2 Ebyomubyanda 36:23 - Baibuli Ekibono kya Katonda 2014

²³ “Kyabazinga Kuro ow'e Perusia akoba ati: Musengwa Katonda, Katonda ow'eigulu, yampa obwakyabazinga bwonabwona obw'oku nsi, era ampaire obuvunaanizibwa okumuzimbira eisinzizo e Yerusalemu ekiri mu Buyudaaya. Kale ni buli muntu ku imwe abantu be, aje eyo. Nsaba Musengwa Katonda oyo abe n'imwe mwenamwena abantu be.”

2 Ebyomubyanda 36:23 ပူးပေါင်းရင်းမြစ်များ

1 Ebyomubyanda 22:16

mu zaabu, ni mu feeza, ni mu kyuma eky'ekikomo, era ni mu kyuma ekigumu einho. Situkiramu otoolere omulimo. Nsaba Musengwa Katonda abenga n'iwe.”

1 Ebyomubyanda 29:5

n'okukolamu ebintu byonabyona ebya zaabu n'ebya feeza, abagheesi bye balikola. Kale ni olwaleero luno, naani owundi omwetegefu okwevaamu ekyeyendere, okubaaku by'aghaayo bibe ebya Musengwa Katonda?”

2 Ebyomubyanda 36:22

Mu mwaka ogwasooka ogwa kyabazinga Kuro okufuga Perusia, Musengwa Katonda yatuukiriza ekyo kye yayogera ng'abita mu Yeremia omulanzi. Musengwa Katonda oyo yaleetera kyabazinga Kuro oyo okulangirira ekiragiro mu bwakyabazinga bwe bwonabwona, era yaakita mu bughandiike ati:

Ezera 1:1

Mu mwaka ogwasooka ogwa kyabazinga Kuro okufuga Perusia, Musengwa Katonda yatuukiriza ekyo kye yayogera ng'abita mu Yeremia omulanzi. Musengwa Katonda oyo yaleetera kyabazinga Kuro oyo okulangirira ekiragiro mu bwakyabazinga bwe bwonabwona, nga kighandiikiibwa kiti:

Ezera 7:13

“Buti ndi kugha ekiragiro, nti Omuisiraeli yeenayeena ali mu bwakyabazinga bwange, k'abe kabona oba Omulevi, ayenda okuja ekyeyendere e Yerusalemu, wa idembe okuja n'iwe.

Zabbuli 136:26

Musiime Katonda ow'eigulu; okugonza kwe tikukoma, kubaagho byanda na byanda.

Isaia 41:2

Naani eyasiikuula omuntu oyo ow'e buvandhuba n'amuleetera okwidha, aje ng'aghangula buli gh'atuuka woonawoona? Naani amuleetera okughangula amaghanga, naatyankirira bakyabazinga n'ebigere bye n'abaitisa empiima ye, n'abafuuta ni baba ng'oti bwa nkungu, era n'abasansaania n'obusaale bwe ni baba ng'oti n'eisubi eikalu empewo ly'efuuwa n'eritwaliriza?

Isaia 44:5

Ghalibaagho omuntu alikoba ati, ‘Nze ndi wa Musengwa Katonda.’ Ate ole alyetuuma eriina lya Yakobo, n'owundi yaaghandiika ku mukono gwe ati, ‘Nze ndi wa Musengwa Katonda,’ era yeebalira mu Baisiraeli.”

Isaia 45:13

Ninze nasiikuula Kuro naamuleetera okuja okutereeza ebyali byonooneike. Era ndidha kuleeteranga by'akola byonabyona okuja obukalamu. Alizimba buyaaka ekibuga kyange Yerusalemu, era yaaleetera abantu bange okuva mu bunhage. Ekyo alikikola aghazira muntu kumugulirira waire okumugha empeera.” Musengwa Katonda Afuga Amagye, n'akobye.

Yeremia 27:6

Era mperaano ninze mpaire omugheereza wange, kyabazinga Nebukadinezzari ow'e Babilonia, okufuga amaghanga gano goonagoona. Era naamugha n'ensolo edh'omu nsiko dhoona dhimugheereze.

Danieli 2:21

Aleetera enaku n'ebiseera okukyukakyuka, yaataagho era yaatoolagho bakyabazinga. Aleetera abantu okuba n'amagezi, era yaabaleetera okuba n'okutegeera.

Danieli 2:37

Iwe Isebantu kyabazinga, niiwe kyabazinga asinga mu bakyabazinga boonaboona. Niiwe Katonda ow'eigulu ye yagha obwakyabazinga, n'obukumu, n'amaani, n'ekitiisa.

Danieli 4:35

Abona abantu ab'oku nsi boonaboona ng'oti n'ebintuntu ebitagasa naire. Akola kyonakyona ky'aba eyenze ku ebyo ebiba ku igulu, era yaakola kyonakyona ky'ayenda ku bantu boonaboona ababa ku nsi. Ghazira asobola kumutakania, oba okumubuuza ky'akoze.

Danieli 5:18

“Kale ni Isebantu kyabazinga, wulira: oyo Ali Ghaigulu Yeene yagha lata wo Nebukadinezzari okuba kyabazinga omukologho, ow'ekitiisa, era ow'amaani.

Danieli 5:23

Weekuluntaliiza ku Musengwa ow'eigulu. Waalagira baaleeta ebikopo ebyatoolebwa mu isinzizo lye, olwo iwe mwene n'abakungu bo, ni bakazi bo ab'omu ndhu n'ab'embali, mwabinhweramu omwenge ogw'emizabbibu. Era mwasaaka ebisinzibwa ebitali Katonda, ebitabona, waire okuwulira, oba okutegeera, bye baakola obw'omu zaabu, ni mu feeza, ni mu kyuma eky'ekikomo, ni mu kyuma ekigumu einho, ni mu miti, ni mu mabaale. Aye mwaloba kuta kitiisa mu Katonda oyo agemereire obulamu bwaimwe era abalabirira mu buli nsambo.

Danieli 5:28

‘OKUGABANIA,’ obwakyabazinga bwo abugabainiamu ghabiri, yaabugha Abamedi n'Abaperusi.”

Danieli 6:28

Kale Danieli oyo ebintu byaba nga bimujiira bukalamu mu biseera Dario Omumedi, ni Kuro Omuperusi, bye baafugiramu.

Mika 4:10

Abantu ab'omu Yerusalemu, mwegalangule era musinde ng'oti n'omukazi ali kulumwa okuzaala. Kuba mutuuse okutoolebwa mu kibuga kyaimwe muje nga musula eyo mutyo mu nsiko, mutwalibwe e Babiloni. Aye nga muli eyo, Musengwa Katonda aja kubanunula abatoole mu ngalo edh'abazigu baimwe.

Ab'e Roma 8:31

Kale ebyo tunaabikobaku ki? Katonda bw'aba ku luuyi lwaife, aghanga okutulwanisa naani?