku kituuti ekyo, yaakuba amakiryaivu ng'Abaisiraeli boonaboona abeesoloiza bali agho, era yaayandhululiza emikono gye eri eigulu.

2 Ebyomubyanda 6:13 ပူးပေါင်းရင်းမြစ်များ

1 Bakyabazinga 6:36

Yaazimba oluya olw'omunda nga lwa myaliiro esatu egy'amabaale, n'omwaliiro mulala ogw'emiti emivule.

1 Bakyabazinga 7:12

Oluya olunene lwali lwezungulwirwa ekimante kye baazimba mu myaliiro esatu egy'amabaale amabaadhe, era nga lwezungulwirwa n'omwaliiro mulala ogw'embaawo edh'omuvule. N'oluya olw'omunda olw'eisinzizo, n'ekisasi ekyazimbibwa emberi w'eisinzizo eryo, byona bityo bwe baabizimba.

1 Bakyabazinga 8:54

Solomoni bwe yamala okusaba Musengwa Katonda ebyo byonabyona ng'amweghemba, yaasituka gh'alutaari ya Musengwa Katonda, ghe yali akubye amakiryaivu ng'ayandhululiiza emikono gye y'eigulu.

2 Ebyomubyanda 4:9

Yaakola oluya olwa bakabona, era n'oluya olukologho. Endhigi edh'oku mulyango ogwali ghagati gh'empya edho dhombi yaadhirimbyaku ekyuma eky'ekikomo.

2 Ebyomubyanda 6:12

Solomoni yaayemerera mu maiso g'alutaari ya Musengwa Katonda, ng'Abaisiraeli boonaboona abeesoloiza bali agho, yaayandhuluza emikono gye.

Ezera 9:5

Ekiseera eky'okughaayo omusengo ogw'eigulo bwe kyatuuka, naasituka ghe nali ntyaime nga ndi kusiiba era nga nkaali mu bivaalo byange ebikanufu. Naakuba amakiryaivu era naayandhululiza eri Musengwa Katonda wange emikono nga nkoba nti:

Nehemia 1:4

Bwe nawulira ebyo byonabyona naatyama ghansi, naalira amaziga. Naamala enaku nga ndi kulira obughafu, naasiiba era naasaba Katonda ow'eigulu,

Nehemia 8:4

Ezera oyo, eyali omunamateeka, yaayemerera ku kituuti kye baakola mu mbaawo olw'omukolo ogwo. Era agho okumpi naye, ku luuyi lwe olw'omukono omusaadha ghaayemereragho, Mattithia, Shema, Anaia, Uria, Hilikia, ni Maaseia. Ate ku luuyi lwe olw'omukono omugooda, ghaayemereragho bano: Pedaia, Mishaeli, Malikiya, Hashumu, Hashibaddana, Zekaria, ni Meshullamu.

Zabbuli 95:6

Mwidhe tumusinze nga twewombeese, tumukubire amakiryaivu oyo Musengwa Katonda, Omutonzi waife.

Okuvaayo 9:29

Musa yaamwiramu ati: “Olunaafuluma ekibuga kino nti, ndidha kughanika emikono nsabe Musengwa Katonda, okubwatuka okw'olukuba kusirike era n'omugozi gwonagwona guweegho, olwo omanhe ng'ensi ya Musengwa Katonda yenka.

Danieli 6:10

Danieli bwe yamanha ng'ekighandiiko eky'ekiragiro ekyo kiteirebwaku ekinkumu, yairayo eka ewuwe mu ndhu ye. Amadinisa ag'endhu eyo ag'omu kisenge ekya ghaigulu, gaali nti bwe gaigulwanga nga galingirira okwolekera Yerusalemu. Kale bwe yatuuka eyo yaakuba amakiryaivu, yaasaba era yeebaza Katonda we nga bwe yakolanga okuva eira, emikuzi esatu buli lunaku.

Luka 22:41

Yaabaleka agho yeeyongerayooku akata nga gh'otuusa okusuula eibaale,

Ebikolwa by'Abatume 20:36

Paulo bwe yamala okwogera ebyo yaakuba amakiryaivu nabo, yaasaba nabo boonaboona.

Ebikolwa by'Abatume 21:5

Bwe twamalayo enaku edho, twavaayo twaja ku lugendo lwaife. Boonaboona ghalala n'abakazi baibwe, n'abaana baatugherekeraku baatufulumya mu kibuga. Twenatwena twakuba amakiryaivu ku mbali kw'enhandha twasaba.